ນະຄອນໄກສອນພົມວິຫານ ທຳລາຍຊີ້ນໝູກວ່າ 2 ພັນກິໂລ ທີ່ລັກລອບນຳເຂົ້າ

ນະຄອນໄກສອນພົມວິຫານ ທຳລາຍຊີ້ນໝູກວ່າ 2 ພັນກິໂລ ທີ່ລັກລອບນຳເຂົ້າ

11th May 2020 0 By Admin

ເມື່ອບໍ່ດົນຜ່ານມານີ້, ຫ້ອງການອຸດສາຫະກໍາ ແລະການ ຄ້າ (ອຄ)ນະຄອນ ໄກສອນ ພົມວິຫານ ແຂວງ ສະຫວັນນະເຂດ ໄດ້ຈັດພິທີທໍາລາຍ ຊິ້ນໝູຄົວແລ້ວທີ່ນໍາເຂົ້າບໍ່ຖືກ ຕ້ອງຕາມລະບຽບກົດໝາຍ ຢູ່ທີ່ສະໜາມຂີ້ເຫຍື້ອບ້ານຊອກ ໃຫ້ກຽດເປັນປະທານໃນພິທີ ໂດຍທ່ານ ປອ ແສງທອງ ວັງແກ້ວມະນີ ເຈົ້ານະຄອນໄກ ສອນ ພົມວິຫານ, ທ່ານ ຄໍາສີ ເພັດ ໄຊຍະວົງ ຫົວໜ້າຫ້ອງ ການ ອຄ ນະຄອນ, ມີບັນດາ ຫ້ອງການອ້ອມຂ້າງນະຄອນ ແລະພາກສ່ວນທີ່ກ່ຽວຂ້ອງ ເຂົ້າຮ່ວມ.

ໃນໂອກາດນີ້, ທ່ານ ຄໍາ ສີເພັດ ໄຊຍະວົງ ໄດ້ລາຍງານວ່າ: ໃນເວ ລາ 21 ໂມງ 15 ນາທີ ແລະ 24 ໂມງ 15 ນາທີ ຂອງວັນ ທີ 4 ພຶດສະພາ 2020 ເຈົ້າໜ້າ ທີ່ກວດກາການຄ້າ ສົມທົບກັບກໍາລັງທະຫານຊາຍແດນ ໄດ້ກວດກາລຽບຕາມຊາຍ ແດນແມ່ນໍ້າຂອງ ພົບເຫັນ ສິນຄ້າປະເພດຊີ້ນໝູຄົວແລ້ວ ຈໍານວນທັງໝົດ 97 ກະສອບ, ມີນໍ້າໜັກ 2.536 ກິໂລກຼາມ, ລວມມູນຄ່າ 35.757.600 ກີບ, ພ້ອມທັງເຮືອຫາງຍາວສີ່ສູບ ຈໍານວນ 1 ລໍາ ພ້ອມກັບ ລົດໂຕໂຍຕ້າວີໂກ້ສີດໍາຈໍານວນ 1 ຄັນ ເລກທະບຽນ ກໍາແພງ ນະຄອນ ກຂ 5445, ສ່ວນຜູ້ກະທໍາຜິດສາມາດຫຼົບໜີໄດ້. ດັ່ງນັ້ນ, ທາງເຈົ້າໜ້າທີ່ ແລະພາກສ່ວນທີ່ກ່ຽວຂ້ອງກໍາລັງຕິດຕາມຕົວມາດໍາເນີນຄະດີຕາມ ກົດໝາຍ.

ຈາກນັ້ນ, ເຈົ້າໜ້າທີ່ຈຶ່ງໄດ້ຢຶດ ສິນຄ້າທີ່ຜິດກົດໝາຍດັ່ງກ່າວໄວ້ທີ່ສາງກະທຽມແຫ່ງ​ໜຶ່ງບ້ານນາແກ ນະຄອນໄກສອນ ພົມວິຫານ ສ່ວນ ເຮືອ ແລະ ລົດ ໄດ້ມອບໃຫ້ເຈົ້າໜ້າທີ່ທະຫານຮັບຜິດຊອບຕາມລະບຽບກົດໝາຍ.

ດັ່ງນັ້ນ, ເຈົ້ານະຄອນໄກ ສອນ ພົມວິຫານ ຈຶ່ງເຫັນດີຕົກລົງອະນຸມັດໃຫ້ທໍາລາຍຊີ້ນໝູດັ່ງກ່າວຖິ້ມ ເພື່ອເປັນການ​ ຊຸກ​ຍູ້​ການ​ຜະລິດ​ພາຍໃນ ແລະ ​ທັງປ້ອງກັນບໍ່ໃຫ້ມີການແຜ່ ລະບາດຂອງ ເຊື້ອພະຍາດທີ່ ອາດຈະຕິດມາກັບຊີ້ນໝູໂດຍ ການຂຸດຂຸມເລິກ 4-5 ແມັດ, ໂຮຍປູນຂາວ ແລ້ວນໍາຊີ້ນໝູລົງ ຂຸມ ພ້ອມທັງສີດຢາຂ້າເຊື້ອ ແລ້ວຝັງດິນ.

ໃນໂອກາດນີ້, ເຈົ້ານະຄອນ ໄກສອນ ພົມວິຫານ ກໍ່ໄດ້ເນັ້ນ ຢໍ້າໃຫ້ບັນດາຫ້ອງການອ້ອມ ຂ້າງນະຄອນ ຈົ່ງພ້ອມໃຈກັນ ປະຕິບັດວຽກງານຂອງຕົນໃຫ້ ສຸດຄວາມສາມາດ, ບໍ່ສວຍໃຊ້ ໜ້າທີ່ຕໍາແໜ່ງໃນທາງທີ່ຜິດ, ໃຫ້ເຫັນແກ່ສ່ວນລວມຫຼາຍ ກວ່າສ່ວນຕົນ ແລະໃນຊ່ວງວິ ກິດທີ່ພະຍາດໂຄວິດ-19 ກໍາ ລັງລະບາດນີ້ ເຮັດໃຫ້ເສດຖະ ກິດມີການຂະຫຍາຍໂຕຊ້າ ຈຶ່ງ ເຮັດໃຫ້ເກີດມີການລັກລອບນໍາ ສິນຄ້າຜິດກົດໝາຍເຂົ້າມາ ຫຼາຍ ດັ່ງນັ້ນ, ພະນັກງານລັດ ກໍ່ຄືພາກສ່ວນທີ່ກ່ຽວຂ້ອງຈຶ່ງ ຕ້ອງເອົາໃຈໃສ່ຕິດຕາມກວດ ກາຢ່າງລະອຽດຮອບຄອບ ເພື່ອເຮັດໃຫ້ສັງ​​ຄົມກໍ່ຄືປະຊາຊົນມີຄວາມຜາສຸກ.

ທີ່ມາ: ສະຫວັນພັດທະນາ ຂ່າວ / Savanhphathana News