ບັນດາບໍລິສັດສືບຕໍ່ມອບເຄື່ອງຊ່ວຍເຫຼືຶອກະຊວງປ້ອງກັນປະເທດ

ບັນດາບໍລິສັດສືບຕໍ່ມອບເຄື່ອງຊ່ວຍເຫຼືຶອກະຊວງປ້ອງກັນປະເທດ

1st May 2020 0 By Admin

ວັນທີ 30 ເມສາ 2020ນີ້,ສະຫາຍ ປອ ພົນຕີ ວົງຄໍາ ພົມມະກອນ ໄດ້ຕາງໜ້າໃຫ້ກະຊວງປ້ອງກັນປະເທດ ຮັບເຄື່ອງຊ່ວຍເຫຼືອຈາກ ບໍລິສັດ ລາວ-ຢູນ ປະກອບມີ ຜ້າອັດປາກ-ດັງ 16. 000 ອັນ; ເຈວລ້າງມື 160 ກ່ອງ; ເຫຼົ້າ75 ຈໍານວນ 120 ກ່ອງ ແລະ ເຄື່ອງແທກອຸນຫະພູມ 60 ອັນ, ລວມມູນຄ່າທັງໝົດ 100.000.000 ກີບ ຕາງໜ້າມອບໂດຍ ທ່ານສີປາວ ອິນ ຜູ້ອຳນວຍການບໍລິສັດ ລາວ-ຢູນ ;

ບໍລິສັດ Frontier Services Group ມອບອຸປະກອນວັດແທກອຸນຫະພູມ ລວມມູນຄ່າ65.000.000 ກີບ, ຕາງໜ້າມອບໂດຍ ທ່ານ ວັງພຶງ ຊູ້ ປະທານ ບໍລິສັດ Frontier Services Group

.
ໃນໂອກາດນີ້ ສະຫາຍ ປອ ພົນຕີ ວົງຄໍາ ພົມມະກອນ ໄດ້ສະແດງຄວາມຂອບໃຈ ຕໍ່ສອງບໍລິສັດດັ່ງກ່າວ ທີ່ເຫັນຄວາມສໍາຄັນ ແລະ ຈຳເປັນເພື່ອສະໜັບສະໜູນພາລະກິດ ຕ້ານ ການແຜ່ລະບາດຂອງພະຍາດ ໂຄວິດ-19 ຢູ່ ສປປ ລາວ ພ້ອມທັງຢືນຢັນວ່າ ຈະນໍາເອົາອຸປະກອນການແພດດັ່ງກ່າວ ນຳໃຊ້ ເຂົ້າໃນວຽກງານດັ່ງກ່າວ ໃຫ້ເກີດຜົນປະໂຫຍດສູງສຸດ.


ໂດຍ: ບຸນຊ້ອຍ