ຕາມນີ້ເດີ້ທຸກຄົນ! ສະຖານີຂົນສົ່ງຜູ້ໂດຍສາຍສາຍໃຕ້ ແຈ້ງການປິດບໍລິການບໍ່ມີກຳນົດ

ຕາມນີ້ເດີ້ທຸກຄົນ! ສະຖານີຂົນສົ່ງຜູ້ໂດຍສາຍສາຍໃຕ້ ແຈ້ງການປິດບໍລິການບໍ່ມີກຳນົດ

2nd May 2020 0 By Admin

ອີງຕາມແຈ້ງການຂອງຫ້ອງການສຳນັກງານນາຍົກລັດຖະມົນຕີ ສະບັບເລກທີ  524 ລົງວັນທີ 1/5/2020 ກ່ຽວກັບການສືບຕໍ່ປະຕິບັດໃນການປ້ອງກັນ,​ ຄວບຄຸມ,​ ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ໃນໄລຍະວັນທີ 4-17 ພຶດສະພາ 2020 ໂດຍລະບຸໄວ້ວ່າ: ຫ້າມບຸກຄົນເດີນທາງລະຫວ່າງແຂວງຕໍ່ແຂວງ, ຍົກເວັ້ນກໍລະນີຈໍາເປັນ ເປັນຕົ້ນແມ່ນ ການໄປເຮັດວຽກທາງການ, ນັກຮຽນ, ນັກທຸລະກິດ, ການເຈັບເປັນ, ການເສຍຊີວິດ, ການຂົນສົ່ງສິນຄ້າ, ການນໍາສົ່ງຄົນເຈັບ ແມ່ນສາມາດເດີນທາງໄດ້ ແຕ່ຕ້ອງມີເອກະສານຢັ້ງຢືນ.

ຫຼ້າສຸດ, ສະຖານີຂົນສົ່ງໂດຍສານສາຍໃຕ້ ໄດ້ແຈ້ງການເປັນຮອບທີ 2 ໃນການປິດບໍລິການຄິວລົດໄປແແບບບໍ່ມີກຳນົດ ໂດຍອີງຕາມແຈ້ງການຂອງຂັ້ນເທິງ ເລກທີ 524 ລົງວັນທີ 1/5/2020 ໃນ5,1 ສະນັ້ນ, ຈຶ່ງແຈ້ງການມາຍັງທຸກໆທ່ານເພື່ອຊາບ.

ເຊິ່ງມາດຕະການຜ່ອນຜັນເຫຼົ່ານີ້ ແມ່ນມາດຕະການຊົ່ວຄາວ ເຊິ່ງຈະຈັດຕັ້ງປະຕິບັດ ນັບແຕ່ວັນທີ 04 ຫາວັນທີ 17 ພຶດສະພາ 2020, ຖ້າມີການລາຍງານ ກໍລະນີຜູ້ຕິດເຊື້ອເກີດຂື້ນ ຢູ່ໃນແຂວງໃດແຂວງໜຶ່ງ ແມ່ນຈະໄດ້ຈຳກັດການເຂົ້າ-ອອກ ແລະ ປະຕິບັດຄືນມາດຕະການຕ່າງໆຢ່າງເຂັ້ມງວດສະເພາະແຂວງນັ້ນໆ ເຊິ່ງແມ່ນຄະນະສະເພາະກິດກ່ຽວຂ້ອງ ຈະເປັນຜູ້ປະກາດແຈ້ງການ; ຖ້າຫາກເກີດມີຜູ້ຕິດເຊື້ອ ເປັນຈຸ້ມ ແຕ່ 2 ແຂວງຂຶ້ນໄປ ແມ່ນຈະໄດ້ກັບມາປະຕິບັດມາດຕະການຕ່າງໆ ທີ່ໄດ້ກຳນົດໃນຄໍາສັ່ງເລກທີ 06/ນຍ ຄືນໃໝ່ ຢ່າງເຂັ້ມງວດ.

ສະນັ້ນ, ຈຶ່ງມອບໃຫ້ບັນດາກະຊວງ, ອົງການທຽບເທົ່າກະຊວງ, ອົງການປົກຄອງທ້ອງຖິ່ນທຸກຂັ້ນ, ພາກສ່ວນທີ່ກ່ຽວຂ້ອງ, ພະນັກງານ ລັດຖະກອນ, ທະຫານຕໍາຫຼວດ, ປະຊາຊົນບັນດາເຜົ່າໃນທົ່ວປະເທດ ສືບຕໍ່ຍົກສູງຄວາມຮັບຜິດຊອບໃນການຕິດຕາມ, ເຝົ້າລະວັງໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງ ໂຄວິດ-19 ດ້ວຍຄວາມເປັນເຈົ້າພານ, ໃຫ້ຖືການນໍາພາ-ຊີ້ນໍາ ໃນການແກ້ໄຂວຽກງານດັ່ງກ່າວນີ້ ເປັນວຽກງານສໍາຄັນ ແລະ ເປັນບູລິມະສິດກ່ອນໝູ່ໃນໄລຍະນີ້, ປຽບເໝືອນການນໍາພາ-ຊີ້ນໍາໃນພາວະສົງຄາມ.

(ລາຍລະອຽດຕ່າງໆຕາມແຈ້ງການເພີ່ມຕື່ມ)

*

ຂໍໃຫ້ທຸກຄົນປະຕິບັດຕາມນີ້ ເພື່ອປ້ອງກັນພະຍາດຊ່ວຍກັນເດີ້

**