ການບິນລາວ ຈະ​ເປີດບໍລິການຖ້ຽວບິນທຸກເສັ້ນບິນໃນປະເທດ ເລີ່ມ 22 ພຶດສະພາ

ການບິນລາວ ຈະ​ເປີດບໍລິການຖ້ຽວບິນທຸກເສັ້ນບິນໃນປະເທດ ເລີ່ມ 22 ພຶດສະພາ

15th May 2020 0 By Admin

ເພຈການບິນລາວ​ ແຈ້ງວັນທີ 15 ພຶດສະພາ 2020​ ນີ້

ເຖິງລູກຄ້າຈະ​ເປີດໃຫ້ບໍລິການຄືນ​ເສັ້ນທາງບິນພາຍ​ໃນປະເທດ​ ນັບຕັ້ງແຕ່ວັນທີ​ 22 ພຶດສະພາ 2020 ເປັນຕົ້ນໄປ.

ສຳຫຼັບຖ້ຽວບິນຕ່າງປະເທດໃນຕອນນີ້ແມ່ນເປີດສະເພາະ ວຽງຈັນ – ຄຸນໝິງ 1 ຖ້ຽວ/ອາທິດ (ວັນອາທິດ),ສ່ວນເສັ້ນທາງອື່ນແມ່ນເລື່ອນອອກໄປບໍ່ມີກຳນົດ.

ໂດຍຖ້ຽວບິນ ວຽງຈັນ – ຄຸນໝິງແມ່ນ ຮັບແຕ່ສະເພາະໂດຍສານຂາອອກໄປ ສ.ປ ຈີນ ຂາກັບແມ່ນຍັງບໍ່ສາມາດຮັບໄດ້ ຜູ້ໂດຍສານທີ່ມີຈຸດປະສົງທີ່ຈະເດີນທາງແມ່ນຈະຕ້ອງໄດ້ປະຕິດບັດຕາມກົດລະບຽບຂອງປະເທດປາຍທາງຄື ຖືກກັກໂຕ 14 ວັນຫຼັງຈາກເດີນທາງເຖິງມີງົບປະມານຕິດໂຕ 2000 $

ຂາເຂົ້າ ຄຸນໝິງ- ວຽງຈັນ ຖ້າເປັນຄົນລາວ ຕ້ອງມີໃບສະເໜີຈາກກົງສູນສົ່ງຫາກົມພົວພັນຕ່າງປະເທດ ເອກະສານຕອບຮັບຈາກກະຊວງຕ່າງປະເທດ ມີເອກະສານກວດຫາເຊື້ອໂຄວິດ-19 ຈາກແພດ ບໍ່ເກີນ 3 ມື້ ກ່ອນເດີນທາງ ໃບຢັ້ງຢືນການຈອງໂຮງແຮມ ຫຼື ສະຖານທີ່ເພື່ອກັກໂຕ 14ມື້ ຊື່ນາມສະກຸນ ແລະ ເບີໂທຕິດຕໍ່,ນຳ້ເບີປ້າຍລົດຜູ້ທີ່ຈະໄປຄຳ້ປະກັນເອົາ ຢູ່ສະໜາມບິນວັດໄຕ.

ສາມາດສອບຖາມຈອງບ່ອນໄດ້ຜ່ານສາຍດ່ວນ 1626 ຫຼື ຫ້ອງຂາຍປີ້-ຈອງບ່ອນຂອງການບິນລາວທຸກສາຂາ.