ແຈ້ງດ່ວນຈາກອຸຕຸ! ພາກເໜືອ-ກາງ ກຽມຮັບມືກັບພາຍຸລະດູຮ້ອນ 24-26 ເມສານີ້

ແຈ້ງດ່ວນຈາກອຸຕຸ! ພາກເໜືອ-ກາງ ກຽມຮັບມືກັບພາຍຸລະດູຮ້ອນ 24-26 ເມສານີ້

24th April 2020 0 By Admin

ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ແຈ້ງການເຕືອນພາຍຸລະດູຮ້ອນ ແຕ່ວັນທີ 24-26 ເມສາ 2020 ສະບັບເລກທີ 0449/ກອຕທ ລົງວັນທີ 24 ເມສາ 2020 ສະບັບທີ 1.


ເນື່ອງຈາກວ່າບໍລິເວນຄວາມກົດດັນສູງຂອງອາກາດເຢັນ ທີ່ມີກໍາລັງປານກາງຫາແຮງຈາກປະເທດຈີນແຜ່ລົງມາປົກຄຸມເຂດພາກເຫນືອລົງຫາພາກກາງ ແລະ ພາກໃຕ້ ຂອງປະເທດລາວ, ພ້ອມດຽວກັນນີ້ທົ່ວທຸກພາກອາກາດ ຮ້ອນເອົ້າຍັງປົກຄຸມໄດ້ເກີດມີການກະທົບຂອງມວນອາກາດເຢັນ ແລະ ມວນອາກາດຮ້ອນ ເຊິ່ງຈະເຮັດໃຫ້ເກີດມີພາຍຸ ລະດູຮ້ອນໃນລັກສະນະຝົນຕົກຟ້າຮ້ອງຝ້າເຫຼື້ອມ, ຟ້າຜ່າ ແລະ ຫມາກເຫັບຕົກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເຫນືອ ແລະ ພາກກາງ ໃນໄລຍະວັນທີ 24 ຫາ 26 ເມສາ 2020 ນີ້.


ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນ ແລະ ອໍານາດການປົກຄອງທຸກພາກສ່ວນທີ່ອາໄສຢູ່ບັນດາແຂວງ ພາກເໜືອ ແລະ ພາກກາງເຊັ່ນ: ຜົ້ງສາລີ, ຫົວພັນ, ຊຽງຂວາງ, ຫຼວງນ້ໍາທາ, ອຸດົມໄຊ, ບໍ່ແກ້ວ, ຫຼວງພະບາງ, ໄຊຍະບຸລີ, ວຽງຈັນ, ນະຄອນຫຼວງວຽງຈັນ, ໄຊສົມບູນ ແລະ ບໍລິຄໍາໄຊ ຈົ່ງມີສະຕິລະມັດລະວັງຕໍ່ສະພາບຝົນຕົກຟ້າ ຮ້ອງຜ້າເຫຼື້ອມ, ຟ້າຜ່າ, ຫມາກເຫັບຕົກ ແລະ ລົມພັດແຮງ ຫຼີກລ່ຽງການຢູ່ສະຖານທີ່ກາງແຈ້ງ, ກ້ອງຕົ້ນໄມ້ໃຫຍ່ ແລະ ເສົາໄຟຟ້າແຮງສູງ, ສະຖານທີ່ກໍ່ສ້າງ ແລະ ປ້າຍໂຄສະນາທີ່ບໍ່ແຫນ້ນຫນາ.

ສະພາບລວມພະຍາກອນອາກາດ ໃນແຕ່ລະພາກ

*

ພະຍາກອນອາກາດໃນແຕ່ລະພາກ ປະຈຳວັນທີ 24 ເມສາ 2020

*