ເດືອນເມສາ 2020 ລາວຂາດດຸນການຄ້າກັບຕ່າງປະເທດເຖິງ112 ລ້ານໂດລາ

ເດືອນເມສາ 2020 ລາວຂາດດຸນການຄ້າກັບຕ່າງປະເທດເຖິງ112 ລ້ານໂດລາ

6th May 2020 0 By Admin

ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 4 ບັນລຸໄດ້ປະມານ 529 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກ ມີປະມານ 208 ລ້ານໂດລາສະຫະລັດ (ຍັງບໍ່ລວມການສົ່ງອອກໄຟຟ້າ)  ມູນຄ່າການນໍາເຂົ້າ ມີປະມານ 320 ລ້ານໂດລາສະຫະລັດ ແລະ ຂາດດຸນການຄ້າປະມານ 112 ລ້ານໂດລາສະຫາລັດ.

ໝວດສິນຄ້າສົ່ງອອກຫຼັກ ສະເລ່ຍທັງໝົດແມ່ນເປັນເງິນປະມານ 208 ລ້ານໂດລາສະຫະລັດ ເຊັ່ນ: ເຍື່ອໄມ້ ແລະ ເສດເຈ້ຍ 26 ລ້ານໂດລາສະຫະລັດ, ໝາກກ້ວຍ 21 ລ້ານໂດລາສະຫະລັດ, ທອງແດງ ແລະ ເຄື່ອງທີ່ເຮັດດ້ວຍທອງແດງ 21 ລ້ານໂດລາສະຫະລັດ, ຄຳປະສົມ, ຄຳແທ່ງ 12 ລ້ານໂດລາສະຫະລັດ, ມັນຕົ້ນ 11 ລ້ານໂດລາສະຫະລັດ, ໝາກໄມ້ (ໝາກໂມ, ໝາກນອດ, ໝາກ​ຂາມ…) 10 ລ້ານໂດລາສະຫະລັດ, ກາເຟ (ບໍ່ທັນໄດ້ປຸງແຕ່ງ) 10 ລ້ານໂດລາສະຫະລັດ, ແຮ່ທອງ 10 ລ້ານໂດລາສະຫະລັດ, ເກືອກາລີ 9 ລ້ານໂດລາສະຫະລັດ, ເຄື່ອງນຸ່ງຫົ່ມ 5 ລ້ານໂດລາສະຫະລັດ.

ໃນນັ້ນ ສປປ ລາວ ຍັງມີໝວດສິນຄ້ານໍາເຂົ້າຫຼັກສິນຄ້ານໍາເຂົ້າຫຼັກ ສະເລ່ຍທັງໝົດແມ່ນເປັນເງິນປະມານ 320 ລ້ານໂດລາສະຫະລັດ ເຊັ່ນ: : ອຸປະກອນກົນຈັກ (ນອກຈາກເຄື່ອງກົນຈັກພາຫະນະ) 30 ລ້ານໂດລາສະຫະລັດ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຫຼັກກ້າ 30 ລ້ານໂດລາສະຫະລັດ, ນ້ຳມັນກາຊວນ 25 ລ້ານໂດລາສະຫະລັດ, ສັດທີ່ມີຊີວິດ 20 ລ້ານໂດລາສະຫະລັດ, ເຄື່ອງດື່ມ (ນໍ້າ, ນໍ້າອັດລົມ, ຊູກໍາລັງ…) 17 ລ້ານໂດລາສະຫະລັດ, ພາຫະນະທາງບົກ (ນອກຈາກລົດຈັກ,ລົດໄຖ) 14 ລ້ານໂດລາສະຫະລັດ, ໄຟຟ້າ 13 ລ້ານໂດລາສະຫະລັດ, ເຄື່ອງໃຊ້ທີ່ເຮັດດ້ວຍພລາສະຕິກ 12 ລ້ານໂດລາສະຫະລັດ, ເຫຼັກເສັ້ນ ແລະ ເຫຼັກຮູບປະພັນຕ່າງໆ 11 ລ້ານໂດລາສະຫະລັດ, ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້…) 6 ລ້ານໂດລາສະຫະລັດ.

ສປປ ລາວ ສົ່ງອອກ 5 ປະເທດທີ່ ສປປ ລາວ ສົ່ງອອກມີ ຈີນ 79 ລ້ານໂດລາສະຫະລັດ, ຫວຽດນາມ 54 ລ້ານໂດລາສະຫະລັດ, ໄທ 45 ລ້ານໂດລາສະຫະລັດ, ສະວິດເຊີແລນ 12 ລ້ານໂດລາສະຫະລັດ ແລະ ເຢຍລະມັນ 4 ລ້ານໂດລາສະຫະລັດ.

ສ່ວນ ປະເທດທີ່ ສປປ ລາວ ນໍາເຂົ້າສິນຄ້າ ມີໄທ 182 ລ້ານໂດລາສະຫະລັດ, ຈີນ 72 ລ້ານໂດລາສະຫະລັດ, ຫວຽດນາມ 31 ລ້ານໂດລາສະຫະລັດ, ຢີ່ປຸ່ນ 10 ລ້ານໂດລາສະຫະລັດ ແລະ ສ ອາເມລິກາ 9 ລ້ານໂດລາສະຫະລັດ.

ທີ່ມາ: ສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ / Lao PDR Trade Portal