ນ້ຳ​ໝ່າ​ເຂົ້າ​ຮູ້​ຄຸນ​ປະ​ໂຫຍດ​ແລ້ວ ຈະ​ບໍ່​ກ້າ​ຖິ້ມ

ນ້ຳ​ໝ່າ​ເຂົ້າ​ຮູ້​ຄຸນ​ປະ​ໂຫຍດ​ແລ້ວ ຈະ​ບໍ່​ກ້າ​ຖິ້ມ

25th April 2020 0 By Admin

ເວລາເຮົາຈະຫຸງເຂົ້າຈ້າວ ຫຼື ໝ່າເຂົ້າໜ້ຽວ ເຮົາຕ້ອງໄດ້ລ້າງເຂົ້າໃຫ້ສະອາດກ່ອນ ແຕ່ຮູ້ບໍ່ວ່າ ນໍ້າໝ່າເຂົ້າ ຫລື ນ້ຳລ້າງເຂົ້າທີ່ທ່ານຖອກຖິ້ມນັ້ນມີປະໂຫຍດຫຼາຍສິ່ງຫຼາຍຢ່າງ

ໂດຍມື້ນີ້ອິນໄຊລາວ ໄດ້ນຳເອົາເຄັດລັບປະໂຫຍດດີໆຈາກນໍ້າໝ່າເຂົ້າ ມີຫຍັງແດ່ ເບິ່ງນຳກັນເລີຍ

4 ຄຸນປະໂຫຍດຂອງນໍ້າໝ່າເຂົ້າ

ດີຕໍ່ຜ້າສີຂາວ ຊ່ວຍໃຫ້ຜ້າສີຂາວທີ່ເກົ່າໝອງ ກັບມາຂາວໃໝ່ອີກຄັ້ງ ພຽງແຕ່ແຊ່ຜ້າສີຂາວທີ່ເຮົາຈະຊັກ ລົງໃນນໍ້າໝ່າເຂົ້າ ປະມານ 3 ມື້ ໂດຍປ່ຽນນໍ້າໃໝ່ 2 ຄັ້ງ/ມື້ ເພື່ອບໍ່ໃຫ້ນໍ້າໝ່າເຂົ້າບູດ ຫຼັງຈາກນັ້ນກໍ່ເອົາມາຊັກຕາມປົກກະຕີ

ດີຕໍ່ເຄື່ອງຄົວ ເຮືອນໃດທີ່ມີບັນຫາເລື່ອງຄາບມັນ ຫຼື ກິ່ນຄາວ ຕິດຢູ່ຕາມ ຖ້ວຍ ຈານ ຊາມ ໝໍ້ ຫຼື ພາສະນະອຶ່ນໆ ກໍ່ສາມາດໃຊ້ນໍ້າໝ່າເຂົ້າລ້າງໄດ້ ເພາະມັນຈະຊ່ວຍກຳຈັດຄາບເຫຼົ່ານັ້ນໄດ້

ດີຕໍ່ແວ່ນ ສຳລັບໃຜທີ່ຢາກໃຫ້ແວ່ນພາຍໃນເຮືອນສະອາດ ໃສ, ລອງໃຊ້ນໍ້າໝ່າເຂົ້າລ້າງ ແລ້ວໃຊ້ໜັງສືພີມເຊັດອອກ ພຽງເທົ່ານີ້ແວ່ນກໍ່ຈະສະອາດ ໃສ ແລ້ວ

ດີຕໍ່ຜັກສວນຄົວ ສຳລັບໃຜທີ່ປູກຜັກສວນຄົວ ຫຼື ປູກຕົ້ນໄມ້ໃນເຮືອນ ແນະນຳໃຫ້ຫົດດ້ວຍນໍ້າໝ່າເຂົ້າ ຂິເຮັດໃຫ້ຕົ້ນໄມ້ແຂງແຮງ ຂຽວງາມດີ

ໃນເມື່ອຮູ້ປະໂຫຍດດີໆຈາກນ້ໍາໝ່າເຂົ້າແບບນີ້ແລ້ວ ຕໍ່ໄປທ່ານຍັງຈະຖິ້ມມັນຢູ່ບໍ່

ຂໍຂອບໃຈຂໍ້ມູນຈາກ: rakbankerd, gotoknow, Mitchai Khamngok, vegetweb, http://insidelaos.com/