ຂ່າວດີ 15 ມື້ລຽນ ລາວບໍ່ພົບຜູ້ຕິດເຊື້ອເພີ່ມ ແລະ ປິ່ນປົວຫາຍດີອອກຈາກໂຮງໝໍແລ້ວ 7 ຄົນ… ຊົມເຊີຍ

ຂ່າວດີ 15 ມື້ລຽນ ລາວບໍ່ພົບຜູ້ຕິດເຊື້ອເພີ່ມ ແລະ ປິ່ນປົວຫາຍດີອອກຈາກໂຮງໝໍແລ້ວ 7 ຄົນ… ຊົມເຊີຍ

27th April 2020 0 By Admin

ວັນທີ 27 ເມສາ 2020 ເວລາ 14:30 ໂມງ ທີ່ສູນປະຕິບັດງານ ຄະນະສະເພະກິດ ຕ້ານໂຄວິດ-19 ໄດ້ມີການຖະແຫຼງຂ່າວໃຫ້ຮູ້ວ່າ: ໄດ້ເກັບຕົວຢ່າງມາວິເຄາະໃນວັນຫຼ້າສຸດທັງໝົດຈໍານວນ 61 ຄົນ ( ມີອາການສົງໄສກວດຢູ່ໂຮງໝໍ 5 ຄົນ ) ຜ່ານການວິເຄາະເຫັນວ່າ ບໍ່ພົບເຊື້ອ ເຮັດໃຫ້ 15 ມື້ ລຽນຕິດແລ່້ວທີ່ບໍ່ພົບຜູ້ຕິດເຊື້ອໃໝ່ ເຮັດໃຫ້ຍອດຄົງທີ 19 ກໍລະນີທີ່ຕິດເຊື້ອ ( ປົວດີ ແລະ ອອກໂຮງໝໍແລ້ວ 7 ຄົນ )

ສໍາລັບ ຄົນທໍາອິດທີ່ປົວດີແມ່ນ ນາງ ເພັດມະລີ ມົງຄົນວິໄລ ( ກໍລະນີທີ 12 ) ຢູ່ບ້ານນາໄຊ ເມືອງໄຊເສດຖາ ນະຄອນຫຼວງວຽງຈັນ ອາຍຸ 20 ປີ ບ້ານນາໄຊ ເມືອງໄຊເສດຖາ ນະຄອນຫຼວງວຽງຈັນ ອອກໂຮງໝໍວັນທີ 14 ເມສາ 2020, ສ່ວນຄົນທີ 2 ແມ່ນ ນາງ ສິລິວັນ ສີສົມບັດ, ນັກສຶກສາລາວ ຈາກປະເທດ ອັງກິດ, ອາຍຸ 20 ປີ, ກໍລະນີທີ 14, ບ້ານຊ້າງຄູ້, ເມືອງໄຊທານີ, ນະຄອນຫຼວງວຽງຈັນ ໄດ້ອອກໂຮງໝໍໃນວັນທີ 16 ເມສາ 2020 ແລະ 2 ຄົນຫຼ້າສຸດແມ່ນຢູ່ແຂວງຫຼວງພະບາງ

*

ຄົນທີ 3 ແລະ ທີ 4 ແມ່ນຢູ່ແຂວງຫຼວງພະບາງ. ຄົນທີ 5, 6 ແລະ 7 ແມ່ນ ອອກໂຮງໝໍ ວັນທີ 25 ເມສາ 2020 ປະກອບດ້ວຍ ກໍລະນີທີ 1 ເພດຊາຍ ອາຍຸ 28 ປີ ບ້ານຈັນສະຫວ່າງ ນະຄອນຫລວງວຽງຈັນ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 24/3/2020, ກໍລະນີທີ 11 ເພດຊາຍ ອາຍຸ 55 ປີ ສັນຊາດປາປົວນິວກີເນຍ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 5/4/2020 ແລະ ກໍລະນີທີ 15 ເພດຍິງ ອາຍຸ 20 ປີ ບ້ານຈອມມະນີ ເມືອງໄຊເສດຖາ ນະຄອນຫລວງວຽງຈັນ ເຂົ້າປິ່ນປົວຢູ່ໂຮງໝໍມິດຕະພາບ ວັນທີ 7/4/2020.

*