ການບິນລາວແຈ້ງ ເລື່ອນການເປີດບໍລິການຖ້ຽວບິນທຸກເສັ້ນບິນພາຍໃນ ແລະ ຕ່າງປະເທດບໍ່ມີກຳນົດ

ການບິນລາວແຈ້ງ ເລື່ອນການເປີດບໍລິການຖ້ຽວບິນທຸກເສັ້ນບິນພາຍໃນ ແລະ ຕ່າງປະເທດບໍ່ມີກຳນົດ

2nd May 2020 0 By Admin

ພາຍຫຼັງ ຫ້ອງການສຳນັກງານນາຍົກລັດຖະມົນຕີ ອອກແຈ້ງການສະບັບເລກທີ ສະບັບເລກທີ 524 ລົງວັນທີ 1/5/2020 ກ່ຽວກັບການສຶບຕໍ່ປະຕິບັດມາດຕະການໃນການປ້ອງກັນ,​ ຄວບຄຸມ ແລະ ແກ້ໄຂ ການແພ່ລະບາດຂອງພະຍາດໂຄວິດ-19 ໃນໄລຍະວັນທີ 4-17 ພຶດສະພາ 2020 ເຊິ່ງໄດ້ລະບຸໄວ້ວ່າຫ້າມບຸກຄົນເດີນທາງລະຫວ່າງແຂວງຕໍ່ແຂວງ, ຍົກເວັ້ນກໍລະນີຈໍາເປັນ ເປັນຕົ້ນແມ່ນ ການໄປເຮັດວຽກທາງການ, ນັກຮຽນ, ນັກທຸລະກິດ, ການເຈັບເປັນ, ການເສຍຊີວິດ, ການຂົນສົ່ງສິນຄ້າ, ການນໍາສົ່ງຄົນເຈັບ ແມ່ນສາມາດເດີນທາງໄດ້ ແຕ່ຕ້ອງມີເອກະສານຢັ້ງຢືນ.

ຫຼ້າສຸດ, ລັດວິສາຫະກິດການບິນລາວ ແຈ້ງການ ເຖິງບັນດາລູກຄ້າທີ່ນັບຖື ສາຍການບິນລາວຂໍຮຽນມາຍັງທ່ານຊາບວ່າ ພວກເຮົາມີຄວາມ ຈໍາເປັນຕ້ອງໄດ້ເລື່ອນການເປີດໃຫ້ບໍລິການຖ້ຽວບິນ ທຸກເສັ້ນທາງພາຍໃນ ແລະ ຕ່າງປະເທດ ຈາກວັນທີ 8 ພຶດສະພາ 2020 ອອກໄປຢ່າງບໍ່ມີກໍານົດ.

ເພື່ອສືບຕໍ່ປະຕິບັດມາດຕະການ ໃນການປ້ອງກັນ, ຄວບຄຸມ, ຈໍາກັດການແຜ່ລະບາດຂອງເຊື້ອພະຍາດ ໂຄວິດ-19 ແລະ ຈະແຈ້ງໃຫ້ທ່ານຊາບຕາມພາຍຫຼັງ ເຖີງວັນເວລາທີ່ຈະເປີດໃຫ້ບໍລິການໃນຄັ້ງໃຫມ່

ພວກເຮົາຂໍອະໄພໃນຄວາມບໍ່ສະດວກມານະທີ່ນີ້ດ້ວຍ