ຂອບໃຈເດີ້! ກຸ່ມບໍລິສັດ ພົງຊັບທະວີ ມອບເຄື່ອງຫາຍໃຈ ຈຳນວນ 5 ຊຸດ ໃຫ້ລັດຖະບານ

ຂອບໃຈເດີ້! ກຸ່ມບໍລິສັດ ພົງຊັບທະວີ ມອບເຄື່ອງຫາຍໃຈ ຈຳນວນ 5 ຊຸດ ໃຫ້ລັດຖະບານ

6th May 2020 0 By Admin

ເພື່ອເປັນການປະກອບສ່ວນຊ່ວຍເຫຼືອລັດຖະບານ ໃນການສະກັດກັ້ນ ແລະ ຕ້ານການແພ່ລະບາດຂອງພະຍາດໂຄວິດ-19 ຫຼາຍບໍລິສັດ ໄດ້ປະກອບສ່ວນທາງດ້ານວັດຖຸ ແລະ ປັດໄຈ ຊ່ວຍລັດ ເພື່ອແບ່ງເບົາ. ຫຼ້າສຸດ, ໃນວັນທີ 5 ພຶດສະພາ 2020 ທີ່ຫ້ອງວ່າການສຳນັກງານນາຍົກລັດຖະມົນຕີ ໄດ້ມີ ກຸ່ມບໍລິສັດພົງຊັບທະວີ ຈຳກັດຜູ້ດຽວ ໄດ້ນຳເອົາອຸປະກອນເຄື່ອງຊ່ວຍຫາຍໃຈຄົບຊຸດ ຈຳນວນ 5 ເຄື່ອງ ມອບໃຫ້ແກ່ລັດຖະບານ ເພື່ອກຽມພ້ອມຮັບໃຊ້ໃນການຊ່ວຍເຫຼືອຜູ້ປ່ວຍພະຍາດອັກເສບປອດທີ່ເກີດຈາກເຊື້ອຈຸລະໂຣກສາຍພັນໃໝ່ ຫຼື ໂຄວິດ-19 ລວມມູນຄ່າ 1.480.000.000 ກີບ.

ມອບໂດຍ ທ່ານ ນາງ ວຽງສະຫວັນ ເສນາພວນ ຮອງປະທານກຸ່ມບໍລິສັດພົງຊັບທະວີ ຈຳກັດຜູ້ດຽວ ແລະ ຕ່າງໜ້າລັດຖະບານຮັບໂດຍ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທັງເປັນຫົວໜ້າຄະນະສະເພາະກິດຕ້ານ, ຄວບຄຸມ ແລະ ແກ້ໄຂພະຍາດໂຄວິດ-19.

*

ທີ່ມາ: Lao Youth Radio FM 90.0 Mhz