ໂຮງຮຽນທິດສະດີການເມືອງກອງທັບເອົາໃຈໃສ່ປະຕິບັດເລກທີ 06/ນຍ ຢ່າງເຂັ້ມງວດຕິດຜັນກັບການປັບປຸ່ງກໍ່ສ້າງກົມກອງ

ໂຮງຮຽນທິດສະດີການເມືອງກອງທັບເອົາໃຈໃສ່ປະຕິບັດເລກທີ 06/ນຍ ຢ່າງເຂັ້ມງວດຕິດຜັນກັບການປັບປຸ່ງກໍ່ສ້າງກົມກອງ

26th April 2020 0 By Admin

ໂດຍປະຕິບັດຕາມແຈ້ງການຂອງລັດຖະບານກໍ່ຄືກະຊວງປ້ອງກັນປະເທດວ່າດ້ວຍການເພີ່ມທະວີມາດຕະການໃນການເຝົ້າລະວັງສະກັດກັ້ນ,ກັນການລະບາດ ແລະ ກຽມຄວາມພ້ອມຮອບດ້ານໃນການຕ້ານເຊື້ອພະຍາດຈຸລະໂລກອັກເສບປອດສາຍພັນໃໝ່ ຫຼື ໂຄວິດ-19 ທີ່ກໍາລັງແຜ່ລາມຢ່າງຮ້າຍແຮງໃນບັນດາຫຼາຍປະເທດທົ່ວໂລກເວົ້າລວມເວົ້າສະເພາະຢູ່ສປປລາວ ກໍໄດ້ກວດພົບຜູ້ທີ່ຕິດເຊື້ອໂຄວິດ-19 ,ເຊີ່ງໃນປັດຈຸບັນມີຜູ້ຕິດເຊື້ອແລ້ວ 19 ກໍລະນິໃນນັ້ນປີ່ນປົ່ວດີແລ້ວ 7 ກໍລະນິແລະອອກຈາກໂຮງຫມໍກັບຄືນເມື່ອບ້ານແລ້ວ.


ສະຫາຍ ພັນເອກ ວິໄລ ເພັດມີໄຊ ຮອງອຳນວຍການ ຫົວໜ້າຫ້ອງການເມືອງໂຮງຮຽນທິດສະດີການເມືອງກອງທັບໄດ້ໃຫ້ສຳພາດຕໍ່ນັກຂ່າວຫນັງສືພີມກອງທັບໃນວັນທີ່ 26 ເມສານີ້ວ່າ: ພາຍຫຼັງທີ່ໄດ້ຮັບຄຳສັງ,ແຈ້ງການ ແລະ ຂໍ້ຕົກລົງຕ່າງໆຈາກພາກສວນທີ່ກ່ຽວຂ້ອງຄະນະພັກ-ຄະນະອຳນວຍການພວກເຮົາກໍ່ໄດ້ຮີບຮ້ອນຄົ້ນຄ້ວາ

ເພື່ອແຕ່ງຕັ້ງອານຸກຳມະການຮັບຜິດຊອບແຕ່ລະຫນ້າວຽກອັນລະອຽດໂດຍການປະສານສົມທົບກັບແຕ່ລະພາກສວນທີ່ກ່ຽວ ແລະ ພ້ອມກັນຈັດຕັ້ງປະຕິບັດຢ່າງເຄັງຮ້ອນແລະ ເຂັ້ມງວດມອບໃຫ້ແຕ່ລະຫ້ອງການເປັນເສນາທິການໃນການຈັດຕັ້ງປະຕິບັດເວົ້າສະເພາະແມ່ນພະແນກເສນາຮັກເປັນໂຕຕັ້ງ-ໂຕຕີໃນການກວດຄັດກ່ອງວັດແທກອຸນຫະພູມໃຫ້ພະນັກງານ-ນັກຮົບບໍ່ວ່າຈະເປັນການເຂົ້າ-ອອກຄ້າຍ,

ເຊີ່ງໃນປັດຈຸບັນຢູ່ກົມກອງຂອງພວກເຮົາຍັງມີແຮງງານອ້າຍນ້ອງກຳມະກອນ ສສ ຫວຽດນາມຈໍານວນຫນື່ງທີ່ກຳລັງກໍ່ສ້າງຕືກອາຄານສຳນັກງານຕາມແຜນການໄລຍະທີ່ສອງເຊີ່ງໃນແຕ່ລະວັນກໍ່ໄດ້ຈັດຕັ້ງກວດວັດແທກອຸນຫະພູມໂດຍໄດ້ຮັບການປະສານສົມທົບຈາກຫ້ອງການປ້ອງກັນຊາດ ສສ ຫວຽດນາມ ປະຈຳລາວໃຫ້ການແນ່ນຳອ້າຍ-ນ້ອງດັ່ງກ່າວເຫັນວ່າໄດ້ຮັບການຮ່ວມມືທີດີແລະມີຄວາມຮັບຜິດຊອບສູງພ້ອມກັນຈັດຕັ້ງປະຕິບັດຢ່າງເຂັ້ມງວດ


ສະຫາຍ ພົນຈັດຕະວາ ປອ ຄໍາຜາຍ ສະພັງເຫນືອ ຫົວຫນ້າການເມືອງໂຮງຮຽນທິດສະດີການເມືອງກອງທັບຍັງໃຫ້ຮູ້ຕື່ມອີກວ່າ:ໄປຄຽງຄູ່ກັບວຽກງານດັ່ງກ່າວຄະນະພັກ-ຄະນະອຳນວຍການພວກເຮົາຍັງໄດ້ຖືເອົາວຽກງານສືກສາອົບຮົມການເມືອງນຳພາແນວຄິດເປັນສຳຄັນຕິດຜັນແຫນ້ນກັບຫນ້າທີ່ການເມືອງຂອງຕົນໃນການເປັນເຈົ້າການຕອບຕ້ານກັບເຊື້ອພະຍາດດັ່ງກ່າວເປັນຕົ້ນແມ່ນໄດ້ປະສານສົມທົບກັບອຳນາດການປົກຄອງບ້ານ,

ກຳລັງກອງຫຼອນ ປກຊ-ປກສ ບ້ານເຮັດໜ້າທີປ້ອງກັນຕາມຂອບເຂດຄວາມຮັບຜິບຊອບເຮັດໃຫ້ພື້ນຖານດັ່ງກ່າວມີຄວາມສະຫງົບປອດໄພໂດຍພື້ນຖານ,ພ້ອມນັ້ນຍັງໄດ້ແຕ່ງກຳລັງປະຈຳການຕະຫລອດ 24ຊົ່ວໂມງແລະມີການຈັດຕັ້ງຕິດຕາມກວດກາໃນແຕ່ລະຈຸດໂດຍສະເພາະແມ່ນເຂດເຊື່ອມຕໍທີ່ມີຄວາມສຽງແມ່ນຈະຕ້ອງໄດ້ພ້ອມກັນສຸ່ມໃສ ແກ້ໄຂແລະຮັບປະກັນບໍ່ໃຫ້ເກີດບັນຫາຂື້ນເພື່ອເປັນການສະກັດກັ້ນກັບການລະບາດຂອງເຊື້ອພະຍາດໂຄວິດ-19 ໂດຍທົ່ວໄປແລ້ວປັດຈຸບັນນີ້ພາຍໃນກົມກອງມີຄວາມສະຫງົບ ແລະ ຄວາມເປັນລະບຽບຮຽບຮ້ອຍໂດຍພື້ນຖານ,ອຳນາດການປົກບ້ານ ແລະ ພໍ່ແມ່ປະຊາຊົນທຸກຊັ້ນຄົນກໍໄດ້ໃຫ້ການຮ່ວມມືເປັນຢ່າງດີ.

.
ສະຫາຍ ພົນຈັດຕະວາ ປອ ຄໍາຜາຍ ສະພັງເຫນືອ ຍັງໄດ້ຮຽກຮ້ອງມາຍັງພະນັກງານ-ນັກຮົບທຸກສະຫາຍຈົງເອົາໃຈໃສ່ໃນການປ້ອງກັນຕົນເອງ ແລະ ຕື່ນຕົວເປັນເຈົ້າການຮັກສາສຸຂະພາບໃຫ້ມີຄວາມແຂງແຮງໂດຍປະຕິຕາມຄຳແນະນຳຂອງແພດ-ໝໍຢ່າງເຂັມງວດເປັນຕົ້ນແມ່ນລ້າງມືໃສ່ສະບູດ້ວຍນ້ຳສະອາດຫຼືໃສເຈວປະສົມຂອງທາດເຫຼົ້າ 70 ອົງສາຂື້ນໄປ.ພ້ອມທັງໃສ່ຜ້າອັດປາກ-ດັງ ແລະ ລີກລ້ຽງການເດີນທາງໄປເຂດທີ່ມີຄວາມສຽງຕໍ່ການລະບາດ ແລະ ເຂດຊຸມຊົນທີ່ແອອັດ.

.

ທັງນີ້ກໍ່ເພື່ອຮັບປະກັນໄດ້ຄວາມປອດໄພ,ເຊີ່ງໃນຕໍ່ຫນ້ານີ້ໂຮງຮຽນທິດສະດີການເມືອງກອງທັບພວກເຮົາຈະໄດ້ເປີດຊຸດບຳລຸງວຽກງານພັກ-ວຽກງານເມືອງ,ກໍ່ສ້າງຮາກຖານ,ປ້ອງກັນພາຍໃນ,ກວດກາແລະຂະແຫນ່ງການອື່ນໆໄລຍະສັ້ນເພື່ອເປັນເບົ້າລໍ່ນາຍທະຫານໃຫ້ມີຄຸນທາດການເມືອງຫນັກແຫນ້ນ,ມີຄຸນສົມບັດສິນທຳປະຕິວັດຕາມແບບແຜນສ້າງກອງທັບປະຕິວັດມີແບບແຜນແລະທັນສະໄຫມຂື້ນເປັນກ້າວໆ

 

ໂດຍ ວັນໄຊ ໄຊສະຫວັດ
ພາບ ທອງເພັດ ໄຊຍະເພັນ