ບໍລິສັດ​ ​ຢູນິລີເວີ​ ປະຈຳ​ປະເທດລາວ​ ບໍລິຈາກຫລາຍກວ່າ 139 ລ້ານກີບ ແກ່ບຸກຄະລາກອນທາງການແພດ

ບໍລິສັດ​ ​ຢູນິລີເວີ​ ປະຈຳ​ປະເທດລາວ​ ບໍລິຈາກຫລາຍກວ່າ 139 ລ້ານກີບ ແກ່ບຸກຄະລາກອນທາງການແພດ

22nd April 2020 0 By Admin

ບໍລິສັດ​ ​ຢູນິລີເວີ​ ປະຈຳ​ປະເທດລາວ​ ບໍລິຈາກຫລາຍກວ່າ 139 ລ້ານກີບ ແກ່ບຸກຄະລາກອນທາງການແພດ ຂອງ​ ກະຊວງ ສາທາລະນະສຸກ​ ເພື່ອຕໍ່ສູ້ກັບ​ພະຍາດ ໂຄວິດ​19

.

ຫົວໜ້າຫ້ອງການ ກະຊວງ ສາທາລະນະສຸກ ທ່ານ​ ດຣ.​ ເນົາບຸດຕາ ໄດ້ໃຫ້ກຽດເປັນປະທານ ຮັບມອບສິນຄ້າ ບໍລິໂພກ​ ອຸປະໂພກ​ຈາກ​ ບໍລິສັດ​ ຢູນິລີເວີ​ ປະຈຳປະເທດລາວ​ ຊຶ່ງເປັນມູນຄ່າ 136, 936, 282 ກີບ​ ເພື່ອສົ່ງມອບໃຫ້ແກ່ ບຸກຄະລາກອນ​ທາງການແພດ ຜ່ານກະຊວງສາທາລະນະສຸກ​ເພື່ອຕໍ່ສູ້ກັບ​ພະຍາດ​ໂຄວິດ​19.

ສິນຄ້າໃນການບໍລິຈາກທັງໝົດໃນຄັ້ງນີ້​ ເປັນຈຳນວນ 526 ແກັດ​ ຊຶ່ງລວມມີ ສະບູກ້ອນ ຊິຕຣ້າ ຈຳນວນ​ 115 ແກັດ,​ ຢາຖູແຂ້ວ ໂຄສອັບ ຈຳນວນ​ 100 ແກັດ,​ ຄະນໍ ໂຈ໊ກ ຈຳນວນ​ 160 ແກັດ,​ ສະບູຝຸ່ນ ໂອໂມ 30 ແກັດ,​ ນ້ຳຢາລ້າງຈານ ຊັນໄລ 60 ແກັດ ແລະ​ ພອນສ໌ 61 ແກັດ.

.

ປະຈຸບັນ​ ຈຳນວນຜູ້ຮັບເຊື້ອ​ໂຄວິດ​19​ ໃນ​ ສປປ ລາວ.​ແມ່ນຢູ່ທີ່ 14​ ຄົນ​ ຊຶ່ງມີແນວໂນ້ມເພີ່ມຂຶ້ນເລື້ອຍໆ.​ ເຖິງແມ່ນວ່າ ຈຳນວນຜູ້ຕິດເຊື້ອ​ຈະຍັງບໍ່ສູງເມື່ອທຽບກັບປະເທດອື່ນໆໃນຂອບເຂດໃກ້ຄຽງ​ ແຕ່ທຸກພາກສ່ວນ ກໍບໍ່ໄດ້ນິ້ງນອນໃຈ,​ ຕັ້ງໜ້າໃນການເຮັດທຸກວິທີທາງເພື່ອເປັນການສະກັດກັ້ນການລະບາດ ຂອງ​ ພະຍາດນີ້ ໂດຍສະເພາະ​ ບຸກຄະລາກອນທາງການແພດ ທີ່ຕ້ອງໄດ້ປະຕິບັດຫນ້າທີ່ຢ່າງຫນັກຫນ່ວງເປັນພິເສດ.​

ສະນັ້ນ​ ໃນນາມ​ ພາກສ່ວນເອກະຊົນ,​ ບໍລິສັດ​ ຢູນິລີເວີ​ ປະຈຳປະເທດລາວ ກໍຂໍສະແດງຄວາມເປັນຫ່ວງເປັນໄຍ ແລະ​ ປະກອບສ່ວນເລັກນ້ອຍ ເພື່ອເປັນສ່ວນຫນຶ່ງໃນການສະແດງຄວາມຮັບຜິດຊອບ​ຕໍ່ສັງຄົມ​ ແລະ​ ເປັນການປ້ອງກັນ ການລະບາດ ຂອງ​ ພະຍາດ​ໂຄວິດ​ 19.