ຈີນປະກາດໃຫ້ງົບ WHO ເພີ່ມ 30 ລ້ານໂດລາ ຫຼັງອາເມລິກາປະກາດຢຸດຕິການສະໜັບສະໜູນ

ຈີນປະກາດໃຫ້ງົບ WHO ເພີ່ມ 30 ລ້ານໂດລາ ຫຼັງອາເມລິກາປະກາດຢຸດຕິການສະໜັບສະໜູນ

23rd April 2020 0 By Admin

ຈີນປະກາດເມື່ອວັນທີ ເມສາ 2020 ລະບຸວ່າ: ຈີນຈະໃຫ້ງົບສະໜັບສະໜູນອົງການອານາໄມໂລກ ເພີ່ມຂຶ້ນອີກ 30 ລ້ານໂດລາສະຫະລັດ ຫຼື ປະມານ 969 ລ້ານບາດ ເພື່ອໃຊ້ໃນການຕໍ່ສູ້ກັບການແພ່ລະບາດຂອງໂຄວິດ-19 ທົ່ວໂລກ ຫຼັງລັດຖະບານສະຫະລັດອາເມລິກາ ປະກາດຈະລະງັບງົບສະໜັບສະໜູນອົງການອະນາໄມໂລກ ເນື່ອງຈາກສະຫະລັດອາເມລິກາກ່າວວ່າອົງການອະນາໄມໂລກ ບໍລິຫານຈັດການການແພ່ລະບາດຜິດພາດ.

ກ່ອນທີ່ຈະທຣັມປະກາດວ່າ ສະຫະລັດເປັນຜູ້ສະໜັບສະໜູນອົງການອະນາໄມໂລກລາຍໃຫຍ່ທີ່່ສຸດຂອງໂລກ ຈະລະງັບການສະໜັບສະໜູນທາງການເງິນໃຫ້ກັບອົງການອະນາໄມໂລກເປັນການຊົ່ວຄາວ ເມື່ອອາທິດກ່ອນ.


ຫຼ້າສຸດ, ທ່ານ ເກິ່ງ ສ່ວງ ໂຄສົກກະຊວງຕ່າງປະເທດຈີນ ລະບຸວ່າ ເງິນບໍລິຈາກກ້ອນໃໝ່ຈະເພີ່ມຈາກກ້ອນເກົ່າທີ່ຈີນ ຈະໃຫ້ອົງການອະນາໄມໂລກ 20 ລ້ານໂດລາສະຫະລັດ ເຊິ່ງຈຳນວນເງິນດັ່ງກ່າວ ຈະໃຊ້ໃນການຊ່ວຍພັດທະນາລະບົບສາທາລະນະສຸກໃນປະເທດກຳລັງພັດທະນາ, ພ້ອມກັບຢໍ້າວ່າ ການສະໜັບສະໜູນອົງການອະນາໄມໂລກຄັ້ງນີ້ ຈະສະແດງໃຫ້ເຫັນແຮງສະໜັບສະໜູນ ແລະ ຄວາມເຊື້ອໝັ້ນຂອງລັດຖະບານຈີນ ແລະ ປະຊາຊົນຈີນ ທີ່ມີຕໍ່ອົງການອະນາໄມໂລກ.


ທັງນີ້, ຈີນເອງກໍ່ຮຽກຮ້ອງໃຫ້ສະຫະລັດອາເມລິກາສະໜັບສະໜູນ ການຕໍ່ສູ້ກັບການແພ່ລະບາດຂອງອົງການອະນາໄມໂລກຕໍ່ໄປ. ຂະນະທີ່ຜູ້ສັງເກດການຕ່າງໃຫ້ຄວາມເຫັນວ່າ ການຢຸດຕິໃຫ້ງົບສະໜັບສະໜູນຂອງສະຫະລັດ ຈະສົ່ງຜົນຕໍ່ໂຄງການເພື່ອຮັບມືກັບໂຣກໄພທົ່ວໂລກ.