ຄໍາເວົ້າຂ້າຄົນໄດ້ ! ເດັກຕັດສິນໃຈໂດດຕຶກຈົບຊີວິດ ຍ້ອນຄູຮ້າຍ

ຄໍາເວົ້າຂ້າຄົນໄດ້ ! ເດັກຕັດສິນໃຈໂດດຕຶກຈົບຊີວິດ ຍ້ອນຄູຮ້າຍ

19th November 2019 0 By Admin

ເຫດການໜ້າສະລົດໃຈທີ່ເກີດຂຶ້ນໃນປະເທດຈີນ ໃນວັນທີ 12 ພະຈິກ 2019 ຜ່ານມາ, ເມື່ອນັກຮຽນໄວ 12 ປີ ຕັດສິນໃຈກະໂດດຕຶກຂ້າຕົນເອງຕໍ່ໜ້າໝູ່ໆ ຮ່ວມຫ້ອງຮຽນ ຫຼັງຖືກຄູເວົ້າໃຫ້ເລື່ອງການຮຽນຕໍ່ໜ້າທຸກຄົນ.


ເຫດເກີດຂຶ້ນທີ່ຕຶກຂອງໂຮງຮຽນປະຖົມແຫ່ງໜຶ່ງໃນມວນທົນກວາງຕຸ້ງ ປະເທດຈີນ ເດັກນັກຮຽນຊັ້ນປະຖົມປີທີ 6 ຊື່ Xiao Ru ອາຍຸ 12 ປີ ຕັດສິນໃຈໂດດລົງມາຈາກຕຶກຮຽນ ເພື່ອຈົບຊີວິດຕົນເອງ

.

ເມື່ອພໍ່ຂອງ Xiao ໄດ້ຮັບຂ່າວຮ້າຍກໍຮີບມາຍັງໂຮງຮຽນຢ່າງໄວ ແລະ ໄດ້ເຫັນພຽງຮ່າງໄຮ້ວິນຍານຂອງລູກສາວທີ່ນອນນິ່ງຢູ່ ເຫັນແລ້ວກໍສະເທືອນໃຈແທນ.


ຈາກລາຍງານລະບຸວ່າ ກ່ອນໜ້າທີ່ຈະເກີດເຫດສະຫຼົດ ມີຄຣິບຈາກກ້ອງວົງຈອນປິດ ບັນທຶກເຫດການທຸກຢ່າງໄວ້ ນ້ອງ Xiao ຖືກຄູສອນວິຊາຄະນິດສາດຊື່ Wang ຂໍກວດການບ້ານຂອງນາງໃນຫ້ອງຮຽນກ່ອນພັກທ່ຽງ.

.

ແລະ ພົບວ່ານາງຍັງບໍ່ໄດ້ເຮັດວຽກບ້ານທີ່ໄດ້ມອບໝາຍເອົາໄວ້ ກໍເລີຍຮ້າຍ, ດ່ານາງ ຕໍ່ໜ້ານັກຮຽນທີ່ຢູ່ໃນຫ້ອງ ແລ້ວກໍໂຍ່ນປື້ມຂອງນາງລົງພື້ນ
ຈາກນັ້ນກໍໃຊ້ໄມ້ບັນທັດຕີຝາມືຂອງນາງ ເພື່ອເປັນການລົງໂທດ ແລະ ຍັງຄົງຢືນເວົ້າໃຫ້ນາງເປັນເວລາ 3-4 ນາທີ

ກ່ອນທີ່ Xiao ຈະເລີ່ມທົນບໍ່ໄຫວ ແລະ ເລີ່ມຫ້ອງໄຫ້ອອກມາ ຈາກນັ້ນກໍຍ່າງອອກຫ້ອງໄປ ແລະ ໂດດ ລົງມາຈາກຕຶກສູງ 4 ຊັ້ນ ໃຫ້ທຸກຄົນເຫັນ
ເມື່ອຜູ້ເປັນພໍ່ຮູ້ເລື່ອງລາວທັງໝົດກໍກ່າວໂທຄູຄົນນັ້ນ ວ່າເປັນຕົ້ນເຫດເຮັດໃຫ້ລູກຂອງຕົນເສຍຊີວິດ.

.
ຢ່າງໃດກໍຕາມຂະນະນີ້ທາງຄູ ຍັງບໍ່ອອກມາໃຫ້ການເຖິງເລື່ອງດັ່ງກ່າວເທື່ອ ແລະ ທາງເຈົ້າໜ້າທີ່ກໍກໍາລັງທໍາການສືບສວນຢູ່.

ນີ້ແຫຼະເນາະເຂົາວ່າ ຄໍາເວົ້າບາງຄໍາ ສາມາດຂ້າຄົນໄດ້ ແນວໃດກໍບໍ່ມີໃຜຄາດຄິດວ່າເດັກນ້ອຍໄວ 12 ຈະກ້າຕັດສິນໃຈແບບນັ້ນ, ຜູ້ເປັນຄູເອງກໍຄົງບໍ່ຄິດວ່າຄໍາເວົ້າ, ສິ່ງທີ່ຕົນເຮັດຈະມີຜົນເຮັດໃຫ້ເດັກຄົນໜຶ່ງຕ້ອງຈົບຊີວິດ ແນວໃດກໍຂໍສະແດງຄວາມເສຍໃຈນໍາເດີ້.

ທີ່ມາ : seehua, sina, worldofbuzz