ອະນຸຍາດໃຫ້ເປີດການຂົນສົ່ງໂດຍສານ ພາຍໃນປະເທດແລ້ວ ເລີ່ມ 18 ພຶດ​ສະ​ພາ 2020 ນີ້

ອະນຸຍາດໃຫ້ເປີດການຂົນສົ່ງໂດຍສານ ພາຍໃນປະເທດແລ້ວ ເລີ່ມ 18 ພຶດ​ສະ​ພາ 2020 ນີ້

16th May 2020 0 By Admin

ເລີ່ມແຕ່ວັນທີ 18 ພຶດສະພາເປັນຕົ້ນໄປ ອະນຸຍາດໃຫ້ເປີດການຂົນສົ່ງໂດຍສານທາງບົກ, ທາງນ້ຳ, ທາງອາກາດ ພາຍໃນປະເທດ ລະຫວ່າງແຂວງຫາແຂວງ.


ປະຕິບັດຕາມແຈ້ງການ​ສະບັບເລກທີ 580/ຫສນຍ ລົງວັນທີ 15 ພຶດສະພາ 2020 ຂອງຫ້ອງວ່າການ​ສຳນັກງານນາຍົກລັດຖະມົນຕີ​ແຫ່ງ ສປປລາວ ວ່າດ້ວຍການສຶບຕໍ່ປະຕິບັດບັນດາມາດຕະການຜ່ອນຜັນ​ ແລະ ມາດຕະການປ້ອງກັນ,​ ຄວບຄຸມ ສະກັດກັ້ນ​ ແລະ ແກ້ໄຂ​ການລະບາດຂອງພະຍາດ COVID-19 ໃນໄລຍະແຕ່ວັນທີ​ 18 ພຶດສະພາ​ – ​ 01​ ມິຖຸນາ​ 2020.

ໂດຍອະນຸຍາດໃຫ້ປະຊາຊົນ, ພະນັກງານ, ລັດຖະກອນ, ທະຫານ, ຕຳຫຼວດ, ຜູ້ປະກອບການ, ຊາວຕ່າງດ້າວ ແລະ ຊາວຕ່າງປະເທດທີ່ອາໄສຢູ່ ສປປ ລາວ ສາມາດເດີນທາງ ພາຍໃນປະເທດໄດ້, ແຕ່ຕ້ອງໃຫ້ປະຕິບັດຕາມ ມາດຕະການປ້ອງກັນການຕິດເຊື້ອ ຢ່າງເຂັ້ມງວດ ແລະ ອະນຸຍາດໃຫ້ເປີດການຂົນສົ່ງໂດຍສານທາງບົກ, ທາງນ້ຳ, ທາງອາກາດ ພາຍໃນປະເທດ ລະຫວ່າງແຂວງຫາແຂວງ.

.

.

.