ອີຕົນເດ! ປະຊາຊົນບ້ານກີ່ວຕະລຸນ 1 ໄປນອນໄຮ່ ຊໍ້າພັດຖືກນໍ້າໄຫຼຊຸ ເສຍຊີວິດ 1 ຄົນ, ຫາຍສາບສູນອີກ 3

ອີຕົນເດ! ປະຊາຊົນບ້ານກີ່ວຕະລຸນ 1 ໄປນອນໄຮ່ ຊໍ້າພັດຖືກນໍ້າໄຫຼຊຸ ເສຍຊີວິດ 1 ຄົນ, ຫາຍສາບສູນອີກ 3

25th April 2020 0 By Admin

ອີງຕາມການລາຍງານຂອງສະຫາຍ ພັນຕີ ວຽງເພັດ ພັນທະວົງ ນັກຂ່າວປະຈຳຢູ່ກອງບັນຊາການທະຫານເມືອງຊຽງເງິນ ໄດ້ໃຫ້ຮູ້ວ່າ: ຕອນເຊົ້າວັນທີ 24 ເມສາ 2020 ເກີດມີຝົນຕົກໜັກຕິດຕໍ່ກັນ ເປັນເວລາຫລາຍຊົ່ວໂມງ ເຮັດໃຫ້ປະຊາຊົນບ້ານກີ່ວຕະລຸນ 1 ເຂດກີ່ວກະຈຳ ເມືອງຊຽງເງິນ,ແຂວງຫວງພະບາງ ຈຳນວນ 2 ຄອບຄົວ ລວມມີ 10 ຄົນ ທີ່ໄປນອນຢູ່ໄຮ່ ຖືກນ້ຳໄຫລຊຸ ເຮັດໃຫ້ມີຜູ້ບາດເຈັບ 1 ຄົນເປັນເພດຊາຍ, ເສຍຊີວິດ 1 ຄົນ ເປັນເດັກຍິງ ແລະ ສູນຫາຍໄປກັບນ້ຳ 3 ຄົນ, ຍິງ 2 ຄົນ ຊາຍ 1 ຄົນ.


ປັດຈຸບັນ ເຈົ້າໜ້າທີ່ ທະຫານເມືອງຊຽງເງິນ ໂດຍການຊີ້ນຳ-ນຳພາຂອງສະຫາຍ ພັນໂທ ທອງພັນ ບຸນທຳ ຮອງຫົວໜ້າການທະຫານ ກອງບັນຊາການທະຫານເມືອງ ໄດ້ສົມທົມກັບເຈົ້າໜ້າທີ່ກຸ່ມກີ່ວກະຈຳ ສືບຕໍ່ເລັ່ງຄົ້ນຫາສົບທີ່ຫາຍສາບສູນ.

*

ທີ່ມາ, ປະເທດລາວ