ຂ່າວດີຕໍ່ເນື່ອງ 18 ມື້ລຽນຕິດ ລາວບໍ່ພົບຜູ້ຕິດເຊື້ອເພີ່ມ ແຖມຢູ່ປ່ວຍ 11 ຄົນອາການດີຂຶ້ນຕາມລຳດັບ 30/4/2020

ຂ່າວດີຕໍ່ເນື່ອງ 18 ມື້ລຽນຕິດ ລາວບໍ່ພົບຜູ້ຕິດເຊື້ອເພີ່ມ ແຖມຢູ່ປ່ວຍ 11 ຄົນອາການດີຂຶ້ນຕາມລຳດັບ 30/4/2020

30th April 2020 0 By Admin

ວັນທີ 30 ເມສາ 2020  ສປປ ລາວ ບໍ່ພົບຜູ້ຕິດເຊື້ອເພີ່ມ ເຊິ່ງຖືວ່າ 18 ມື້ລຽນຕິດ ໂດຍຫຼ້າສຸດ, ໄດ້ເກັບຕົວຢ່າງໃນວັນທີ 29 ເມສາ 2020 ໄດ້ເກັບມາ 10 ຕົວຢ່າງ ແມ່ນກວດບໍ່ພົບຜູ້ຕິດເຊື້ອເພີ່ມ ເຮັດໃຫ້ຕົວເລກຜູ້ຕິດເຊື້ອລວມທັງໝົດຍັງຄົງທີ່ 19 ຄົນ ແຕ່ວ່າມາຮອດປັດຈຸບັນຜູ້ຕິດເຊື້ອໄດ້ຮັບການປິ່ນປົວຫາຍດີ ແລະ ອອກໂຮງໝໍແລ້ວ 8 ຄົນ ຍັງ 11 ຄົນທີ່ຍັງນອນຮັບການປິ່ນປົວຢູ່ໂຮງໝໍ ແຕ່ອາການດີຂຶ້ນແລ້ວ.

ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ທັງເປັນກອງເລຂາຄະນະສະເພາະກິດ  ໄດ້ຖະແຫຼງໃນວັນທີ 30 ເມສາ 2020 ວ່າ: ໃນວັນທີ 29 ເມສາ 2020, ໄດ້ເກັບຕົວຢ່າງມາກວດທັງໝົດ 10 ຄົນ, ໃນນັ້ນ ຜູ້ມີອາການສົງໄສມາກວດຢູ່ໂຮງໝໍ 8 ຄົນ, ເກັບຕົວຢ່າງຜູ້ຕິດເຊື້ອມາກວດຄືນ 2 ຄົນ ແລະ ແຮງງານລາວທີ່ກັບມາຈາກປະເທດໄທ 0 ຄົນ. ຈາກຜົນກວດທັງໝົດ 10 ຄົນ ບໍ່ພົບເຊື້ອ. ໝາຍຄວາມວ່າໃນວັນທີ 29 ເມສາ 2020 ບໍ່ມີກໍລະນີໃໝ່.

ທັງນີ້, ນັບແຕ່ເດືອນມັງກອນ ຮອດ ວັນທີ 29 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1.927 ຕົວຢ່າງ, ກວດພົບເຊື້ອສະສົມ 19 ຄົນ (18 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).

ສຳລັບການຕິດຕາມປີ່ນປົວຄົນເຈັບຢູ່ໂຮງໝໍ ຈາກຕົວເລກຜູ້ຕິດເຊື້ອສະສົມຈຳນວນ 19 ຄົນ ນັ້ນ ປະຈຸບັນມີຜູ້ຕິດເຊື້ອທີ່ໄດ້ຮັບການປິ່ນປົວຫາຍດີ ແລະ ອອກໂຮງໝໍແລ້ວ ຈຳນວນ 8 ຄົນ ແລະ ຍັງນອນຕິດຕາມປິ່ນປົວຢູ່ໂຮງໝໍ 11 ຄົນ ທີ່ນອນປິ່ນປົວຢູ່ທັງໝົດມີອາການເບົາບາງ, ຍັງຕິດຕາມເພື່ອກວດວິເຄາະຢັ້ງຢືນການບໍ່ພົບເຊື້ອ ຈຶ່ງໃຫ້ອອກໂຮງໝໍ