ວ້າວໆ! ໂຄດເກັ່ງ7ສາວ ລູກຊາວນາ ຈົບປະລິນຍາຕີ ດີກຣີກຽດນິຍົມທຸກຄົນ

ວ້າວໆ! ໂຄດເກັ່ງ7ສາວ ລູກຊາວນາ ຈົບປະລິນຍາຕີ ດີກຣີກຽດນິຍົມທຸກຄົນ

18th November 2019 0 By Admin

ດີໃຈ ແລະ ປື້ມໃຈສຸດໆກັບຜູ້ທີ່ເປັນພໍ່ແມ່ ທີ່ມີລູກສາວຮຽນເດີ, ຮຽນເກັ່ງ ຈົບປະລິນຍາຕີ ຄວ້າກຽດນິຍົມມາໄດ້ທຸກຄົນ. ເຊິ່ງເລື່ອງລາວດີໆເຫດການນີ້ ໄດ້ເກີດຂຶ້ນກັບຄອບຄົວໜຶ່ງ ທີ່ປະເທດເພື່ອບ້ານ (ປະເທດໄທ) ທີ່ພໍ່ແມ່ມີອາຊີບຊາວນາ ທີ່ຈັງຫວັດ ຍະໂສທອນ ທີ່ມີລູກໆປະສົບຄວາມສຳເລັດ ເຊິ່ງບອກໄດ້ເລີຍວ່າ ຄອບຄົວນີ້ເກັ່ງທຸກຄົນ ແລະ ເຮັດໃຫ້ພໍ່ແມ່ພູມໃຈເປັນຍ່າງຍິ່ງ.


ທ່ານ ແຫງ ຊິນນິແສງ ອາຍຸ 64 ປີ ແລະ ນາງ ສົມຄວນ ອາຍຸ 56 ປີ ອາຊີບ ເຮັດນາ ເຊິ່ງທັງສອງມີລູກຮ່ວມກັນ 8 ຄົນ, 7 ຄົນເປັນລູກສາວ ແລະ ໄດ້ສົ່ງເຂົ້າສຶກສາທີ່ມະຫາວິທະຍາໄລອຸບົນລາດຊະທານີ ສ່ວນລູກຄົນສຸດທ້າຍກໍາລັງສຶກສາທີ່ມັດທະຍົມຕອນຕົ້ນ.
ແຕ່ລະຄົນທີ່ສຶກສາໃນລະດັບປະລິນຍາຕີນັ້ນ ລ້ວນແລ້ວແຕ່ເປັນຄົນທີ່ຮຽນດີ, ຮຽນເກັ່ງເກັ່ງ ແລະ ຈົບການສຶກສາສາດ້ວຍກຽດນິຍົມທຸກຄົນເລີຍ! ໄດ້ເຮັດວຽກໃນສາຍທີ່ຕົນເອງໄດ້ຮຽນມາອີກດ້ວຍ ແລະ ເຮັດໃຫ້ແຕ່ລະຄົນມີວຽກເຮັດງານທຳທີ່ດີກັນທຸກຄົນ ແລະ ແນ່ນອນວ່າລູກໆທຸກຄົນ ກໍ່ກັບມາດູແລພໍ່ແມ່ ແລະ ທົດແທນບຸນຄຸນພໍ່ແມ່ ເພື່ອຊ່ວຍໃຫ້ບັ້ນປາຍຊີວິດຂອງພໍ່ແມ່ມີຄວາມສຸກ.


ເຊິ່ງລູກທັງ 8 ຄົນນັ້ນປະກອບດ້ວຍ: ນາງ ປຣິຍະກອນ ຊິນນະແສງ ອາຍຸ 34 ປີ ຈົບປະລິນຍາຕີ ກຽດນິຍົມອັນດັບ 1; ນາງ ແສງຣະວິ ຊິນນະແສງ ອາຍຸ 33 ປີ ຈົບປະລິນຍາຕີ ກຽດນິຍົມ ອັນດັບ 1; ນາງ ສີສຸດາ ຊິນນະແສງ ອາຍຸ 31 ປີ ຈົບປະລິນຍາຕີ ກຽດນິຍົມ ອັນດັບ 2; ນາງ ສະບາໄພ ຊິນນະແສງ ອາຍຸ 30 ປີ ຈົບປະລິນຍາຕີ ກຽດນິຍົມ ອັນດັບ 2; ນາງ ສຸພັນສາ ຊິນນະແສງ ອາຍຸ 27 ປີ ຈົບປະລິນຍາຕີ ກຽດນິຍົມ ອັນດັບ 1; ນາງ ຖາວະຣີ ຊິນນະແສງ ອາຍຸ 23 ປີ ບັນດິດປ້າຍແດງ ຈົບປະລິນຍາຕີ ກຽດນິຍົມ ອັນດັບ 1; ນາງ ຣະພີພອນ ຊິນນະແສງ ອາຍຸ 21 ປີ ກຳລັງສຶກສາຊັ້ນປີທີ 3 ມີຜົນການຮຽນປັດຈຸບັນ ສະເລ່ຍເກຣດ 3,72 ແລະ ທ້າວ ກອນວະລັນ ຊິນນະແສງ ອາຍຸ 15 ປີ.


ໂດຍລູກໆທຸກຄົນຕ່າງກໍ່ຍິນດີ, ດີໃຈ ແລະ ພາກພູມໃຈ ທີ່ຮຽນຈົບ ແລະ ໄດ້ດີກັນທຸກຄົນ ອີກທັງຮັກດີໃຈທີ່ໄດ້ເກີດມາເປັນລູກຂອງພໍ່ແມ່ ເຊິ່ງພໍ່ແມ່ໄດ້ອົບຮົບບົ່ມສອນໃຫ້ລູກທຸກຄົນຮູ້ຈັກຄຸນຄ່າຂອງຊີວິດ ແລະ ໃຫ້ໄດ້ຮຽນສູງໆ ມີໜ້າທີ່ການງານທີ່ດີ ເຖິງແມ່ນວ່າພໍ່ແມ່ຈະເປັນພຽງຊາວນາ ແຕ່ກໍ່ລ້ຽງລູກທຸກຄົນໃຫ້ປະສົບຜົນສຳເລັດໄດ້ ແລະ ລູກທຸກຄົນກໍ່ຄິດວ່າຢາດເຫື່ອຂອງພໍ່ແມ່ ຄືພະລັງນຳໄປສູ່ຄວາມສຳເລັດ.

ທີ່ມາ: hunsa