34 ​ມື້​ທີ່​ລໍ​ຄອຍ ໄດ້​ອອກ​ໂຮງ​ໝໍ​ແລ້ວ ຂອບ​ໃຈ​ທ່ານ​ໝໍຫຼາຍໆ​ເດີ້… ຄົນ​ທີ 5 ເຊົາ​ຈາກ​ໂຄວິດ

34 ​ມື້​ທີ່​ລໍ​ຄອຍ ໄດ້​ອອກ​ໂຮງ​ໝໍ​ແລ້ວ ຂອບ​ໃຈ​ທ່ານ​ໝໍຫຼາຍໆ​ເດີ້… ຄົນ​ທີ 5 ເຊົາ​ຈາກ​ໂຄວິດ

25th April 2020 0 By Admin

ອີກ​ໜຶ່ງ​ຄົນ​ທີ່​ຫາຍ​ຈາກ​ເຊື້ອ​ໂຄວິດ ແລະ ໄດ້​ໂພ​ສ​ຜ່ານ​ເຟດ​ບຸກ​ສ່ວນ​ໂຕ​ຕົນ​ເອງວ່າ

34 ມື້ທີ່ຢູ່ໂຮງຫມໍ, 34 ມື້ທີ່ຮູ້ສຶກວ່າ ດົນ ແລະ ຍາວນານທີ່ສຸດໃນຊີວິດທີ່ໄດ້ຮັກສາຕົວເອງໃນໂຮງຫມໍ.ມາຮອດມື້ນີ້, ມື້ທີ່ຊ່າງເອງລໍຄອຍ ແລະ ພາວະນາຢູ່ທຸກມື້, ກາໄດ້ກາຍມາເປັນຄວາມຈິງ,

ຊ່າງໄດ້ຮັກສາຫາຍດີຈາກCovid 19 ແລ້ວ 100% ແລະ ກໍາລັງອອກໂຮງຫມໍມື້ນີ້

ເຖິງແນວໃດກໍຕາມ, ຊ່າງຍັງຕ້ອງສືບຕໍ່ປະຕິບັດຕາມຄຳແນະນຳຂອງແພດຫມໍຢູ່ບ້ານຢ່າງເຄັ່ງຄັດ.

ຂ້າພະເຈົ້າ ແລະ ຄອບຄົວຢາກຂໍຂອບໃຈຫລາຍໆ ແລະ ສະແດງຄວາມຮູ້ບຸນຄຸນຢ່າງສຸດຊຶ້ງມາຍັງທາງພັກລັດ, ໂຮງຫມໍ ມິດຕະພາບ (150ຕຽງ), ນັກຮົບເສື້ອຂາວ ຫລື ຮີ່ໂລ້ຂອງບ້ານເຮົາກໍ່ຄື ທ່ານຫມໍ, ພະຍາບານ, ອ້າຍເອື້ອຍທຸກຄົນທີ່ໄດ້ເສຍສະຫລະເວລາຂອງຕົວເອງມາຕໍ່ສູ້ກັບພະຍາດນີ້, ແລ້ວຍັງປິ່ນປົວ ແລະ ເບິ່ງແຍງເຮົາ ແລະ ຄົນໄຂ້ອີກຫລາຍໆຄົນເປັນຢ່າງດີ.

ຢາກຂໍຂອບໃຈທ່ານຫມໍ ແລະ ອ້າຍເອື້ອຍພະຍາບານທີ່ເປັນທັງທ່ານຫມໍ ແລະ ຍັງເປັນຄົນທີ່ໃຫ້ກຳລັງໃຈໃນມື້ທີ່ເຮົາເສຍໃຈທີ່ສຸດ, ອ່ອນແອທີ່ສຸດ ແລະ ນັ່ງຮ້ອງໄຫ້ໃນມື້ທີ່ບໍ່ມີໃຜ 😭😭😭, ຂອບໃຈສຳລັບຄຳປອບໃຈ ແລະ ພະລັງບວກດີໆທີ່ມອບໃຫ້ 💕

ຢາກຂໍຂອບໃຈສຳລັບທຸກໆກຳລັງໃຈຈາກທຸກຄົນທີ່ເຮັດໃຫ້ຊ່າງຕໍ່ສູ້ນຳມັນຈົນຜ່ານມາໄດ້ຮອດມື້ນີ້.

ສຸດທ້າຍນີ້, ຂ້າພະເຈົ້າ ແລະ ຄອບຄົວຢາກຂໍຂອບໃຈຈາກໃຈອີກຄັ້ງຫນຶ່ງ ແລະ ສັນຍາວ່າ ຈະໃຊ້ຊີວິດເທື່ອນີ້ໃຫ້ດີທີ່ສຸດ

After 34 days that i have been in the hospital, this day has finally arrived. I am fully recovered from Covid 19 and has been discharged from the hospital today

However, i will strongly follow all the advices and precautions from the hospital

Once again, Thank you so much to all my friends and families for all your supports 💙