ເຈົ້າແຂວງສະຫວັນນະເຂດ ລົງຊີ້ນຳການພັດທະນາຊົນນະບົດ ແລະ ລຶບລ້າງຄວາມທຸກຍາກຢູ່ ເມືອງວິລະບູລີ

ເຈົ້າແຂວງສະຫວັນນະເຂດ ລົງຊີ້ນຳການພັດທະນາຊົນນະບົດ ແລະ ລຶບລ້າງຄວາມທຸກຍາກຢູ່ ເມືອງວິລະບູລີ

5th May 2020 0 By Admin

ເມື່ອບໍ່ດົນຜ່ານມານີ້, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມຄະນະໄດ້ເດີນທາງລົງ ຢ້ຽມຢາມ, ຊີ້ນຳວຽກງານພັດທະນາ ຊົນນະບົດ ແລະ ລຶບລ້າງ ຄວາມທຸກຍາກຢູ່ບ້ານກາ ຫລ້າຍ ເມືອງວິລະບູລີ ໂດຍການຕ້ອນຮັບຢ່າງອົບອຸ່ນຈາກທ່ານ ຄຳຜຸຍ ສີບຸນ ເຮືອງ ເຈົ້າເມືອງວິລະບູລີ ພ້ອມຄະນະການນຳ ແລະ ພາກສ່ວນ ຕ່າງໆທີ່ກ່ຽວຂ້ອງພາຍໃນ ເມືອງ.


ໂອກາດນີ້, ທ່ານເຈົ້າແຂວງ ສະຫວັນນະເຂດ ກໍ່ໄດ້ລົງຕິດ ຕາມເບິ່ງສະພາບການກໍ່ສ້າງ ພື້ນຖານໂຄງລ່າງຕ່າງໆເປັນ ຕົ້ນ: ການກໍ່ສ້າງເສັ້ນທາງ, ໂຮງ ຮຽນ, ນ້ຳລິນ ແລະ ອື່ນໆທີ່ເປັນ ເງື່່ອນໄຂສຳຄັນ ແລະຈຳເປັນໃນການແກ້ໄຂຄວາມທຸກຍາກຂອງປະຊາຊົນ ບ້ານກາຫລ້າຍ ພ້ອມນີ້, ທ່ານເຈົ້າແຂວງກໍ່ຍັງ ໄດ້ມີການສອບຖາມເຖິງສະ ພາບຂໍ້ສະດວກ, ຂໍ້ຫຍຸ້ງຍາກໃນ ການຈັດຕັ້ງປະຕິບັດວຽກງານ ພັດທະນາຊົນນະບົດ ແລະລຶບ ລ້າງຄວາມທຸກຍາກຂອງປະ ຊາຊົນພາຍໃນບ້ານກາຫຼ້າຍ ເພື່ອຊອກທິດທາງແກ້ໄຂຮ່ວມ ກັນແນໃສ່ເພື່ອເຮັດໃຫ້ບ້ານ ດັ່ງກ່າວຫຼຸດພົ້ນອອກຈາກ ຄວາມທຸກຍາກໂດຍໄວບ້ານ ກາຫຼ້າຍເປັນບ້ານທຸກຍາກ ທີ່ຍັງເຫລືອພຽງບ້ານດຽວ ຂອງເມືອງວິລະບູລີ ພາຍຫລັງ ທີ່ເມືອງໄດ້ປະກາດເປັນເມືອງ ຫຼຸດພົ້ນອອກຈາກຄວາມທຸກຍາກຢ່າງເປັນທາງການໃນປີ 2015 ເປັນຕົ້ນມາ.

ໂອກາດນີ້, ທ່ານ ສັນຕິພາບ ພົມວິຫານ ຍັງໄດ້ເນັ້ນຢ້ຳໃຫ້ພໍ່ແມ່ປະ ຊາຊົນ ຈົ່ງພ້ອມກັນປົກປັກຮັກ ສາ ປ່າໄມ້ ໂດຍສະເພາະ ໃນເຂດ ປ່າຍອດນ້ຳ ເພື່ອໃຫ້ຄົງຄວາມ ອຸດົມສົມບູນຂອງທຳມະຊາດ ອັນສຳຄັນແມ່ແນໃສ່ໃຫ້ປະ ຊາຊົນ ມີນ້ຳໄດ້ໄວ້ຊົມໃຊ້ໃນຊີວິດປະຈຳວັນ.

ທ່ານ ຄຳຜຸຍ ສີບຸນເຮືອງ ໄດ້ໃຫ້ສຳພາດວ່າ: ບ້ານກາ ຫລ້າຍ ເປັນບ້ານທຸກຍາກ ທີ່ຍັງ ເຫຼືອພຽງບ້ານດຽວຂອງ ເມືອງວິລະບູລີ ຊຶ່ງປະກອບມີ 42 ຄອບຄົວ, ມີປະຊາກອນທັງ ໝົດ 240 ກວ່າຄົນ, ເປັນບ້ານ ທີ່ຕັ້ງຢູ່ໃນເຂດຫ່າງໄກສອກ ຫຼີກ ເຊິ່ງມາໃນປະຈຸບັນ,ທາງ ເມືອງພວມສຸມໃສ່ການກໍ່ສ້າງ ພື້ນຖານໂຄງລ່າງຕ່າງໆທີ່ ຈຳເປັນໃຫ້ແກ່ບ້ານ ດັ່ງກ່າວ ເປັນຕົ້ນແມ່ນເສັ້ນທາງເຂົ້າ ຫາບ້ານທີ່ຄາດວ່າຈະໃຫ້ ສຳເລັດໃນເດືອນ 5/2020 ນີ້, ການກໍ່ສ້າງໂຮງຮຽນໃນນີ້ ພວກເຮົາກໍ່ມີແຜນສຳຮອງໃນ ການຫາເອົານັກຮຽນທີ່ຈົບ ຢູ່ໃນບ້ານ ເພື່ອສົ່ງໄປຮຽນຄູ ແລະໃຫ້ກັບມາສອນຢູ່ໂຮງ ຮຽນແຫ່ງນີ້.

ພ້ອມນັ້ນ, ກໍ່ໄດ້ປຸກລະດົມປະຊາຊົນເຮັດ ນ້ຳລິນ ເຊິ່ງເປັນນ້ຳລິນເກົ່າ ຂອງໂຄງການ ທລຍ ເພື່ອມາ ຟື້ນຟູຄືນໃຫມ່ໂດຍໄດ້ກໍ່ສ້າງ ອ່າງ ແລະຕໍ່ທໍ່ຫາແຕ່ລະຄອບ ຄົວ ຊຶ່ງພາຍຫລັງສຳເລັດກໍ່ມີ ແຜນໃຫ້ແຕ່ລະຄອບຄົວປູກ ພືດຜັກຕ່າງໆ, ປູກໝາກເຜັດ, ຢາງໂບງ, ຢາງພາລາ ເພື່ອ ສ້າງເສດຖະກິດຄອບ ສ່ວນ ແຜນໄລຍະຍາວແມ່ນການຫັນ ປະຊາຊົນຈາກການຖາງປ່າ ເຮັດໄຮ່ມາປູກພືດເສດຖະກິດ ເປັນຕົ້ນແມ່ນແຂມທີ່ເຫັນວ່າ ປູກງ່າຍ ແລະມີຕະຫຼາດຮອງ ຮັບທີ່ດີ ຈາກນັ້ນ, ກໍ່ຈະໄດ້ສົ່ງ ເສີມໃຫ້ປະຊາຊົນລ້ຽງສັດໃຫຍ່ ເນື່ອງຈາກເຂດດັ່ງກ່າວເປັນ ອ່າງໂຕ່ງ, ເປັນຮ່ອມພູ ແລະມີ ນ້ຳສາຍຫ້ວຍຊະນີທີ່ສາມາດສະໜອງນ້ຳໃຫ້ແກ່ການປູກ ການລ້ຽງຄືດັ່ງກ່າວ.

ປະຈຸບັນ ທົ່ວເມືອງເມືອງວິລະບູລີຍັງ, ມີຈຳນວນຄອບຄົວທຸກຍາກ 500 ກວ່າຄອບຄົວ(ຕາມດຳ ລັດເລກທີ 309) ສ່ວນຕາມ ການປະເມີນຂອງເລກທີ 348 ແມ່ນເຫັນວ່າຍັງມີບາງບ້ານ ຫລຸດມາດຕະຖານ ເຊິ່ງພວກ ເຮົາກຳ ລັງປັບປຸງຄືນ. ສຳລັບ ການຈັດຕັ້ງປະຕິບັດມາດຕະການໃນການຕ້ານ, ຄວບຄຸມ ແລະປ້ອງກັນການແຜ່ລະບາດ ຂອງພະຍາດໂຄວິດ-19 ນີ້, ທາງເມືອງວິລະບູລີພວກເຮົາ ກໍ່ໄດ້ມີແຜນຮອງຮັບ ໂດຍໄດ້ເອົາໃຈໃສ່ໃນການຈັດຕັ້ງຜັນຂະຫຍາຍຕາມຄຳສັ່ງຂອງນາຍົກເລກທີ 06 ຢ່າງເຂັ້ມງວດ ຊຶ່ງພາຍໃນເມືອງປະກອບມີ 5 ສູນກັກກັນ, ມີຈຳນວນແຮງ ງານເຂົ້າມາກັກກັນໂຕພາຍ ໃນສູນທັງໝົດ 319 ຄົນ ແລະມາຮອດປະຈຸບັນຍັງ ເຫຼືອພຽງ 1 ສູນ ໂດຍມີຜູ້ກັກກັນ ໂຕຈຳນວນ 15 ຄົນ.

ທີ່ມາ: ສະຫວັນພັດທະນາ ຂ່າວ / Savanhphathana News