ອາດີດພະນັກງານໄປສະນີ!! ຖືກສານນະຄອນຫຼວງລົງໂທດ ຂໍ້ຫາສໍ້ລາດບັງຫຼວງ

ອາດີດພະນັກງານໄປສະນີ!! ຖືກສານນະຄອນຫຼວງລົງໂທດ ຂໍ້ຫາສໍ້ລາດບັງຫຼວງ

18th November 2019 0 By Admin

ອີງຕາມໃບແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີສະບັບເລກທີ 1671/ຫສນຍ, ລົງວັນທີ 23 ກັນຍາ 2019 ແລະ ເຫັນດີຕາມຜົນການກວດກາຂອງຄະນະກວດກາສູນກາງ ໂດຍສົມທົບກັບກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຕົກລົງໃຫ້ດຳເນີນຄະດີຕາມກົດໝາຍຕ້ານສໍ້ລາດບັງຫຼວງ ຕໍ່ອາດີດພະນັກງານບໍລິສັດລັດວິສາຫະກິດໄປສະນີລາວ ຈຳນວນ 29 ຄົນ.

ດັ່ງນັ້ນ, ຕອນເຊົ້າວັນທີ 3 ຕຸລາ 2019 ສານປະຊາຊົນນະຫຼວງວຽງຈັນ ຈຶ່ງໄດ້ພິຈາລະນາຕັດສິນຄະດີສໍ້ລາດບັງຫຼວງ ອາດີດພະນັກງານບໍລິສັດໄປສະນີລາວຈຳນວນ 17 ຄົນ ແລະ ຄົນນອກຈຳນວນ 3 ຄົນ ໃນຂໍ້ຫາສົມຮູ້ຮ່ວມຄິດ ຍັກຍອກເງີນຂອງບໍລິສັດ. ໂດຍໂທດສູງສຸດທີ່ພວກກ່ຽວໄດ້ຮັບແມ່ນຖືກຈຳຄຸກຕະຫຼອດຊີວິດໜຶ່ງຄົນ ສ່ວນຜູ້ອື່ນໄລ່ລຽງກັນໄປ 15 ປີ, 09 ປີ, 04 ປີ, 03 ປີ ແລະ 02 ປີ ຕາມສະຖານໜັກຫຼືເບົາ.

ພ້ອມທັງໃຊ້ຄ່າເສຍຫາຍຄືນໃຫ້ແກ່ບໍລິສັດ ແລະ ຍັງຖືກປັບໄໝຕາມມູນຄ່າຄວາມເສຍຫາຍ ອີງຕາມກົດໝາຍວ່າດ້ວຍການສໍ້ລາດບັງຫຼວງ ສະບັບປັບປຸງໃໝ່ ປີ 2013. ສ່ວນທີ່ເຫຼືອຍັງຢູ່ຂັ້ນຕອນດຳເນີນຄະດີຂອງອົງການໄອຍະການປະຊາຊົນຈຳນວນ 02 ຄົນ ແລະ ພວມດຳເນີນຄະດີ ຈຳນວນ 12 ຄົນ.

ຂໍ້ມູນຈາກນ: Medialaos Mass Media