ຂອງດີຄວນມີໄວ້! ຫວ້ານຫາງແຂ້ ຊ່ວຍບຳລຸງຜິວພັນ, ເສັ້ນຜົມ ແລະ ຫຼຸດຮອຍດ່າງດຳຈາກສິວ

ຂອງດີຄວນມີໄວ້! ຫວ້ານຫາງແຂ້ ຊ່ວຍບຳລຸງຜິວພັນ, ເສັ້ນຜົມ ແລະ ຫຼຸດຮອຍດ່າງດຳຈາກສິວ

1st May 2020 0 By Admin

ຫວ້ານຫາງແຂ້ ເປັນພືດສະໝູນໄພທີ່ຮູ້ຈັກກັນດີ ທີ່ສາມາດຮັກສາໃນເລື່ອງສິວ, ຜິວພັນຂອງບັນດາສາວໆເລີຍກໍວ່າໄດ້. ນອກນັ້ນ, ຫວ້ານຫາງແຂ້ ສາມາດຊ່ວຍຕໍ່ຕ້ານອະນຸມູນອິດສະຫຼະ, ຊ່ວຍຊະລໍຄວາມແກ່ ແລະ ຊ່ວຍເສີມສ້າງພູມຄຸ້ມກັນພະຍາດໄດ້ອີກດ້ວຍ.
ຫວ້ານຫາງແຂ້ ອຸດົມໄປດ້ວຍວິຕາມິນ ແລະ ແຮ່ທາດເຊັ່ນ ແມກນີຊ້ຽມ, ໂພແທັກຊ້ຽມ, ທອງແດງ, ແມງການີກ, ຊີລີນ້ຽມ, ໂຄຣມ້ຽມ, ວິຕາມິນເອ, ວິຕາມິນຊີ, ວິຕາມິອີ, ວິຕາມິນບີ 1, ບີ 2, ບີ 3, ບີ 6, ບີ 9 ທີ່ຊ່ວຍໃນການຍ່ອຍອາຫານ ເຮັດຄວາມສະອາດລຳໄສ້ໃຫຍ່, ຊ່ວຍໃນການດີທັອກລ້າງສານພິດໃນຮ່າງກາຍ, ຊ່ວຍໃນການເຮັດວຽກງານຂອງລະບົບກະເພາະອາຫານ ແລະ ຫຼຸດປະລິມານຂອງເຊື້ອແບັກທີເຕີເຣຍໃນລຳໄສ້.


ສັບພະຄຸນຂອງຫວ້ານຫາງແຂ້ ຊ່ວຍຫຼຸດລະດັບຄໍເລດເຕີຣໍ, ຊ່ວຍຄວບຄຸມຄວາມດັນເລືອດ ແລະ ເພີ່ມການໄຫຼວຽນຂອງເລືອດ, ຊ່ວຍປ້ອງກັນ ແລະ ແກ້ອາການເມົາລົດ ດ້ວຍການຮັບປະທານຕ່ອນວຸ້ນຫວ້ານຫາງແຂ້ ຫຼື ນໍ້າຫວ້ານຫາງແຂ້ເຢັນໆ ກໍຈະຊ່ວຍບັນເທົາອາການດັ່ງກ່າວໄດ້ ແລະ ການໃຊ້ວຸ້ນຫວ້ານຫາງແຂ້ທາເປັນປະຈຳວັນລະ 2-4 ເທື່ອ ຈະຊ່ວຍປ້ອງກັນແລະ ຫຼຸດຄວາມສ່ຽງຂອງການເກີດພະຍາດມະເຮັງຜິວໜັງ.


ຊ່ວຍບຳລຸງຜິວພັນ ເຮັດໃຫ້ຜິວພັນນຽນນຸ່ມ, ຊຸ່ມຊື່ນ ແກ້ບັນຫາຜິວແຫ້ງຕາມຫົວເຂົ່າ, ແຂນສອກ ຫຼື ສົ້ນຕີນໄດ້ ພຽງແຕ່ໃຊ້ວຸ້ນຈາກໃບຫວ້ານຫາງແຂ້ແຊ່ໃນອ່າງອາບນໍ້າ ໃນລະຫວ່າງອາບໃຫ້ໃຊ້ຕ່ອນວຸ້ນຖູຕາມສ່ວນຕ່າງໆ ຂອງຮ່າງກາຍທີ່ຕ້ອງການ ຫາກເຮັດເປັນປະຈຳກໍຈະຊ່ວຍເຮັດໃຫ້ຜິວພັນຂອງທ່ານນຽນນຸ່ມຊື່ນຊືນ ແລະ ເຕັ່ງຕຶງ.


ເຕີມນໍ້າໃຫ້ຜິວ ເຮັດໃຫ້ຜິວໜ້າແລະຜິວກາຍຊຸ່ມຊື່ນ ແລະ ປ້ອງກັນການເກີດຮອຍແຮ່ວ ພຽງແຕ່ໃຊ້ວຸ້ນຈາກໃບຫວ້ານຫາງແຂ້ ນໍາມາແປະ ໃຫ້ທົ່ວບໍລິເວນໃບໜ້າຫລືບໍລິເວນຜິວທີ່ຕ້ອງການ ປະໄວ້ປະມານ 15 ນາທີແລ້ວລ້າງອອກ ຈະຊ່ວຍເຮັດໃຫ້ຜິວພັນຊຸ່ມຊື່ນສົດໃສ ເຕັ່ງຕຶງຂຶ້ນ

ຊ່ວຍປິ່ນປົວສິວ ຢັບຢັ້ງການຕິດເຊື້ອທີ່ເປັນສາເຫດຂອງສິວ ຊ່ວຍຫຼຸດຮອຍດຳຈາກສິວ ແລະ ຫຼຸດຄວາມມັນເທິງໃບໜ້າ ເພາະໃນໃບຫວ້ານຫາງແຂ້ຈະມີລິດເປັນກົດອ່ອນໆ (ບໍ່ແນະໃຫ້ໃຊ້ກັບສິວອັກເສບ ເພາະຈະເຮັດໃຫ້ເກີດການຕິດເຊື້ອໄດ້ງ່າຍ)


ຊ່ວຍຮັກສາຈຸດດ່າງດຳຕາມຜິວໜັງ ອັນເນື່ອງມາຈາກແສງແດດ ຫຼື ຈາກອາຍຸທີ່ຫຼາຍຂຶ້ນ ດ້ວຍການໃຊ້ວຸ້ນຈາກໃບສົດນຳທາທີ່ຜິວມື້ລະ 2 ເທື່ອຫຼັງອາບນ້ຳ ແລະ ຕ້ອງເຮັດຢ່າງຕໍ່ເນື່ອງສະໝໍ່າສະເໝີ ຈຶ່ງຈະເຫັນຜົນ ປ້ອງກັນການເກີດຝ້າ ຫາກໃຊ້ຫວ້ານຫາງແຂ້ເປັນປະຈຳກໍຈະຊ່ວຍປ້ອງກັນການເກີດຝ້າໄດ້ເປັນຢ່າງດີ


ຊ່ວຍເຮັດໃຫ້ເສັ້ນຜົມງາມ ຜົມດົກເປັນເງົາງາມ ຊ່ວຍປ້ອງກັນ ແລະ ກຳຈັດລັງແຄ ຊ່ວຍບຳລຸງຮາກຜົມໃຫ້ມີສຸຂະພາບດີ ຊ່ວຍລົບທ້ອງລາຍຫຼັງເກີດລູກ ດ້ວຍການໃຊ້ວຸ້ນຂອງຫວ້ານຫາງແຂ້ມາທາບໍລິເວນທ້ອງເປັນປະຈຳທັງໃນຂະນະຖືພາ ແລະ ຫຼັງເກີດ ຊ່ວຍແກ້ເສັ້ນເລືອດດຳຂອດບໍລິເວນຂາ ດ້ວຍການໃຊ້ວຸ້ນຫວ້ານຫາງແຂ້ມາທາບໍລິເວນທີ່ເປັນເສັ້ນເລືອດຂອດເປັນປະຈຳ.