ຈະຫຼວດຍານສົ່ງ “ຊາງເຈິ່ງ” ເລກ 5B ຖືກສົ່ງຂຶ້ນສູ່ອະວະກາດຢ່າງສຳເລັດຜົນ

ຈະຫຼວດຍານສົ່ງ “ຊາງເຈິ່ງ” ເລກ 5B ຖືກສົ່ງຂຶ້ນສູ່ອະວະກາດຢ່າງສຳເລັດຜົນ

6th May 2020 0 By Admin

ເວລາ 18 ໂມງວັນທີ 5 ພຶດສະພານີ້ ຕາມເວລາປັກກິ່ງ, ຈະຫຼວດຍານສົ່ງ “ຊາງເຈິ່ງ” ເລກ 5B ໄດ້ສົ່ງຍານບັນທຶກຄົນແລະຍານບັນທຸກສິນຄ້າໄປກັບແບບອ່ອນຂຶ້ນສູ່ອະວະກາດຢູ່ສະ ໜາມການບິນອະວະກາດເວີນຊາງ ແຂວງໄຫຫຼຳຂອງຈີນ.

ຫຼັງຈາກນັ້ນປະມານ 488 ວິນາ ທີ, ຍານບັນທຸກຄົນແລະຍານບັນທຸກສິນຄ້າໄປກັບໄດ້ແຍກອອກຈາກຈະຫຼວດສົ່ງ ຍານແລ້ວ ເຂົ້າສູ່ ວົງໂຄຈອນທີ່ກຳນົດໄວ້, ອັນເປັນການສະແດງໃຫ້ເຫັນວ່າ ໜ້າທີ່ການບິນຄັ້ງທຳອິດ ຂອງການສ້າງສະຖານີອະວະກາດຂອງຈີນໄດ້ສຳເລັດຜົນ.

ຈະຫຼວດສົ່ງຍານ “ຊາງເຈິ່ງ” ເລກ 5B ແມ່ນຄົ້ນຄວ້າຜະລິດອອກໂດຍຖືຈະຫຼວດ ຍານສົ່ງ “ຊາງເຈິ່ງ” ເລກ 5 ເປັນພື້ນຖານ ເຊິ່ງຕົ້ນຕໍ່ຈະຮັບຜິດຊອບໜ້າທີ່ສົ່ງຍານ ທີ່ສຳ ຄັນເຊັ່ນການສ້າງສະຖານີວະວະກາດຂອງຈີນເປັນຕົ້ນ.

ຈະຫຼວດສົ່ງຍານ “ຊາງເຈິ່ງ” ເລກ 5B ຍາວ 53,7 ແມັດ, ໜັກ 849 ໂຕນ, ສາມາດບັນທຸກນ້ຳໜັກ 22 ໂຕນ ແມ່ນຈະ ຫຼວດຍານສົ່ງທີ່ມີຄວາມສາມາດບັນທຸກໃຫຍ່ທີ່ສຸດຂອງຈີນ.

ການສ້າງສະຖານີອະວະກາດທີ່ມີລະດັບກ້າວໜ້າໃນສາກົນ ແກ້ໄຂບັນຫາຊັ້ນ ອະວະກາດຢ່າງຂະໜາດໃຫຍ່ ແລະຕ້ອງການມີຄົນເຝົ້າຮັກສາແມ່ນເປົ້າໝາຍຂອງບາດກ້າວທີ 3 ໃນຍຸດທະສາດພັດທະນາໂຄງການການບິນອະວະກາດບັນທຸກຄົນຂອງຈີນດ້ວຍ 3 ບາດກ້າວ, ເຊິ່ງຍຸດທະສາດນີ້ແມ່ນສູນກາງພັກກອມມູນິດຈີນວາງອອກເມື່ອປີ 1992.

ເມື່ອໄດ້ບາກບັ່ນສູ້ ຊົນແລະພັດທະນາດ້ວຍຕົນເອງເປັນເວລາ 20 ກວ່າປີ, ຈີນໄດ້ຈັດຕັ້ງປະຕິບັດການບິນ ອະວະກາດທີ່ສຳຄັນ 16 ຄັ້ງແລ້ວ, ໄດ້ບັນລຸການໃຫ້ນັກບິນ 11 ຄົນປະຕິບັດການບິນໄປກັບ ລະຫວ່າງອະວະກາດແລະໜ້າດິນໜ່ວຍໂລກລວມ 14 ເທື່ອຄົນ, ແລະໄດ້ສຳເລັດໜ້າທີ່ໃນບາດກ້າວທີ 1 ແລະທີ 2 ໃນໂຄງການດັ່ງກ່າວແລ້ວ. ເຊິ່ງເທື່ນອີ້ແມ່ນ ຈະຫຼວດສົ່ງຍານລະບົບ “ຊາງເຈິ່ງ” ດຳເນີນການບິນຄັ້ງທີ 331.

CRI-FM93