ກິດຈະກຳສົ່ງ-ມອບ ອາຫານທ່ຽງໃຫ້ນັກສຶກສາຈີນ ຢູ່ມະຫາວິທະຍາໄລແຫ່ງຊາດ

ກິດຈະກຳສົ່ງ-ມອບ ອາຫານທ່ຽງໃຫ້ນັກສຶກສາຈີນ ຢູ່ມະຫາວິທະຍາໄລແຫ່ງຊາດ

11th May 2020 0 By Admin

ໃນວັນທີ 8 ພຶດສະພາ 2020 ນີ້, ໄດ້ມີກິດຈະກຳແບ່ງປັນອາຫານທ່ຽງໃຫ້ແກ່ນັກສຶກສາຈີນທີ່ຕົກຄ້າງທີ່ມະຫາວິທະຍາໄລແຫ່ງຊາດ, ໂດຍການນຳພາຂອງສະຖານທູດຈີນ ແລະສະພາການຄ້າຈີນ ປະຈຳລາວ, ມີພະນັກງານໄວໜຸ່ມຄົນລາວ ແລະອາສາສະໝັກຈີນ “ ພາຍໃຕ້ໂຄງການສົ່ງເສີມການພັດທະນາຂອງຄະນະໄວໜຸ່ມ ” ຂອງກຸ່ມບໍລິສັດ ແລະອາສາສະໝັກຈີນ ປະຈຳລາວ ໃນການດຳເນີນກິດຈະກຳເພື່ອສັງຄົມ ແນໃສ່ເພື່ອບັນເທົາສະຖານະການ ການແຜ່ລະບາດຂອງພະຍາດໃຫ້ທີ່ດີຂຶ້ນ.


ໂອກາດນີ້, ທ່ານ ຫຼີຈ້ຽນຈົ່ງ ຮອງຜູ້ອຳນວຍການບໍລິສັດສາຂາປະຈຳລາວ ໄດ້ກ່າວວ່າ: ໃຫ້ນັກຮຽນ-ນັກສຶກສາຮັກສາສຸຂະພາບ ແລະພ້ອມໃຫ້ການຊ່ວຍເຫຼືອ ຍາມທີ່ນັກຮຽນຕ້ອງການ, ພ້ອມນີ້ ຍັງໄດ້ສະ ແດງຈຸດຢືນຕໍ່ການໃຫ້ຄວາມຊ່ວຍເຫຼືອ ໃນການແກ້ໄຂບັນຫາທີ່ນັກຮຽນພວມປະສົບ.

“ ການເອົາຊະນະຄວາມລຳບາກໄປພ້ອມໆກັບນັກຮຽນ ແມ່ນຄວາມພາກພູມໃຈຂອງຊາດ, ຖືວ່າເປັນກຽດຢ່າງສູງ ສໍາລັບພວກຂ້າພະເຈົ້າທີ່ໄດ້ມີສ່ວນຮ່ວມໃນການບັນເທົາທຸກເທື່ອນີ້ ”


ສູນວິໄຈຈີນຂອງມະຫາວິທະຍາໄລແຫ່ງຊາດ ໄດ້ສຳພາດນັກຮຽນ Kong Zhijian ທີ່ໄດ້ຮັບຜົນກະທົບຈາກພະຍາດລະບາດ ແລະເຮັດໃຫ້ຕົກຄ້າງຢູ່ໂຮງຮຽນ ພ້ອມທັງໄດ້ປະສົບບັນຫາຄືກັນກັບ ນັກສຶກສາຕ່າງຊາດຄົນອື່ນໆ ເຊິ່ງລາວໄດ້ກ່າວກັບອາສາສະໝັກວ່າ: ນີ້ເປັນເທື່ອທໍາອິດໃນຖານະຄົນຫຼົງຖິ່ນ ຂອງຕ່າງຊາດທີ່ໄດ້ຮັບການຊ່ວຍເຫຼືອ ແລະເບິ່ງແຍງຈາກຄົນປະເທດຕົນເອງ, ຜ່ານເຫດການໃນຄັ້ງນີ້ ຂ້ອຍບໍ່ມີວັນຈະຫລົງລືມຄວາມຫ່ວງໃຍທີ່ໄດ້ຮັບ ເຊິ່ງມັນເຮັດໃຫ້ຂ້ອຍມີແຮງຜ່ານຜ່າອຸປະສັກໃນການກ້າວຕໍ່ໄປ.


ສໍາລັບ ອາຫານທີ່ນໍາມາແຈກຍາຍໃຫ້ກັບນ້ອງໆນັກສຶກສາ ໃນຄັ້ງນີ້ມີ: ໄກ່ທອດ, ແຮມເບີເກີ້, ຊານົມ, ມັນຝຮັ່ງທອດ ແລະອາຫານອື່ນໆ ທີ່ທາງອາສາສະໝັກເລີ່ມສັ່ງອາຫານ ພ້ອມກັບການຈັດຊື້ເຄື່ອງມາປຸງແຕ່ງ ແລະບັນຈຸ ເພື່ອລຳລຽງສົ່ງໃຫ້ແກ່ນັກຮຽນທຸກຄົນ ໃນໄລຍະທີ່ຈະຕ້ອງຢູ່ແຕ່ໃນໂຮງຮຽນ.

CRI-FM93