ຝົນມາໄວແຕ່ຕົ້ນປີ!!​ ເມືອງຊຽງເງິນ ເສຍຫາຍໜັກຈາກນ້ຳຖ້ວມ ປະເມີນຄວາມເສຍຫາຍເບື້ອງຕົ້ນ 2 ຕື້ກີບ !!

ຝົນມາໄວແຕ່ຕົ້ນປີ!!​ ເມືອງຊຽງເງິນ ເສຍຫາຍໜັກຈາກນ້ຳຖ້ວມ ປະເມີນຄວາມເສຍຫາຍເບື້ອງຕົ້ນ 2 ຕື້ກີບ !!

27th April 2020 0 By Admin

ຝົນມາໄວແຕ່ຕົ້ນປີ!!​ ເມືອງຊຽງເງິນ ເສຍຫາຍໜັກຈາກນ້ຳຖ້ວມ ປະເມີນຄວາມເສຍຫາຍເບື້ອງຕົ້ນ 2 ຕື້ກີບ !!

ເນື່ອງຈາກມີພະຍຸຝົນຕົກໜັກຕິດຕໍ່ກັນເປັນເວລາຫຼາຍຊົ່ວໂມງໃນຄໍາຄືນຂອງວັນທີ 23 ເມສາ 2020 ຜ່ານອັນໄດ້ເຮັດໃຫ້ບ້ານຖິ່ນແກ້ວ,​ ເມືອງຊຽງເງິນ,​ ແຂວງຫຼວງພະບາງ ເກີດມີນໍ້າຖ້ວມເຮືອນຂອງພໍ່ແມ່ປະຊາຊົນ ເຊິ່ງໄດ້ສ້າງຄວາມ ເສຍຫາຍໃຫ້ຈຳນວນ 9 ຄອບຄົວ ແລະ ເນື້ອທີ່ເຮັດການຜະລິດຕື່ມອີກຈຳນວນໜຶ່ງ.

ກອງບັນຊາການທະຫານເມືອງຊຽງເງິນ ຈິ່ງໄດ້ຈັດຕັ້ງກຳລັງລົງພື້ນທີ່ຈຳນວນ 35 ຄົນ ພ້ອມພາຫະນະ ເພື່ອຊ່ວຍເຫຼືອ ຄອບຄົວຜູ້ທີ່ຖືກຜົນກະທົບຈາກໄພນໍ້າຖ້ວມໃນຄັ້ງນີ້. ພາຍໃຕ້ການຊີ້ນຳ-ນຳພາຂອງ ທ່ານ ພັນໂທ ຈັນພອນ ສຸລິວົງ ຄະນະປະຈຳພັກເມືອງ, ຫົວໜ້າການເມືອງກອງບັນຊາ ການທະຫານເມືອງຊຽງເງິນ ເຊິ່ງມາຮອດປັດຈຸບັນປະຊາຊົນບາງຄອບຄົວກໍ່ຂາດທາງດ້ານສະບຽງອາຫານ, ເຄື່ອງໃຊ້ ແລະ ນໍ້າດື່ມ, ແຕ່ກໍ່ໂຊກດີ ທີ່ບໍ່ມີຜູ້ໄດ້ຮັບບາດເຈັບ ແລະ ເສຍຊີວິດ. ສຳລັບການປະເມີນຄວາມເສຍຫາຍໃນເບື້ອງຕົ້ນ ແມ່ນ 2 ຕື້ກວ່າກີບ.

Source: Media laos