ບໍລິສັດ ວັງຕັດຂຸດຄົ້ນບໍ່ແຮ່ ມອບເງິນ 100 ກວ່າລ້ານ ປະກອບສ່ວນຊ່ວຍເຫຼືອກອງບັນຊາການທະຫານອັດຕະປື

ບໍລິສັດ ວັງຕັດຂຸດຄົ້ນບໍ່ແຮ່ ມອບເງິນ 100 ກວ່າລ້ານ ປະກອບສ່ວນຊ່ວຍເຫຼືອກອງບັນຊາການທະຫານອັດຕະປື

29th April 2020 0 By Admin

ວັນທີ 27 ເມສາ 2020ຜ່ານມາ ບໍລິສັດ ວັງຕັດຂຸດຄົ້ນບໍ່ແຮ່ ຈຳກັດ ມອບເງິນ 117 ລ້ານກີບ ໃຫ້ກອງບັນຊາການທະຫານແຂວງອັດຕະປື ໃນ ໂດຍຕາງໜ້າ ບໍລິສັດວັງຕັດ ຂຸດຄົ້ນບໍ່ແຮ່ ຈຳກັດ ນຳໂດຍ ທ່ານ ພອນສະຫວັນ ໄຊທະນາສີ ຫົວໜ້າຫ້ອງການ ປະຈໍາ ສາຂາແຂວງອັດຕະປື ພ້ອມຄະນະ ໄດ້ນຳເອົາວັດຖຸປັດໄຈ ເປັນເງິນສົດ ຈຳນວນ 117 ລ້ານກີບ ມອບໃຫ້ກອງບັນຊາການທະຫານແຂວງ ເພື່ອເປັນການປະກອບສ່ວນເຂົ້າໃນການປັບປຸງກໍ່ສ້າງກົມກອງ, ການຈັດຊື້ພາຫະນະທີ່ຈໍາເປັນ ນໍາໃຊ້ເຂົ້າໃນການ ປົກປັກຮັກສາເຂດນ້ຳແດນດິນແລະສ້າງສາພັດທະນາປະເທດຊາດໄປພ້ອມໆກັນ.

ກ່າວຮັບໂດຍ ພັອ ໂຊກໄຊ ພິມມະລາ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງອັດຕະປື, ມີ ຄະນະພັກ-ຄະນະບັນຊາກອງບັນຊາການທະຫານແຂວງ, ພະແນກການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ


ທ່ານ ຫົວຫນ້າການເມືອງກອງບັນຊາການທະຫານແຂວງຍັງໄດ້ສະແດງຄວມຂອບອົກຂອບໃຈ, ແລະ ໄດ້ຕີລາຄາສູງ ຕໍ່ຫມາກຜົນແຫ່ງການຮ່ວມມືປະກອບສ່ວນຂອງບໍລິສັດ ແລະ ພະນັກງານລັດຖະກອນທີ່ເຫັນໄດ້ຄວາມຈຳເປັນ ທາງດ້ານຍຸດທະສາດການທະຫານ ແລະ ຂໍຢືນຢັນວ່າ ພວກເຮົາຈະນຳເອົາວັດຖຸດັ່ງກ່າວນຳໄຊ້ໃຫ້ເປັນປະໂຫຍດ,ມີຜົນສຳເລັດແລະນຳໃຊ້ໃຫ້ຖືກເປົ້າໝາຍ ແລະທ່ານ ຍັງໄດ້ມອບໃບກຽດຕິຄຸນ ໃຫ້ຢ່າງສົມກຽດ.

ທີ່ມາ: Attapeu Media