ບ້ານໄໝ່ ເມືອງໂພນໂຮງ ກະກຽມຄວາມພ້ອມດ້ານຕ່າງໆໃນການຈັດງານບຸນຊ່ວງເຮືອປະເພນີ

ບ້ານໄໝ່ ເມືອງໂພນໂຮງ ກະກຽມຄວາມພ້ອມດ້ານຕ່າງໆໃນການຈັດງານບຸນຊ່ວງເຮືອປະເພນີ

18th November 2019 0 By Admin

ບ້ານໄໝ່ ເມືອງໂພນໂຮງ ແຂວງວຽງຈັນ ກະກຽມຄວາມພ້ອມດ້ານຕ່າງໆໃນການຈັດງານບຸນຊ່ວງເຮືອປະເພນີ ຈຳປີ2019 ຊີງຂັນ ທ່ານ ເຈົ້າເມືອງ.

ຕາມການລາຍງານຂອງທ່ານ ນາງ ພຸດສະແຫວງ ພົມມະວົງ ເລຂາພັກບ້ານ ນາຍ ບ້ານໄໝ່ ຕ່າງໜ້າ ຄະນະຮັບຜິດຊອບການຈັດງານບຸນຊ່ວງເຮືອປະເພນີ 12 ສີພາຍ ຍິງ -ຊາຍ

ໃນວັນທີ 17 ພະຈິກ 2019 ນີ້ ວ່າ : ມາຮອດປະຈຸບັນ ຄະນະຮັບຜິດຊອບແຕ່ລະພາກສ່ວນ ຈັດການແຂ່ງຂັນແມ່ນມີຄວາມພ້ອມ ດ້ານຕ່າງໆພໍສົມຄວນ ເປັນຕົ້ນ ດ້ານສະຖານທີ່ ໄດ້ກຳນົດເອົາ ອ່າງນໍ້າຊ່ວງເຂດບ້ານໄໝເປັນສະຖານທີ່ແຂ່ງຂັນ, ສຳເລັດການຈັດສັນ ຕະຫລາດຄົບງັນບຸນ, ມີການວາງແຜນປ້ອງກັນຄວາມສະຫງົບງານບຸນ ແລະ ກຳມະການຕັດສິນເຮືອ ເປັນທີ່ຮຽບຮ້ອຍ.

ບຸນຊ່ວງເຮືອຊີງຂັນທ່ານເຈົ້າເມືອງ ຄັ້ງນີ້ ພາຍໃນງານມີກິດຈະກຳຄົບງັນຫຼາຍຢ່າງເປັນຕົ້ນ ລ່ອງເຮືອຊົມທຳມະຊາດອ່າງນໍ້າຊ່ວງ, ໃຫ້ອາຫານອາປາ ອາຫານນົກ, ການແຂ່ງຂັນເຮືອ ຍິງ-ຊາຍ ແລະ ກິດຈະກຳອື່ນໆ.

ງານບຸນດັ່ງກ່າວຈະເລີ່ມ ແຕ່ວັນທີ 17- 24 ພະຈິກ 2019 ເປັນຕົ້ນໄປ ມື້ແຂ່ງຂັນເຮືອ ວັນທີ 23-24 ພະຈິກ 2019 ທີ່ອ່າງນໍ້າຊ່ວງເຂດບ້ານໄໝ່ ເມືອງໂພນໂຮງ ແຂວງວຽງຈັນ.

ເຊີນຊວນພີ່ນ້ອງໃກ້ຄຽງ ແລະ ຕ່າງແຂວງເຂົ້າມາທ່ຽວຊົມບັນຍາກາດງານບຸນໃນຄັ້ງນີ້.

ຂໍ້ມູນ: ສຸເວດ ວັນນະລິດ

.

.