ຊົມເຊີຍເຈົ້າເມືອງ ອາດສະພັງທອງ ລົງແຈກຢາຍຜ້າອັດປາກໃຫ້ປະຊາຊົນດ້ວຍຕົນເອງ

ຊົມເຊີຍເຈົ້າເມືອງ ອາດສະພັງທອງ ລົງແຈກຢາຍຜ້າອັດປາກໃຫ້ປະຊາຊົນດ້ວຍຕົນເອງ

29th April 2020 0 By Admin

ວັນທີ 29 ເມສາ 2020 ນີ້, ໂດຍທ່ານ ອຸໄພວັນ ໄຊຍະວົງ ເຈົ້າເມືອງ ອາດສະພັງທອງ,ພ້ອມການນໍາຂັ້ນເມືອງ. ໄດ້ລົງເຄື່ອນໄຫວແຈກຢາຍຜ້າອັດປາກອະນາໄມໃຫ້ແກ່ປະຊາຊົນ ແລະ ພໍ່ຄ້າ – ແມ່ຄ້າຊາວຂາຍຢູ່ທີ່ຕະຫຼາດຮຸ່ງເຮືອງ ເມືອງ ອາດສະພັງທອງ ເພື່ອຕໍ່ຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ – 19.

ໃນການລົງເຄື່ອນໄຫວແຈກຢາຍຜ້າອັດປາກອານາໄມໃນຄັ້ງນີ້; ກໍ່ຍ້ອນຄວາມເປັນຫວ່ງເປັນໄຍຂອງຂັ້ນເທິງເວົ້າລວມເວົ້າສະເພາະກໍ່ຄືການນໍາຂັ້ນເມືອງ ອາດສະພັງທອງທີ່ມີຕໍ່ປະຊາຊົນພາຍໃນເມືອງ. ນອກຈາກນັ້ນ; ກໍ່ເປັນການຜັນຂະຫຍາຍຄໍາສັ່ງ-ແຈ້ງການຂອງລັດຖະບານ ແລະ ທິດຊີ້ນໍາຂອງທ່ານ ນາຍົກລັດຖະມົນຕີ ໃຫ້ແຈກຢາຍຜ້າອັດປາກອະນາໄມໃຫ້ແກ່ປະຊາຊົນເພື່ອຮັບປະກັນຄວາມປອດໄພ ແລະ ສະກັດກັ້ນໂຄວິດ ເຖິງແມ່ນວ່າອາດຈະເປັນຈໍານວນບໍ່ຫຼາຍແຕ່ກໍ່ແມ່ນຄວາມຕັ້ງໃຈທີ່ຈະປະກອບສ່ວນຂອງການນໍາຂັ້ນເມືອງ ເພື່ອສົ່ງເສີມຂະບວນການຕ້ານພະຍາດໂຄວິດບໍ່ໃຫ້ມີການແຜ່ລະບາດຢູ່ພາຍໃນເມືອງ ອາດສະພັງທອງ.


ໃນໂອກາດນີ້; ທ່ານເຈົ້າເມືອງກໍ່ໄດ້ເນັ້ນໜັກໃຫ້ທຸກພາກສ່ວນຈົ່ງເອົາໃຈໃສ່ໃນການຈັດຕັ້ງປະຕິບັດທຸກຄໍາສັ່ງຂອງຂັ້ນເທິງ. ພ້ອມທັງໃຫ້ມີການໂຄສະນາເຜີຍແຜ່ໃຫ້ປະຊາຊົນໄດ້ເຂົ້າໃຈເຖິງການແຜ່ລະບາດຂອງພະຍາດໂຄວິດ – 19 ໄດ້ຢ່າງທົ່ວເຖິງພ້ອມນັ້ນ; ກໍ່ໄດ້ຮຽກຮ້ອງໃຫ້ປະຊາຊົນພາຍໃນເມືອງຈົ່ງພ້ອມກັນ,ເອົາໃຈໃສ່ປະຕິບັດລະບຽບຢ່າງເຂັ້ມງວດ.


ທັງນີ້ກໍ່ເພື່ອເປັນການຄວບຄຸມແລະຕ້ານການແຜ່ລະບາດຂອງພະຍາດໂຄວິດ – 19 ພ້ອມກັນຜ່ານຜ່າວິກິດການຄັ້ງນີ້ ໃຫ້ລຸລ່ວງໄປໂດຍດີ, ມີຄວາມປອດໄພທຸກໆຄົນ.


ພາບຂ່າວ: ສາຍສະໝຸດ ສິມພະລີວົງ