ຍີນດີນຳຜູ້ຕິດເຊື້ອຢູ່​ຫຼວງ​ພະ​ບາງ ປີ່ນປົວຫາຍດີ ແລະກັບບ້ານໄດ້ຄົນທີ 3 ແລ້ວ

ຍີນດີນຳຜູ້ຕິດເຊື້ອຢູ່​ຫຼວງ​ພະ​ບາງ ປີ່ນປົວຫາຍດີ ແລະກັບບ້ານໄດ້ຄົນທີ 3 ແລ້ວ

30th April 2020 0 By Admin

ວັນທີ30/4/2020ຂໍສະແດງຄວາມຍີນດີນຳຜູ້ຕິດເຊື້ອທີ່ໄດ້ຮັບການປີ່ນປົວຫາຍດີແລະກັບບ້ານໄດ້ທ່ານທີ່3.


ມື້ນີ້ຄະນະອຳນວຍການໂຮງໝໍແຂວງຫຼວງພະບາງຕະຫຼອດຮອດພະນັກງານແພດໝໍທຸກໆຄົນມີຄວາມພາກພູມໃຈ ແລະ ມີຄວາມເອກອ້າງທະນົງໃຈຫາອັນໃດປຽບບໍ່ໄດ້ຕໍ່ໄຊຊະນະການປີ່ນປົວພະຍາດໂຄວິດ-19 ຄັ້ງປະຫວັດສາດອັນໃຫ່ຍຂອງນັກຮົບເສື້ອຂາວທີ່ໄດ້ຮ່ວມແຮງຮ່ວມໃຈທີ່ໄດ້ຄຽງບ່າຄຽງໄລ່ກັນເຂົ້າຮ່ວມສະໜາມຮົບແຮງສົງຄາມຕີຕ້ານສັດຕູຕົວຮ້າຍກາດທີ່ເບີ່ງບໍ່ເຫັນນັບແຕ່ຖືກມອບໝາຍຫນ້າທີ່ອັນໜັກໜ່ວງ, ແຕ່ມີກຽດສະຫງ່າດ້ວຍມານະຈິດແພດປະຕິວັດ, ອ້າຍເອື້ອຍນ້ອງແພດໝໍໝົດທຸກຄົນກໍ່ສຸມຈິດສຸມໃຈ ແລະ ສຸມສະຕິປັນຍາໃນການດູແລເບີ່ງແຍງປີ່ນປົວຄົນເຈັບຜູ້ທີ່ຕິດເຊື້ອໂຄວິດ-19 ເປັນເວລາ 1ເດືອນກວ່າ (1ເດືອນກັບ 5ວັນ)ຈົນຊ່ວງຫາຍດີຈາກພະຍາດຕົວຮ້າຍກາດນີ້ໄດ້ທັງ3ທ່ານ


ຕໍ່ຜົນສຳເລັດຄັ້ງນີ້ຖືເປັນກຳລັງໃຈເປັນຢາວິຕາມີ່ນແກ່ອ້າຍເອື້ອຍນ້ອງນັກຮົບເສື້ອຂາວທຸກຄົນເຖີງວ່າວຽກງານຈະລຳບາກໜັກໜ່ວງປານໃດກໍ່ຕາມພວກເຮົາກໍ່ພ້ອມພຽງກັນຜ່ານຜ່າອຸປະສັກ ແລະ ຂໍ້ຫຍຸ້ງຍາກຈົນໄດ້ຮັບໄຊຊະນະ
ຄະນະອຳນວຍການພະນັກງານແພດໝໍໝົດທຸກຄົນຂໍໃຫ້ຄຳໝັ້ນສັນຍາວ່າ ພວກເຮົາຈະພ້ອມກັນປະຕິບັດໜ້າທີ່ ທີ່ພັກກໍ່ຄືລັດຖະບານມອບໝາຍໃຫ້ ແລະ ໃຫ້ສົມກັບຄຳວ່າ ແພດປະຕິວັດ ຫຼືນັກຮົບເສື້ອຂາວ ຊື່ງພວກເຮົາພູມໃຈທີ່ໄດ້ຮັບໃຊ້ຊາດ ແລະ ຮັບໃຊ້ພໍ່ແມ່ປະຊາຊົນບັນດາເຜົ່າ ແລະ ມີກຽດສະຫງ່າ


ພວກເຮົາຂໍຖືເອົາໂອກາດນີ້ສະແດງຄວາມຂອບໃຈແລະຮູ້ບຸນຄຸນເປັນຢ່າງສູງ ມາຍັງ ການນໍາພັກລັດທຸກຂັ້ນທີ່ໄດ້ເອົາໃຈໃສ່ຊີ້ນໍາ,ໃຫ້ການຕິດຕາມຊຸກຍູ້,ສະນັບສະໜູນງົບປະມານ, ວັດຖຸອຸປະກອນໃຫ້ແກ່ໂຮງໝໍພວກເຮົາ,ຂອບໃຈແລະຮູ້ບຸນຄຸນມາຍັງພາກສວ່ນສັງຄົມ,ພໍໍ່ແມ່ປະຊາຊົນຜູ້ທີ່ໃຈບຸນທງັຫາຼຍທີ່ໄດ້ໃຫ້ການບໍລິຈາກ ອາຫານ,ນໍ້າດື່ມ,ອຸປະກອນການແພດຕ່າງໆ,ເງີນສົດ ໃຫ້ແກ່ພວກເຮົາເພື່ອນໍາໄຊ້ເຂົ້າໃນວຽກງານຕອບໂຕ້ຕໍ່ການລະບາດພະຍາດໃນຄັ້ງນີ້,ຂໍອວຍໄຊໃຫ້ພອນແກ່ທ່ານຈົ່ງມີສຸຂະພາບແຂງແຮງ,ຫ້າວຫັນໝັ້ນຍືນ,ປະສົບຜົນສໍາເລັດໃນທຸກວຽກງານ,ລໍ້າລວຍໆດວ້ຍເທີ້ນ.

ຖ້າຫາກທ່ານໃດມີຈິດໃຈສັດທາຢາກບໍລິຈາກວັດຖຸປັດໃຈເຊັ່ນ:ອາຫານ,ຜ້າອັດປາກ,ເຫຼົ້າ90ໍແລະອຸປະກອນການແພດອື່ນໆ
ຕິດຕໍ່ໄດ້ທີ່ເບີໂຮງໝໍແຂວງຫຼວງພະບາງ0305715738

ຈາກ​: Luang Prabang Provincial Hospital – LPPH