ກອນຕູມ ຫວຽດນາມ ຊ່ວຍເຫຼືອອຸປະກອນການແພດ ມູນຄ່າ 2 ຮ້ອຍລ້ານດົ້ງ ໃຫ້ແຂວງສາລະວັນ

ກອນຕູມ ຫວຽດນາມ ຊ່ວຍເຫຼືອອຸປະກອນການແພດ ມູນຄ່າ 2 ຮ້ອຍລ້ານດົ້ງ ໃຫ້ແຂວງສາລະວັນ

30th April 2020 0 By Admin

ແຂວງສາລະວັນ ສປປລາວ ໄດ້ຮັບການຊ່ວຍເຫຼືອອຸປະກອນການແພດ ຈາກ ແຂວງກອນຕູມ ສສ ຫວຽດນາມມູນຄ່າ 2 ຮ້ອຍລ້ານດົ້ງ.

ແຂວງກອນຕູມ ສສ ຫວຽດນາມ ມອບອຸປະກອນການແພດ ປະເພດ ຊົບມື, ຊຸດແພດ, ກໍຣມິນບີ, ຜ້າອັດປາກ-ອັດດັງ, ເຄື່ອງວັດແທກຄວາມດັນເລືອດ, ເຄື່ອງຈັກສີດທາດເຄມີ ແລະ ອຶ່ນໆ ໃຫ້ແຂວງສາລະວັນ ສປປ ລາວ ລວມມູນຄ່າ 2 ຮ້ອຍລ້ານດົ້ງ ຈັດຂື້ນໄນຕອນບ່າຍວັນທີ 29 ເມສາ ທີ່ດ່ານສາກົນເບີອີ ແຂວງກອນຕູມ

ໂດຍການມອບຂອງທ່ານ: ຫງຽນວັນຮົວ ຮອງເລຂາພັກແຂວງ ປະທານຄະນະກຳມະການປົກຄອງປະຊາຊົນແຂວງກອນຕູມ ສສ ຫວຽດນາມ ແລະຮັບໂດຍທ່ານ: ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງ ຫົວໜ້າຄະນະສະເພາະກິດ ເພືື່ອປ້ອງກັນ, ຄວບຄຸມ ແລະແກ້ໄຂການລະບາດພະຍາດໂຄວິດ-19 ມີຕາງໜ້າພະແນກການທີ່ກ່ຽວຂ້ອງອ້ອມຂ້າງແຂວງເຂົ້າຮ່ວມເປັນສັກຂີພິຍານ.


ອຸປະກອນການແພດທີ່ໄດ້ຮັບຄັ້ງນີ້ແມ່ນເພື່ອໄຊ້ເຂົ້າໄນການຕ້ານ ແລະສະກັດກັ້ນການແຜ່ລະບາດຂອງພະຍາດໂຄວິດ-19 ບໍ່ໃຫ້ສືບຕໍ່ແຜ່ລະບາດອອກສູ່ວົງກ້ວາງຢູ່ ສປປລາວ ກໍ່ຄື ຢູ່ບັນດາປະເທດທີ່ມີຂອບເຂດຊາຍແດນຮ່ວມກັນ ທັງເປັນການຮັດແໜ້ນສາຍພົວພັນມິດຕະພາບແບບພິເສດ ລາວ-ຫວຽດນາມ-ຫວຽດນາມລາວ ໃຫ້ໝັ້ນຄົງຖະນົງແກ່ນ ສືບຕໍ່ຊ່ວຍເຫຼືອເຊິ່ງກັນ ແລະກັນ ເພື່ອພັດທະນາ ເຮັດໃຫ້ບ້ານເມືອງມີຄວາມເຂັ້ມແຂງ, ຮຸ່ງເຮືອງສີວິໄລ.

ໂດຍ: ສື່ມວນຊົນສາລະວັນ