ສຸດແສນດີໃຈ! 12 ມື້ລຽນຕິດ ລາວບໍ່ພົບຜູ້ຕິດເຊື້ອເພີ່ມ.. ຊົມເຊີຍ!

ສຸດແສນດີໃຈ! 12 ມື້ລຽນຕິດ ລາວບໍ່ພົບຜູ້ຕິດເຊື້ອເພີ່ມ.. ຊົມເຊີຍ!

24th April 2020 0 By Admin

ຂ່າວດີລຽນຕິດ 12 ມື້ແລ້ວ ສປປ ລ່ວ ບໍ່ພົບຜູ້ຕິດເຊື້ອໂຄວິດເພີ່ມ ເຮັດໃຫ້ຍອດຜຄ້ຕິດເຊື້ອທັງໝົດຄົງທີ່ 19 ຄົນ, ປິ່ນປົວຫາຍດີ ແລະ ກັບບ້ານໄດ້ແລ້ວ ຈຳນວນ 4 ຄົນ, ມາຮອດປັດຈຸບັນ ຍັງເຫຼືອ 15 ຄົນ, ໃນນີ້ ນະຄອນຫຼວງ 14 ຄົນ, ຫຼວງພະບາງ 1 ຄົນ ເຊິ່ງທັງໝົດເຫັນວ່າ ມີອາການເບົາບາງ ແລະ ຍັງຕິດຕາມປິ່ນປົວຕາມອາການ ແລະ ກວດຫາເຊື້ອເພື່ອຢັ້ງຢືນ.

ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີ ກະຊວງສາທາລະນະສຸກ, ຜູ້ປະຈໍາການ ຄະນະສະເພາະກິດ ໄດ້ຖະແຫຼງຂ່າວໃນວັນທີ 24 ເມສາ 2020 ວ່າ:  ໃນວັນທີ 23 ເມສາ 2020, ໄດ້ເກັບຕົວຢ່າງມາກວດທັງໝົດ 83 ຄົນ, ໃນນັ້ນ ມີຜູ້ມີມີອາການສົງໄສມາກວດຢູ່ໂຮງໝໍ 12 ຄົນ ແລະ ແຮງງານລາວທີ່ກັບມາຈາກ ປະເທດໄທ 71 ຄົນ (ມີອາການ 02 ຄົນ ແລະ ບໍ່ມີອາການ 69 ຄົນ) ໂດຍໃນຈໍານວນ 83 ຄົນ ທີ່ມາກວດນັ້ນ ມີ ນະຄອນຫຼວງວຽງຈັນ 09 ຄົນ ແລະ ຕ່າງແຂວງ 74 ຄົນ ລາຍລະອຽດ ດັ່ງລຸ່ມນີ້: ຈຳປາສັກ 46 ຕົວຢ່າງ; ສະຫວັນນະເຂດ 19 ຕົວຢ່າງ; ຄຳມ່ວນ 04 ຕົວຢ່າງ; ສາລະວັນ 03 ຕົວຢ່າງ; ຫຼວງນ້ຳທາ 01 ຕົວຢ່າງ  ແລະ ບໍລິຄຳໄຊ 01 ຕົວຢ່າງ.

ສຳລັບຜົນກວດທັງໝົດ 83 ກໍລະນີ ບໍ່ພົບເຊື້ອ. ໝາຍຄວາມວ່າໃນວັນທີ 23 ເມສາ 2020 ບໍ່ມີກໍລະນີໃໝ່. ສະນັ້ນ, ນັບແຕ່ເດືອນມັງກອນ ຮອດ ວັນທີ 23 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1,611 ຄົນ, ກວດພົບເຊື້ອທັງໝົດ 19 ຄົນ (12 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).

ສ່ວນຈໍານວນຜູ້ສໍາຜັດໃກ້ຊິດກັບຜູ້ຕິດເຊື້ອທັງໝົດ ທີ່ໄດ້ຕິດຕາມ ແຕ່ວັນທີ 09 ມີນາ ຮອດ 23 ເມສາ 2020 ມີ ທັງໝົດ 313 ຄົນ, ໝົດກໍານົດຕິດຕາມ ທັງໝົດ 311 ຄົນ, ຍັງສືບຕໍ່ຕິດຕາມທັງໝົດ 02 ຄົນ ທັງໝົດແມ່ນຢູ່ນະຄອນຫຼວງວຽງຈັນ ແລະ ຕິດຕາມຢູ່ໂຮງໝໍ 103, ຍັງອີກ 01 ມື້ ແມ່ນຈະຄົບກຳນົດຕິດຕາມ 14 ວັນ, ຖືວ່າຜູ້ສໍາພັດໃກ້ຊິດກັບຄົນເຈັບ ທັງໝົດແມ່ນຢູ່ນະຄອນຫຼວງວຽງຈັນ.

ທ່ານກ່າວຕື່ມວ່າ ປັດຈຸບັນຍັງເຫຼືອມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍທັງໝົດ 15 ຄົນ ຢູ່ໂຮງໝໍແຂວງຫຼວງພະບາງ ມີ 01 ຄົນ ເປັນເພດຊາຍ, ເຫັນວ່າມີອາການຄົງຕົວ ຂັ້ນເບົາບາງ ແລະ ຍັງຕິດຕາມປິ່ນປົວຕາມອາການ ແລະ ກວດຫາເຊື້ອເພື່ອຢັ້ງຢືນ. ສ່ວນຢູ່ໂຮງໝໍມິດຕະພາບ ມີ 14 ຄົນ ທັງໝົດເຫັນວ່າ ມີອາການເບົາບາງ ແລະ ຍັງຕິດຕາມປິ່ນປົວຕາມອາການ ແລະ ກວດຫາເຊື້ອເພື່ອຢັ້ງຢືນ.