ອັນຕະລາຍ ໜຸ່ມໂສດໄວ 32 ປີ ຖືກໄຟຊ໋ອດເສຍຊີວິດຄາບ່ອນນອນ ຂະນະຫຼິ້ນເກມຕອນສາກໂທລະສັບ

ອັນຕະລາຍ ໜຸ່ມໂສດໄວ 32 ປີ ຖືກໄຟຊ໋ອດເສຍຊີວິດຄາບ່ອນນອນ ຂະນະຫຼິ້ນເກມຕອນສາກໂທລະສັບ

1st May 2020 0 By Admin

ຍັງປາກົດມີມາໃຫ້ເຫັນເລື້ອຍໆ ກໍລະນີມັກຫຼິ້ນໂທລະສັບຕອນສາກໄຟ ສຸດທ້າຍເສຍຊີວິດຍ້ອນໄຟດູດ ຫຼ້າສຸດ, ເຫດການດັ່ງກ່າວໄດ້ເກີດຂຶ້ນທີ່ ປະເທດໄທ ໃນຈັງຫວັດນ່ານ ເຊິ່ງ ເວ​ລາ 14: 00 30 ເມ​ສາ ປະ​ເທດ​ໄທ​ ຈັງ​ຫວັດ​ນ່ານ ໄດ້​ມີ​ແຈ້ງ​ເຖິງ​ສູນ​ວິ​ທະ​ຍຸ​ວ່າ ພົບ​ສົບ​ຊາຍນອນ​ເສຍ​ຊີ​ວິດ​ໃນ​ຫໍ​ພັກ ເປັນ​ຊາຍ​ອາ​ຍຸ 32 ນອນ​ເສຍ​ຊີ​ວິດ​ຢູ່​ຫ້ອງນອນ ໂດຍ​ມື​ຊ້າຍ ແລະ ຂວາ​ຈັບ​ມື​ຖື​ຢູ່​ບໍ​ລິ​ເວນ​ໜ້າ​ທ້ອງ ໂດຍ​ມີ​ສາຍ​ສາກ​ປັກ​ໄ​ຟ​ທີ່​ສຽບ​ປັກ​ຂ້າງ​ບ່ອນນອນ.

​ຜ່ານການສຳຫຼວດພາຍ​ໃນ​ຫ້ອງ ​ບໍ່​ພົບ​ຮ່ອງ​ຮອຍ​ການ​ຕໍ່​ສູ້​ໃດໆ ມີ​ແຕ່​ມື​ທັງ​ສອງ​ມີ​ຮອຍ​ໄໝ້ ສັນ​ນິ​ຖານ​ວ່າ​ເຫດ​ມາ​ຈາກ​ສາຍ​ສາກ​ຮົ່ວ ເຮັດ​ໃຫ້​ກະ​ແສ​ໄຟ​ລັດ​ວົງ​ຈອນ​ຊ໊ອດ​ດັບ ຂະ​ນະ​ທີ່ຫຼິ້ນ​ເກມ​ຢູ່ ແລະ​ເສຍ​ຊີ​ວິດ​ບໍ່​ຕ່ຳ​ກວ່າ 2 ມື້​ມາ​ແລ້ວ. ໂດຍກວດ​ສອບ​ອີກ​ຜູ້​ຕາຍ​ບໍ່​ມີ​ຄອບ​ຄົວ, ບໍ່​ມີ​ບັນ​ຫາ​ຫຍັງ ແຕ່​ເປັນ​ຄົນ​ຕິດ​ເກ​ມ​ ມັກຫຼິ້ນອອນ​ລາຍ​ຜ່ານ​ມື​ຖື.

ສະນັ້ນ, ຂໍຝາກ​ໄວ້​ເປັນ​ອຸ​ທາ​ຫອນ​ສຳ​ລັບ​ໃຜ​ທີ່​ມັກຫຼິ້ນ​ເກມ ຫຼື ແມ້​ແຕ່ຫຼິ້ນ​ໂທ​ລະ​ສັບ​ຂະ​ນະ​ທີ່​ສາກ​ໂທ​ລະ​ສັບ​ວ່າ ຫ້າມ​ເຮັດ​ແບບ​ນັ້ນ ເພາະ​ມີຫຼາຍໆ​ຄັ້ງ​ທີ່​ມີ​ຂ່າວ​ບໍ່​ດີ​ແບບ​ນີ້ ກ່ຽວ​ກັບ​ການ​ສາກ​ໂທ​ລະ​ສັບ ແລະ ຫຼິ້ນ​ໄປ​ພ້ອມ ພ້ອມນີ້ ໃນເວລາສາກໂທລະສັບ ຄວນສາກໃຫ້ຫ່າງຈາກຕົວເອງ ເພື່ອປ້ອງກັນການເກີດອັກຄີໄພ ທີ່ອາດຈະເກີດໄຟຟ້າໄດ້.