ກັບມາລະບາດອີກ! ຮັອກໄກໂດ ປະກາດ lock down ຄັ້ງທີ 2 ຫຼັງພົບຜູ້ຕິດເຊື້ອໂຄວິດເພີ່ມ

ກັບມາລະບາດອີກ! ຮັອກໄກໂດ ປະກາດ lock down ຄັ້ງທີ 2 ຫຼັງພົບຜູ້ຕິດເຊື້ອໂຄວິດເພີ່ມ

2nd May 2020 0 By Admin

ເກາະຮັອກໄກໂດ ເຊິ່ງຢູ່ທາງພາກເໜືອຂອງປະເທດຢີ່ປຸ່ນ ເຊິ່ງໄດ້ຜ່ອນຜັນມາດຕະການ ການປິດເມືອງໄປວັນທີ 19 ມີນາ ທີ່ຜ່ານມາ ຫຼັງຈາກຍອດຜູ້ຕິດເຊື້ອໂຄວິດ-19 ຫຼຸດລົງເຫຼືອພຽງເລກຕົວດຽວ. ຫຼ້າສຸດ ໄດ້ປະກາດປິດເມືອງອີກຄັ້ງເມື່ອວັນທີ 29 ເມສາ ທີ່ຜ່ານມາ ຫຼັງພົບຍອດຜູ້ຕິດເຊື້ອກໍລະນີໃໝ່ເຖິງ 176 ກໍລະນີ ໃນອາທິດທີ່ຜ່ານມາ.


ດຣ ຄິໂຍຊິ ຍາງາເສະ ປະທານສາມາຄົມແພດຮັອກໄກໂດກ່າວວ່າ:ຮູ້ສຶກເສຍໃຈ ແລະ ຍອມຮັບວ່າ ຍັງບໍ່ຄວນຜ່ອນຜັນມາດຕະການເຂັ້ມງວດລົງ ພ້ອມທັງຍອມຮັບວ່າ ອາດຈະຕ້ອງມີການປິດເມືອງອີກຕໍ່ໄປຢ່າງນ້ອຍເຖິງປີໜ້າ ກ່ອນທີ່ຈະມສາມາດຜ່ອນຜັນລົງໄດ້.

ຫຼ້າສຸດ, ລັດຖະບານທ້ອງຖິ່ນ ຮັອກໄກໂດ ກຳລັງປະເມີນຜົນກະທົບໃນດ້ານການເຂົ້າອອກເມືອງ ແຕ່ຍັງບໍ່ທັນມີມາດຕະການໃດໆ ໃນການເຄື່ອນຍ້ານພື້ນທີ່.

ທັງນີ້, ເກາະຮັອກໄກໂດ ມີປະຊາກອນປະມານ 5,3 ລ້ານຄົນ, ມີລາຍງານຂອງຜູ້ຕິດເຊື້ອກໍລະນີໃໝ່ ໃນວັນທີ 29 ເມສາຜ່ານມາ ຈຳນວນ 41 ກໍລະນີ ເພີ່ມຈາກກ່ອນໜ້ານີ້ 38 ກໍລະນີ ສົ່ງຜົນໃຫ້ຍອດຜູ້ຈິດເຊື້ອສະສົມໃນເກາະຮັອກໄກໂດເພີ່ມຂຶ້ນເປັນ 763 ຄົນ,ຂະນະທີ່ຍອດຜູ້ເສຍຊີວິດທີ່ 28 ຄົນ,ຂະນະທີ່ຜູ້ຕິດເຊື້ອທົ່ວປະເທດຢູ່ທີ່ 14.000 ຄົນ,ເສຍຊີວິດແລ້ວ 428 ຄົນ (ວັນທີ 30 ເມສາ 2020)