ດີໃຈສຸດໆ! 2 ພຶດສະພາ ສາມາດປິ່ນປົວຜູ້ເປັນໂຄວິດເຊົາແລ້ວ 2 ຄົນ ແລະ ອະນຸຍາດໃຫ້ກັບບ້ານໄດ້

ດີໃຈສຸດໆ! 2 ພຶດສະພາ ສາມາດປິ່ນປົວຜູ້ເປັນໂຄວິດເຊົາແລ້ວ 2 ຄົນ ແລະ ອະນຸຍາດໃຫ້ກັບບ້ານໄດ້

2nd May 2020 0 By Admin

ນັບວ່າເປັນຂ່າວດີຢ່າງຕໍ່ເນື່ອງ 20 ມື້ລຽນຕິດແລ້ວ ທີ່ ສປປ ລາວ ບໍ່ພົບຜູ້ຕິດເຊື້ອເພີ່ມ ແລະ ສາມາດປິ່ນປົວຜູ້ເປັນໂຄວິດຫາຍດີ ແລະ ອະນຸຍາດໃຫ້ກັບບ້ານໄດ້ແລ້ວ 2 ຄົນ, ແຕ່ເສຍດາຍເລັກນ້ອຍ ຍັງມີກໍລະນີທີ 14 ທີ່ປິ່ນປົວດີ ແລະ ອະນຸຍາດໃຫ້ກັບບ້ານໄດ້ ຫຼັງກັກບໍລິເວນ ແລະ ຕິດຕາມຕົນເອງຄືນ 14 ມື້ ກັບມາກວດຜົນປາກົດວ່າ ຜົນກວດອອກມາເປັນບວກ ເຊິ່ງເປັນເຫດໃຫ້ນອນປິ່ນປົວ ຢູ່ໂຮງໝໍມິດຕະພາບຄືນ ໃນວັນທີ 2 ພຶດສະພາ 2020 ນີ້. ແຕ່ທັງນີ້ ທັງນັ້ນ ຍັງຕ້ອງລໍຖ້າລາຍລະອຽດຈາກທ່ານໝໍຕື່ມອີກ.

ສຳລັບຜູ້ປິ່ນປົວດີຈາກພະຍາດໂຄວິດໃນວັນທີ 2 ພຶດສະພານີ້ມີ 2 ຄົນທີ່ປິ່ນປົວດີ ແລະ ອອກໂຮງໝໍຄື: ກໍລະນີທີ 2 ເພດຍິງ ອາຍຸ 36 ປີ ບ້ານ ຄຳຮຸ່ງ ເມືອງ ໄຊທານີ ນະຄອນຫລວງວຽງຈັນ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 24/3/2020.

ກໍລະນີທີ 13 ເພດຊາຍ ອາຍຸ 40 ປີ ບ້ານ ດອນກອຍ ເມືອງ ສີສັດຕະນາກ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 6/4/2020 ເຊິ່ງທັງ 2 ຄົນ ແມ່ນໄດ້ປິ່ນປົວດີ ແລະ ໄດ້ອອກໂຮງໝໍແລ້ວ ໃນວັນທີ 2/5/2020.