ຢາກເປັນຄູ ສະໝັກເລີຍທີ່ວິທະຍາໄລ ສິລະປະສຶກສາ ເລີ່ມ 18 ພຶດສະພາ ຂາຍຄຳຮ້ອງ

ຢາກເປັນຄູ ສະໝັກເລີຍທີ່ວິທະຍາໄລ ສິລະປະສຶກສາ ເລີ່ມ 18 ພຶດສະພາ ຂາຍຄຳຮ້ອງ

15th May 2020 0 By Admin

ຂ່າວດີມາອີກແລ້ວ ສຳລັບນັກສຶກສາທີ່ຈົບມາດົນ ຫຼື ກຳລັງຈະຈົບການສຶກສາກໍ່ດີ ທີ່ມີຄວາມໄຝ່ຝັນຢາກເຮັດວຽກນຳລັດໂອກາດມາຮອດແລ້ວ ເນື່ອງຈາກວ່າ ກົມພະລະ ແລະ ສິລະປະສຶກສາ ວິທະຍາໄລສິລະປະສຶກສາ ກະຊວງສຶກສາທິການ ແລະ ກິລາ ໄດ້ປະກາດຮັບລັດຖະກອນໃໝ່ປະຈຳປີ 2020.


ໃນແຈ້ງການລະບຸວ່າ: ວິທະຍາໄລສິລະປະສຶກສາ ກົມພະລະ ແລະ ສິລະປະສຶກສາ ກະຊວງສຶກສາທິການ ແລະ ກິລາ ຂໍແຈ້ງມາຍັງບັນດານັກສຶກສາທີ່ຮຽນຈົບສາຍວິຊາຄູທົ່ວໄປ ໃນລະດັບປະລີນຍາຕີຂຶ້ນໄປທີ່ມີຜົນການຮຽນດີ ແລະ ມີ ຄະແນນສະເລ່ຍ 3,00 ຂຶ້ນໄປ ຫຼື ໄດ້ຮັບໃບປະກາສະນີຍະບັດແດງພາຍໃນ ແລະ ຕ່າງປະເທດຊາບວ່າ:

ພາບປະກອບຂ່າວ

ວິທະຍາໄລ ສິລະປະສຶກສາ ຈະໄດ້ສອບເສັງຄັດເລືອກເອົາລັດຖະກອນຄູປະຈໍາຢູ່ວິທະຍາໄລສິລະປະສຶກສາປະຈໍາສົກຮຽນ 2019-2020. ເຊິ່ງເລີ່ມຮັບຄໍາຮ້ອງແຕ່ວັນທີ 18 ພຶດສະພາ ຫາ 22 ພຶດສະພາ 2020.

ພາບປະກອບຂ່າວ

ສຳລັບການສອບເສັງຄັດເລືອກແມ່ນໃນວັນທີ 25-26 ພຶດສະພາ 2020 ທີ່ວິທະຍາໄລສິລະປະສຶກສາ ບ້ານສີບຸນເຮືອງ ຮ່ອມ 24 ເມືອງຈັນທະບູລີ ນະຄອນຫຼວງວຽງຈັນ ຫຼື ຕິດຕໍ່ຕາມເບີໂທລະສັບ 021 216808,( ໃນໂມງລັດຖະການ ).

ພາບປະກອບຂ່າວ

ດັ່ງນັ້ນ, ຈຶ່ງໄດ້ແຈ້ງການມາຍັງນັກສຶກສາຜູ້ທີ່ຈົບໃນສາຂາວິຊາດັ່ງກ່າວທີ່ມີຄວາມສົນໃຈເຂົ້າຮ່ວມສະຫມັກ ສອບເສັງໃນຄັ້ງນີ້ດ້ວຍ.