ກອງພົນທີ 5 ເຂັ້ມງວດໃນການຄັດກອງປ້ອງກັນພະຍາດໂຄວິດ 19

ກອງພົນທີ 5 ເຂັ້ມງວດໃນການຄັດກອງປ້ອງກັນພະຍາດໂຄວິດ 19

29th April 2020 0 By Admin

ເຊື້ອພະຍາດຈຸລະໂລກສາຍພັນໃໝ່ຫຼືເອີ້ນວ່າ ໂຄວິດ -19 ເປັນພະຍາດທີ່ຮ້າຍແຮງສ້າງຄວາມເສຍໃຫ້ແກ່ຫຼາຍປະເທດໃນໂລກ ໂດຍສະເພາະແມ່ນຢູ່ປະເທດລາວເຮົາກໍມີຜູ້ຕິດເຊື້ອຈຳນວນ 19 ຄົນ, ໃນນີ້ປີ່ນປົວດີ 7 ຄົນ ຍັງສືບຕໍ່ປີ່ນປົວ 12 ຄົນ.

ເຖິງວ່າຈະບໍ່ມີຜູ້ຕິດເຊື້ອເພີ່ມກໍຕາມ ແຕ່ວ່າພັກ -ລັດ ກໍຄືປວງຊົນລາວ ທັງຊາດກໍຍັງສືບຕໍ່ຕ້ານ ແລະ ປ້ອງກັນ ສະກັດກັ້ນ ການແຜ່ລະບາດເຊື້ອພະບາດດັ່ງກ່າວຢ່າງເຂັ້ມງວດ,ເອົາຈິງເອົາຈັງ ໃນນີ້ເວົ້າສະເພາະຢູ່ກອງພົນທີ 5 ກໍໄດ້ເອົາໃຈໃສ່ຢ່າງເຂັ້ມງວດໃນການຄັດກອງປ້ອງກັນດ້ວຍຫຼາຍຮູບການ, ຫຼາຍວິທີການ ເພື່ອຮັບປະກັນໃນການປ້ອງກັນການແຜ່ລະບາດຂອງພະຍາດດັ່ງກ່າວ.


ສະຫາຍ ພົນຈັດຕະວາ ວັນທອງ ບຸດຕະວົງ ຮອງເລຂາຄະນະພັກ ຫົວໜ້າການທະຫານກອງພົນທີ 5 ໃຫ້ຮູ້ວ່າ:ພາຍຫຼັງໄດ້ຮັບຄຳສັ່ງແຈ້ງການຂອງ ນາຍຍົກລັດຖະມົນຕີເລກທີ 06/ນຍ ກໍຄືຄຳສັ່ງແຈ້ງການຂອງກະຊວງປ້ອງກັນເທດ ວ່າດ້ວຍການປ້ອງກັນການແຜ່ລລະບາດຂອງເຊື້ອພະຍາດໂຄວິດ- 19 ເຊິ່ງຄະນະພັກ – ຄະນະບັນຊາ ກົມກອງ ໄດ້ຊີ້ນຳໃຫ້ບັນດາອົງການ,ກົມກອງຮາກຖານ ທົ່ວກອງພົນທີ 5 ເອົາໃຈໃສ່ສຶກສາອົບຮົມພະນັກງານ – ນັກຮົບຂອງຕົນ ລົງໂຄສະນາຕໍ່ກັບໄພອັນຕະລາຍຂອງເຊື້ອພະຍາດດັ່ງກ່າວ.

ຈາກນັ້ນກໍຕ້ອງມີມາດຕະການຢ່າງເຂັ້ມງວດ ໃນການຈຳກັດ ການເຂົ້າອອກຄ້າຍ, ການໄປ-ມາ ຂອງພະນັກງານໃນເວລາເຂົ້າ-ອອກ ຢູ່ບັນດາອົງການ,ກົມກອງ ກໍ່ຍັງເຂັ້ມງວດໃນການກວດກາ ອຸນຫະພູມ, ລ້າງມື, ອັດຊີດຂ້າເຊື້ອພາຫະນະ ເຂົ້າອອກຄ້າຍ ແລະ ຈຳກັດການເຂົ້າຄ້າຍ ອອກຄ້າຍ ໃນໂມງການ ສວ່ນບັນດາກົມກອງຮາກຖານ ຄະນະພັກ-ຄະນະບັນຊາ ແມ່ນເອົາໃຈໃສ່ສຶກສາອົບຮົມໃຫ້ພະນັກງານ – ນັກຮົບໂສດ ຢູ່ໃນຄ້າຍບໍ່ໃຫ້ອອກເຄື່ອນໄຫວນອກຂອບເຂດກົມກອງຮັບຜິດຊອບ ຖ້າມີວຽກຈຳເປັນ ຕ້ອງຂໍອະນຸຍາດ ຈາກຄະນະກອງ, ແພດປະຈຳການ ຈີ່ງສາມາດໄປມາ ຮອດປັດຈຸບັນທົ່ວກອງພົນທີ 5 ຍັງບໍ່ມີກໍນີສົງໄສຜູ້ທີ່ຕິດເຊື້ອ ແລະ ຈະຍັງສືບຕໍ່ກວດກາຄັດກອງ ຈົນກວ່າວິກິດການນີ້ຈະຜ່ານພົ້ນໄປ .

ຂ່າວ:ແສງອາທິດ ສີດາໄລ