ລາວ ສືບຕໍ່ປິດດ່ານທ້ອງຖິ່ນ ແລະ ດ່ານສາກົນເຂົ້າ-ອອກຂອງບຸກຄົນທົ່ວໄປ ຍົກເວັ້ນລົດຂົນສົ່ງສິນຄ້າ

ລາວ ສືບຕໍ່ປິດດ່ານທ້ອງຖິ່ນ ແລະ ດ່ານສາກົນເຂົ້າ-ອອກຂອງບຸກຄົນທົ່ວໄປ ຍົກເວັ້ນລົດຂົນສົ່ງສິນຄ້າ

3rd May 2020 0 By Admin

ປັດຈຸບັນ ເຖິງວ່າສະພາບການແຜ່ລະບາດຂອງພະຍາດໂຄລິດ-19 ຢູ່ ສປປ ລາວ ມີລັກສະນະຜ່ອນຄາຍລົງ ແລະ ລັດຖະບານໄດ້ປະຕິບັດມາດຕະການຜ່ອນຜັນ ໃນລະຫວ່າງວັນທີ 14-17 ພຶດສະພາ ເພື່ອຫລຸດຜ່ອນຜົນກະທົບທາງດ້ານເສດຖະກິດ-ສັງຄົມ ຈຳນວນໜຶ່ງແລ້ວກໍຕາມ ແຕ່ລັດຖະບານຍັງໃຫ້ສືບຕໍ່ ປິດດ່ານປະເພນີ, ດ່ານທ້ອງຖິ່ນ ແລະ ດ່ານສາກົນສຳລັບການເຂົ້າອອກຂອງບຸກຄົນທົ່ວໄປ, ເວັ້ນເສຍແຕ່ຜູ້ໄດ້ຮັບການອະນຸຍາດ ຈາກຄະນະສະເພາະກິດ ແລະ ລົດຂົນສົ່ງສິນຄ້າເຂົ້າ-ອອກ.


ພ້ອມທັງໃຫ້ ໂຈະການອອກວີຊາທຸກປະເພດໃຫ້ບຸກຄົນທົ່ວໄປ ທີ່ເດີນທາງມາຈາກປະເທດທີ່ຍັງມີການລະບາດຂອງພະຍາດ COVID-19, ຍົກເວັ້ນວີຊາສໍາລັບຊ່ຽວຊານ, ວິຊາການ ແລະ ແຮງງານຕ່າງປະເທດທີ່ມີຄວາມຈຳເປັນເຂົ້າມາປະຕິບັດວຽກງານ ຢູ່ບັນດາໂຄງການທີ່ສຳຄັນ ແລະ ຈຳເປັນ, ແຕ່ຕ້ອງປະຕິບັດການກວດຫາເຊື້ອ ໂຄວິດ-19 ແລະ ຈຳກັດບໍລິເວນຕົວເອງ 14 ວັນຢູ່ຕາມສູນທີ່ທາງການກຳນົດຕາມທີ່ລະບຸໄວ້ໃນແຈ້ງການສະບັບເລກທີ 507/ຫສນຍ, ລົງວັນທີ 24 ເມສາ 2020 ໂດຍມອບໃຫ້ຄະນະສະເພາະກິດ ອອກຄຳແນະນໍາໃນການຈັດຕັ້ງປະຕິບັດຕົວຈິງໃຫ້ລະອຽດ ແລະ ຮັດກຸມ.


ທີ່ມາ: ຂປລ