ສຸດຍອດ!! ໜຸ່ມໄວ 19 ປີ ປູກໝາກເຜັດໃນສອບ ຫາລາຍໄດ້ສົ່ງຕົວເອງຮຽນ

ສຸດຍອດ!! ໜຸ່ມໄວ 19 ປີ ປູກໝາກເຜັດໃນສອບ ຫາລາຍໄດ້ສົ່ງຕົວເອງຮຽນ

19th November 2019 0 By Admin

ການປູກໝາກເຜັດໃນກະສອບ ເວົ້າໄດ້ວ່າເປັນອີກໜຶ່ງອາຊີບ ທີ່ສ້າງລາຍຮັບເປັນຢ່າງດີ ແລະ ເປັນພືດທີ່ຕ້ອງການຂອງຕະຫຼາດ ສາມາດປູກຂາຍໄດ້ຕະຫຼອດທັງປີ. ເຊິ່ງເຄັບລັບການປູກກໍ່ແຕກຕ່າງກັນໄປ. ເຊິ່ງມື້ນີ້, ຈະມາແນະນຳເຕັກນິກ ການປູກໝາກເຜັດໃນກະສອບ ຂອງນັກສືກສາ ປວສ ປີ 2 ຈາກປະເທດເພື່ອບ້ານ ທີ່ສາມາດສ້າງໄດ້ໃຫ້ຕົນເອງ ແລະ ຄອບຄົວເດືອນລະເກືອບ 17.000 ບາດ ຫຼື ປະມານ 5 ລ້ານກີບ/ເດືອນ.


ເຊິ່ງການປູກໝາກເຜັດ ໃນກະສອບ ເໝາະສຳລັບຄົນທີ່ບໍ່ມັກຂຸດຂຸມ ຫຼື ຜູ້ມີທີ່ດິນບໍ່ເໝາະສົມກັບການການປູກໝາກເຜັດ. ສະນັ້ນ, ການປູກໃນກະສອບຈຶ່ງເປັນເລື່ອງທີ່ດີ ເພາະເຮົາສາມາດປັບປຸງດິນໃນກະສອບໄດ້ເອງ ແລ້ວໃຊ້ກະສອບນັ້ນເປັນກະຖັງ ເຊິ່ງຈະມີຂັ້ນຕອນການປູກແນວໃດນັ້ນ ໄປເບິ່ງນໍາກັນເລີຍ!!!


ພິເຊດ ດ້ວງຊູ ໄວ 19 ປີ ນັກສືກສາ ປວສ ປີທີ 2 ສຶກສາດ້ານພືດສາສາດ, ຈາກວິທະຍາໄລກະເສດ ແລະ ເຕັກໂນໂລຢີພັດທະລຸງ ຜູ້ທີ່ຕັ້ງຄວາມຝັນຢາກຊ່ວຍພໍ່ແມ່ຫາລາຍໄດ້ ແຕ່ເນື່ອງດ້ວຍຕົນເອງໄປໂຮງຮຽນທຸກມື້ ຈຶ່ງບໍ່ອາດຊ່ວຍໄປກີດຢາງໄດ້. ຈຶ່ງຄິດຫາຫົນທາງຊ່ວຍພໍ່ແມ່ ດ້ວຍການປູກໝາກເຜັດໃນກະສອບ ໂດຍໄດ້ຄວາມຮູ້ມາຈາກການສະໝັກເຂົ້າຮ່ວມ “ໂຄງການກະເສດ ເພື່ອຊີວິດ ກະເສດຮຸ່ນໃໝ່ ໃສ່ໃຈມາດຕະຖານ” ທີ່ພັດທະລຸງ ເພື່ອສົ່ງເສີມໃຫ້ຄົນຮຸ່ນໃໝ່ຮູ້ເລື່ອງມາດຕະຖານການຜະລິດ GAP ທີ່ທົ່ວໂລກຍອມຮັບ ລວມໄປເຖິງການໃຊ້ພື້ນທີ່ໃຫ້ໄດ້ປະໂຫຍດສູງສຸດ.


ພິດເຊດ ບອກວ່າ ຢູ່ເຮືອນມີພື້ນທີ່ດິນນ້ອຍ ເລີຍຢາກມາທົດລອງວິຊາທີ່ໄດ້ອົບຮົມມາວ່າ ຈະເປັນຈິງບໍ່ ເພາະພື້ນທີ່ພຽງ 20×20 ແມັດຈະເຮັດຫຍັງໄດ້ແດ່? ຜົນປະກົດວ່າ ຜິດຄາດແຕ່ເລີ່ມລອງຄັ້ງທໍາອິດ ເພາະເຮັດຕາມປະສາຄົນບໍ່ມີະສົບການ ເມື່ອຫັກຕົ້ນທຶນ ຍັງເຫຼືອກຳໄລ 5 ພັນບາດ ຫຼື ປະມານ 1,5 ລ້ານກີບ.


ພໍລົງມືເຮັດຈິງຈັງ ກໍ່ໄດ້ບົດຮຽນທີ່ໄດ້ທົດລອງມາຈາກພື້ນທີ່ພຽງ 20×20 ແມັດ ສາມາດປູກ ໝາກເຜັດໃນກະສອບໄດ້ 200 ຖົງ, ປູກປະມານ 3 ເດືອນ ກໍ່ສາມາດເກັບໝາກເຜັດໄດ້ທຸກອາທິດ ເກັບໄດ້ດົນເປັນປີ ແຕ່ລະເດືອນເກັບໝາກເຜັດໄດ້ປະມານ 120 ກິໂລກຣາມ, ເຊິ່ງລາຄາກິໂລລະ 130-150 ບາດ ຕາມຕະຫຼາດເຊິ່ງຈະໄດ້ປະມານ 16,800 ບາດ/ເດືອນ.


ວິທີການປູກໝາກເຜັດໃນກະສອບໃຫ້ໄດ້ຜົນ ພິເຊດບອກວ່າ: ເລີ່ມຈາກການນໍາເອົາດິນຕົມປະສົມກັບດິນຊາຍ ປະມານ 12 ກິໂລກຣາມ ມາປະສົມກັບຂີ້ງົວ 5 ຂິດ ແລະ ປູນຂາວ 1 ກຳມື. ຈາກນັ້ນ, ຕົນສ່ວນປະສົມໃຫ້ເຂົ້າກັນ ໃສ່ຖົງປຸ໋ຍ ແລ້ວພັບປາກຖົງໃຫ້ສູງຈາກດຶນທີ່ບັນຈຸປະມານ 1 ຝາມື ເພື່ອຊ່ວຍບັງລົມ ໃຫ້ເບ້ຍໝາກເຜັດ. ສ່ວນພັນໝາກເຜັດທີ່ນິຍົມ ແລ້ວແຕ່ຈະເລືອກໃຊ້ຂຶ້ນຢູ່ກັບຄວາມຕ້ອງການຂອງຕະຫຼາດ ແລະ ພື້ນທີ່.


ການລົງປູກພຽງ 3 ເດືອນ ກໍ່ສາມາດເກັບຂາຍໄດ້ດົນເກືອບປີ ຫຼື ອາດຈະດົນກວ່ານັ້ນ ຂຶ້ນກັບການເບິ່ງແຍງ, ບົວລະບັດ. ມັນໝົດອາຍຸ ໃຫ້ນຳເອົາດິນໄປຜືງແດດຂ້າເຊື້ອ ແລ້ວສາມາດນໍາໄປໃຊ້ປູກພືດຊະນິດອື່ນໄດ້. ແຕ່ຢາກປູກໃໝ່ແມ່ນແນະນຳ ດິນໃໝ່ມາເຮັດໂດຍຜ່ານຊະບວນການແບບເກົ່າອີກຄັ້ງກໍ່ສາມາດນຳໄປປູກ.

ຂໍ້ມູນ: ໃຫ້ຄວາມຮູ້