ໂຄງການປັບປຸງສິ່ງແວດລ້ອມຕົວເມືອງ ປາກເຊ ມອບພາຫະນະ ຮັບໃຊ້ວຽກງານການເກັບມ້ຽນຂີ້ເຫຍື້ອ

ໂຄງການປັບປຸງສິ່ງແວດລ້ອມຕົວເມືອງ ປາກເຊ ມອບພາຫະນະ ຮັບໃຊ້ວຽກງານການເກັບມ້ຽນຂີ້ເຫຍື້ອ

30th April 2020 0 By Admin

ໂຄງການປັບປຸງສິ່ງແວດລ້ອມຕົວເມືອງ ນະຄອນປາກເຊ ໄດ້ມອບພາຫະນະ ແລະ ອຸປະກອນຮັບໃຊ້ວຽກງານການເກັບມ້ຽນຂີ້ເຫຍື້ອ ໃຫ້ນະຄອນປາກເຊ ເຊິ່ງປະກອບມີ:


ລົດຕຸກໆ ຂະໜາດ 1 ແມັດກ້ອນ ສໍາລັບເກັບມ້ຽນຂີ້ເຫຍື້ອ ຕາມທາງຊອຍ ຈໍານວນ 3 ຄັນ ລວມມູນຄ່າ 21.​000 ໂດລາສະຫະລັດ.
ລົດດູດ ພ້ອມທະລວງຮ່ອງນໍ້າ 1 ຄັນ ມູນຄ່າ 94.911 ໂດລາສະຫະລັດ.


ລົດເກັບມ້ຽນຂີ້ເຫຍື້ອ ຊະນິດອັດແໜ້ນ(ມີເກາະຈັບ)​10 ແມັດກ້ອນ ຈໍານວນ 2 ຄັນ ມູນຄ່າ 118.000 ໂດລາສະຫະລັດ; ຊະນິດອັດແໜ້ນ(ບໍ່ມີເກາະຈັບ)​10 ແມັດກ້ອນ ຈໍານວນ 5 ຄັນ ລວມມູນຄ່າ 290.000 ໂດລາສະຫະລັດ.​
ລົດລາກ ຫຼື ແກ່ຖັງເຫຼັກ ຈໍານວນ 1 ຄັນ ມູນຄ່າ 45.000 ໂດລາ​ສະຫະລັດ.


ພິທີມອບ-ຮັບ ຄັ້ງນີ້ ຈັດຂຶ້ນຢູ່ເດີ່ນໜ້າຫ້ອງວ່າການນະຄອນປາກເຊ,​ ມອບໂດຍ ທ່ານ ບຸນເນົາ ຟອງຄໍາແດງ ຫົວໜ້າໂຄງການປັບປຸງສິ່ງແວດລ້ອມຕົວເມືອງ ນະຄອນປາກເຊ,​ ຮັບໂດຍ ທ່ານ ອຸດົມສັກ ດີວິໄຊ ກໍາມະການພັກແຂວງ ເລຂາພັກ ເຈົ້ານະຄອນປາກເຊ.


ໂດຍການເຂົ້າຮ່ວມຂອງ ທ່ານ ມະໄລທອງ ກົມມະສິດ ຄະນະປະຈໍາພັກແຂວງ ຮອງເຈົ້າແຂວງໆຈຳປາສັກ ຜູ້ຊີ້ນໍາວຽກງານຮອບດ້ານຢູ່ນະຄອນປາກເຊ,​ ການນໍາພະແນກການກ່ຽວຂ້ອງຂອງແຂວງ,​ ການນໍານະຄອນປາກເຊ ແລະ ພາກສ່ວນກ່ຽວຂ້ອງ ເຂົ້າຮ່ວມເປັນສັກຂີພະຍານ.