ດີໃຈນຳ! ຄອບຄົວທີ່ຖືກພິດພາຍຸພັດຜ່ານ ໄດ້ຮັບການຊ່ວຍເຫຼືອແລ້ວ

ດີໃຈນຳ! ຄອບຄົວທີ່ຖືກພິດພາຍຸພັດຜ່ານ ໄດ້ຮັບການຊ່ວຍເຫຼືອແລ້ວ

25th April 2020 0 By Admin

ຈາກກໍລະນີ ທີ່ເມືອງລະຄອນເພັງ ແຂວງ ສາລະວັນໄດ້ຮັບຜົນກະທົບຈາກພາຍຸພັດຜ່ານ ໃນຕອນແລງຂອງວັນທີ 22 ເມສາ 2020 ອັນເຮັດໃຫ້ຊັບສິນ ແລະ ເຮືອນຊານຂອງພໍ່ແມ່ປະຊາຊົນໄດ້ຮັບຜົນກະທົບຄວາມເສຍຫາຍຫຼາຍພໍສົມຄວນ, ຕາມການເກັບກຳຂໍ້ມູນປະເມີນຜົນເສຍຫາຍໃນເບື່ອງຕົ້ນ ມີເຮືອນປະຊາຊົນໄດ້ຮັບຜົນກະທົບທັງໝົດ 18 ບ້ານ, ມີ 119 ຫຼັງຄາໃນນັ້ນ; ເສຍຫາຍໜັກ 5 ຫຼັງຄາເຮືອນ ປະເພດ ລົ້ມໝົດຫຼັງ.

*

ຫຼ້າສຸດ, ໃນວັນທີ 24 ເມສາ 2020  ການນໍາຂັ້ນແຂວງ ແລະ ການນໍາຂັ້ນເມືອງລົງພື້ນທີ່ຕົວຈິງກວດກາຄວາມເສຍຫາຍ ພ້ອມມອບເຄື່ອງຊ່ວຍເຫຼືອບັນເທົາທຸກໃຫ້ກັບຄອບຄົວທີ່ໄດ້ຮັບຜົນກະທົບ ເຊິ່ງນຳໂດຍທ່ານ ບົວທອງ ຄຸນຍອດປັນຍາ ຮອງເຈົ້າແຂວງ ສາລະວັນ ພ້ອມດ້ວຍ ທ່ານຮອງພະແນກ ຮສສ ແຂວງ ແລະ ການນໍາຂັ້ນເມືອງ ລົງເຄື່ອນໄຫວຢ້ຽມຍາມ, ໃຫ້ກຳລັງໃຈພ້ອມທັງມອບເຄື່ອງບໍລິໂພກ, ອຸປະໂພກ ແລະ ໄດ້ລະດົມແຮງງານອ້າຍນ້ອງທະຫານຄ້າຍ 26 ໃຫ້ການຊ່ວຍເຫຼືອກັບບ້ານ ແລະ ຄອບຄົວ ຜູ້ຖືກຜົນກະທົບຈາກພາຍຸພັດຜ່ານອີກດ້ວຍ.

*