ດີໃຈ! 16 ມື້ແລ້ວ ລາວບໍ່ພົບຜູ້ຕິດເຊື້ອເພີ່ມ ຊົມເຊິີຍທຸກຄົນທີ່ຊ່ວຍກັນປະຕິບັດຄຳສັ່ງ 06 ຢ່າງເຄັ່ງຄັດ

ດີໃຈ! 16 ມື້ແລ້ວ ລາວບໍ່ພົບຜູ້ຕິດເຊື້ອເພີ່ມ ຊົມເຊິີຍທຸກຄົນທີ່ຊ່ວຍກັນປະຕິບັດຄຳສັ່ງ 06 ຢ່າງເຄັ່ງຄັດ

28th April 2020 0 By Admin

ສປປ ລາວ ບໍ່ພົບຜູ້ຕິດເຊື້ອ 16 ມື້ຕິດຕໍ່ກັນ ເຮັດໃນຈໍານວນຜູ້ຕິດເຊື້ອສະສົມ 19 ຄົນ ແລະ ປິ່ນປົວຫາຍດີ ແລະ ໄດ້ອອກໂຮງໝໍແລ້ວ 07 ຄົນ ແລະ ຍັງເຫຼືອ 12 ຄົນ ທີ່ຈະໄດ້ສືບຕໍ່ຕິດຕາມ ປິ່ນປົວຕາມອາການຢ່າງໃກ້ຊິດ. ເຊິ່ງທັງໝົດນັ້ນ ມີອາການເບົາບາງ. ສະພາບການລະບາດຜ່ອນຄາຍລົງຄືແນວນີ້ ກໍ່ຍ້ອນວ່າ ປະຊາຊົນບັນດາເຜົ່າ ໄດ້ເປັນເຈົ້າການ ຮ່ວມໄມ້ຮ່ວມມື ໃນການຈັດຕັ້ງປະຕິບັດ ຄໍາສັ່ງ ເລກທີ 06/ນຍ.

ທ່ານ ຮສ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ,  ຜູ້ປະຈໍາການ ຄະນະສະເພາະກິດ ຖະແຫຼງໃນວັນທີ 28 ເມສາ 2020 ວ່າ: ໃນວັນທີ 27 ເມສາ 2020, ໄດ້ເກັບຕົວຢ່າງມາກວດທັງໝົດ 19 ຄົນ, ໃນນັ້ນ ຜູ້ມີອາການສົງໄສມາກວດຢູ່ໂຮງໝໍ 15 ຄົນ, 01 ຄົນ ແມ່ນຜູ້ຕິດເຊື້ອກໍລະນີທີ 6 ທີ່ເກັບຕົວຢ່າງກວດຄືນ ແລະ 03 ຄົນ ແມ່ນແຮງງານລາວທີ່ກັບມາຈາກປະເທດໄທ.

ທັງນີ້, ໃນຈໍານວນຜູ້ມີອາການສົງໄສ 05 ຄົນ, ທັງໝົດ ແມ່ນມາຈາກນະຄອນຫຼວງວຽງຈັນ. ສຳລັບແຮງງານລາວ ຈຳນວນ 03 ຄົນ, ທັງໝົດ ແມ່ນມາຈາກແຂວງຄຳມ່ວນ  ເຊິ່ງຜົນກວດທັງໝົດ 19 ຄົນ ບໍ່ພົບເຊື້ອ ໝາຍຄວາມວ່າໃນວັນທີ 27 ເມສາ 2020 ບໍ່ມີກໍລະນີໃໝ່.

ນັບແຕ່ເດືອນມັງກອນ ຮອດ ວັນທີ 27 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1,815 ຕົວຢ່າງ, ກວດພົບເຊື້ອສະສົມ 19 ຄົນ (16 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).

ປັດຈຸບັນ ມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍພຽງແຕ່ 12 ຄົນ. ຢູ່ໂຮງໝໍແຂວງຫຼວງພະບາງ ມີ 01 ຄົນ ເປັນເພດຊາຍ ແລະ  ຢູ່ໂຮງໝໍມິດຕະພາບ ມີ 11 ຄົນ ທັງໝົດເຫັນວ່າ ມີອາການເບົາບາງ ແລະ ຍັງຕິດຕາມປິ່ນປົວຕາມອາການ.