ມື້ນີ້, ປາກຊ່ອງໜາວສຸດ ອຸນຫະພູມວັດແທກໄດ້ 10 ອົງສາ

ມື້ນີ້, ປາກຊ່ອງໜາວສຸດ ອຸນຫະພູມວັດແທກໄດ້ 10 ອົງສາ

18th November 2019 0 By Admin

ອາກາດໂດຍທົ່ວໄປລວມເວລາ 7:00 ໂມງຂອງວັນທີ 18 ພະຈິກ 2019 ຄວາມກົດດັນອາກາດສູງຂອງອາກາດເຢັນທີ່ປະເທດຈີນຍັງສືບແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ດ້ວຍກຳລັງອ່ອນ ຫາ ປານກາງ, ສົມທົບກັບກະແສລົມຕາເວັນອອກ – ຕາເວັນອອກສ່ຽງເໜືອພັດປົກຄຸມ,ເຊິ່ງລັກສະນະເຊັ່ນນີ້ຈະເຮັດໃຫ້ອາກາດຍັງສືບຕໍ່ເຢັນ ຫາ ໜາວເຢັນໃນຕອນກາງຄືນ ຫາ ຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ, ສ່ວນໃນໄລຍະຕອນບ່າຍອາກາດຮ້ອນ ພ້ອມຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນ.

ຂະນະທີ່ກົມອຸຕຸນິຍົມ ແລະ ອຸທົກກະສາດໄດ້ລະບຸວ່າເຂດທີ່ອຸນຫະພູມຕໍ່າກວ່າໝູ່ແມ່ນ ພູພຽງປາກຊ່ອງ ບໍລິເວນ, ອຸນຫະພູມວັດແທກໄດ້ທີ່ 9 ອົງສາ; ຮອງລົງມາແມ່ນເມືອງສິງ ວັດແທກໄດ້ 10 ອົງສາ; ຖັດລົງມາ ອຸດົມໄຊ, ຫຼວງນໍ້າທາ ວັດແທກໄດ້ 11 ອົງສາ.

ຊຳເໜືອ, ຊຽງຂວາງ ແລະ ໄຊສົມບູນ ອຸນຫະພູມຢູ່ທີ່ 13 ອົງສາ. ສ່ວນ ນິຄົມ34, ວຽງພູຄາ ອຖນຫະພູມຢູ່ທີ 14 ອົງສາ ແລະ 15 ອົງສາ ວັດແທກໄດ້ທີ່ ຜົ້ງສາລີ ແລະ ເມືອງ ວຽງໄຊ. ສຳລັບນະຄນຫຼວງວຽງຈັນ ອຸນຫະພູມມື້ນີ້ ວັດແທກໄດ້ຢູ່ທີ 23 ອົງສາ

ສະນັ້ນ, ຈຶ່ງເຕືອນມາຍັງພໍ່ແມ່ປະຊາຊົນ ທີ່ອາໄສຢູ່ໃນບັນເຂດແຂວງດັ່ງກ່າວ ຈົ່ງຮັກສາຂຸຂະພາບໃຫ້ອົບອຸ່ນຢູ່ສະເໝີ ເພື່ອຫຼິກລ່ຽງຈາກການເຈັບປ່ວຍ ທີ່ອາດຈະເກີດຂຶ້ນໄດ້ງ່າຍ.