ທະຫານເມືອງຊຽງເງິນ ລົງພື້ນທີ່ 35 ສະຫາຍ ຊ່ວຍເຫຼືອປະຊາຊົນຈາກໄພນໍ້າປ່າໄຫຼ

ທະຫານເມືອງຊຽງເງິນ ລົງພື້ນທີ່ 35 ສະຫາຍ ຊ່ວຍເຫຼືອປະຊາຊົນຈາກໄພນໍ້າປ່າໄຫຼ

25th April 2020 0 By Admin

ໃນຕອນເຊົ້າເວລາ 8 ໂມງ ຂອງວັນທີ 24 ເມສາ 2020 ເນື່ອງຈາກພະຍຸຝົນຕົກໜັກ ເປັນເວລາ 2 ຊົ່ວໂມງກວ່າ ເກີດມີນໍ້າໄຫຼມາແຕ່ເທິງພູ ສຸເອົາເຮືອນຂອງປະຊາຊົນ ຢູ່ບ້ານຖິ່ນແກ້ວ ເມືອງຊຽງເງິນ ແຂວງຫຼວງພະບາງ

ເຮັດໃຫ້ນໍ້າຖ້ວມ ພັດເອົາວັດຖຸສິ່ງຂອງເສຍຫາຍຈໍານວນ 10ກວ່າຄອບຄົວ ແລະ ເນື້ອທີ່ທໍາການຜະລິດຕື່ມອີກຈໍານວນໜຶ່ງ. ແຕ່ໂຊກດີບໍ່ມີຄົນບາດເຈັບ ແລະ ຊີວິດ.ເມື່ອໄດ້ຮັບຮູ້ສະຖານນະການ ກອງບັນຊາການທະຫານເມືອງຊຽງເງິນໄດ້ຈັດຕັ້ງກໍາລັງລົງພື້ນທີ່ຈໍານວນ 35 ສະຫາຍ

ເພື່ອຊ່ວຍເຫຼືອຄອບຄົວທີ່ຖືກຜົນກະທົບຈາກໄພນໍ້າຖ້ວມຄັ້ງນີ້ ພາຍໃຕ້ການຊີ້ນໍາ – ນໍາພາຂອງ ສະຫາຍ ພັນໂທ ຈັນພອນ ສຸລິວົງ ຄະນະປະຈໍາພັກເມືອງ ຫົວໜ້າການເມືອງກອງບັນຊາການທະຫານເມືອງຊຽງເງິນ.

ປະຈຸບັນຊາວບ້ານບາງຄອບຄົວຂາດສະບ່ຽງອາຫານ, ເຄື່ອງໃຊ້ ແລະ ນໍ້າດື່ມ,ສໍາລັບຄວາມເສຍຫາຍ ຕາມການປະເມີນໃນເບື້ອງຕົ້ນແມ່ນປະມານ 20 ກວ່າລ້ານກີບກີບ.

.