6 ປະໂຫຍດຈາກ ຫົວສີໃຄ ສິ່ງດີໆທີ່ຄວນມີໄວ້ໃນຄົວເຮືອນ

6 ປະໂຫຍດຈາກ ຫົວສີໃຄ ສິ່ງດີໆທີ່ຄວນມີໄວ້ໃນຄົວເຮືອນ

28th April 2020 0 By Admin

ສີໃຄ ເປັນພືດລົ້ມລຸກຊະນິດໜຶ່ງ ທີ່ມີລັກສະນະເປັນກໍ ນິຍົມປູກໄວ້ຕາມບ້ານເຮືອນ ແລະ ນຳມາປຸງແຕ່ງອາຫານ ທັງຍັງເປັນພືດສະໝູນໄພທີ່ມີຄຸນປະໂຫຍດຢ່າງຫຼວງຫຼາຍ ເພາະວ່າສີໄຄນັ້ນອຸດົມໄປດ້ວຍວິຕາມິນ ແລະ ແຮ່ທາດຫຼາຍຊະນິດ ດັ່ງນັ້ນ, ເຮົາມາຮູ້ຈັກກັບຄຸນປະໂຫຍດຂອງສີໄຄນຳກັນເລີຍ.


1 ຊ່ວຍໄລ່ແມງໄມ້: ນອກຈາກຈະນຳມາປຸ່ງແຕ່ງອາຫານແລ້ວ ສີໄຄຍັງມີປະໂຫຍດໃນການໄລ່ແມງໄມ້ ເນື່ອງຈາກວ່າ ສີໄຄ ມີນ້ຳມັນຫອມລະເຫີຍຢູ່ໃນໃບ ແລະ ລຳຕົ້ນ ເຊິ່ງນ້ຳມັນຫອມເຫຼົ່ານີ້ມີຄຸນສົມບັດໃນການໄລ່ແມງໄມ້ໄດ້ເປັນຢ່າງດີ.

2 ຊ່ວຍລ້າງສານພິດ: ສຳລັບຄົນທີ່ຮັກສາສຸຂະພາບ ບໍ່ຄວນພາດ ເພາະວ່າສີໄຄ ມີຄຖນສົມບັດໃນການລ້າງສານພິດໃນຮ່າງກາຍ ດ້ວຍການເຮັດໃຫ້ລະບົບປັດສະວະຫຼາຍຂຶ້ນ ເນື່ອງຈາກວ່າສານເຄມີທີ່ຢູ່ໃນສີໄຄ ຈະຊ່ວຍທຳຄວາມສະອາດລະບົບຍ່ອຍອາຫານ, ຂັບສານພິດ ແລະ ກົດຍູຣິກອອກຈາກຮ່າງກາຍ ເຮັດໃຫ້ລະບົບຍ່ອຍອາຫານສະອາດຂຶ້ນ.


3 ຊ່ວຍຍ່ອຍອາຫານ: ມີງານວິໄຈໜຶ່ງພົບວ່າ ການດື່ມຊາສີໄຄ ຈະຊ່ວຍໃນການຍ່ອຍ, ຫຼຸດອາການປວດທ້ອງ, ແກ້ຫວັດ ແລະ ຊ່ວຍຫຼຸດຜ່ອນແກ໊ສໃນລຳໄສ້ໄດ້ອີກດ້ວຍ.

4 ຊ່ວຍຊ້ອມແຊມ ແລະ ບຳລູງລະບົບປະສາດ: ມີງານວິໄຈຈຳນວນບໍ່ນ້ອຍພົບວ່າ ສີໄຄສາມາດຊ່ວຍຊ້ອມແຊ້ມ ແລະ ເສີມຄວາມແຂງແຮງໃຫ້ກັບລະບົບປະສາດໄດ້ ເຊິ່ງສາມາດພິສູດໄດ້ວ່າ ການນຳເອົານ້ຳມັນຫອມລະເຫີຍສີໄຄມາຢອດລົງບົນຜິວໜັງ ຈະຮູ້ສຶກໄດ້ວ່າມັນອຸ່ນໆ ເຊິ່ງມັນຈະເຮັດໃຫ້ກ້າມເນື້ອຜ່ອນຄາຍໄດ້ຫຼາຍຂຶ້ນ.


5 ຊ່ວຍຮັກສາອາການອັບເສບ: ນອກຈາກຈະຊ່ວຍໃຫ້ຜ່ອນຄາຍ ແລະ ບັນເທົາອາການປວດຕ່າງໆໄດ້ແລ້ວ ນອກຈາກນີ້ ຍັງຊ່ວຍຫຼຸດອາການອັກເສບ ເຊິ່ງເປັນສາເຫດຂອງອາການປວດຕ່າງໆເຊັ່ນ: ປວດຟັນແຂ້ວ, ປວດກ້າມເນື້ອ ຫຼື ປວດຕາມຂໍ່ໄດ້ອີກດ້ວຍ.

6 ຊ່ວຍບຳລູງຜິວ: ສີໄຄເປັນສະໝູນໄພທີ່ອຸດົມໄປດ້ວຍສານຕ້ານອະນຸມູນອິດສະຫຼະ ດັ່ງນັ້ນ, ຈຶ່ງສາດຊ່ວຍບຳລູງຜິວ ແລະ ເຮັດໃຫ້ຜິວພັນສົດໃສສຸຂະພາບດີນຳອີກ.


ຈາກ: health.