ຄະນະຊາວໜຸ່ມ​ ຈໍາປາສັກ ມອບອຸປະກອນ ປ້ອງກັນ​ ລະອອງ​ຈາກການໄອ,​ຈາມ​ ໃຫ້ຄະນະກຳມະການຕ້ານໂຄວິດ -​ 19​

ຄະນະຊາວໜຸ່ມ​ ຈໍາປາສັກ ມອບອຸປະກອນ ປ້ອງກັນ​ ລະອອງ​ຈາກການໄອ,​ຈາມ​ ໃຫ້ຄະນະກຳມະການຕ້ານໂຄວິດ -​ 19​

22nd April 2020 0 By Admin

ຄະນະຊາວໜຸ່ມ​ ປະຊາຊົນ​ ປະຕິວັດ​ ແຂວງຈໍາປາສັກ​ ໄດ້ຈັດພິທີ ມອບອຸປະກອນ ໜ້າກາກ​ ປ້ອງກັນ​ ລະອອງ​ຈາກການໄອ,​ຈາມ​ ແລະ​ ນໍ້າລາຍ​ ໃຫ້ຄະນະກຳມະການຕ້ານພະຍາດອັກເສບປອດສາຍພັນໄໝ່ໂຄວິດ -​ 19​ ທ​ີ່ຫ້ອງວ່າການປົກຄອງແຂວງ​ຈໍາປາສັກ.​


ໃນຕອນບ່າຍຂອງວັນທີ​ 21 ເມສາ​ 2020​ ທີ່​ຫ້ອງວ່າການປົກຄອງແຂວງ​ຈໍາປາສັກ​ໄດ້ຈັດພິທີ ມອບອຸປະກອນ​ ໜ້າກາກ​ ປ້ອງກັນ​ ການໄອ, ຈາມ​ ແລະ​ ນໍ້າລາຍ​ໃຫ້ການນໍາຂັ້ນແຂວງ ໃຫ້ກຽດມອບ ໂດຍ​ ທ່ານ​ ຄໍາສີ​ ຫລິນສະຫວາດ​ ເລຂາຄະນະບໍລິຫານງານຊາວໜຸ່ມ​ ປປລ​ ແຂວງ, ຮັບ​ ໂດຍ​ ທ່ານ​ ບົວລິນ​ ວົງພະຈັນ ຮອງເຈົ້າແຂວງໆຈໍາປາສັກ​ ຮອງປະທານ,​ ຄະນະກຳມະການຕ້ານພະຍາດອັກເສບປອດສາຍພັນໄໝ່ ໂຄວິດ​ -​ 19,​ ມີ​ ທ່ານ​ ສະນັ່ນ​ ສີພາພົມມະຈັນ​ ກຳມະການພັກແຂວງ.​ຫົວໜ້າ​ຫ້ອງວ່າການປົກຄອງແຂວງ​ ພ້ອມດ້ວຍພະນັກງານຊາວໜຸ່ມ,​ ສະມາຊິກຊາວໜຸ່ມເຂົ້າຮ່ວມຢ່າງພ້ອມພຽງ


ທ່ານ​ ບົວລິນ​ ວົງພະຈັນ​ ຮອງເຈົ້າແຂວງໆຈໍາປາສັກ​ ຮອງປະທານ,​ຄະນະກຳມະການຕ້ານພະຍາດອັກເສບປອດສາຍພັນໄໝ່ໂຄວິດ -​ 19​ ຜູ້ປະຈໍາການ ໄດ້ໄຫ້ກຽດໂອລົມ ແລະ​ ລາຍງານສະພາບການໂດຍຫຍໍ້ ເພື່ອຈະນໍາເອົາ ອຸປະກອນ​ ປ້ອງກັນທີ່ນໍາມາມອບໃຫ້ໃນຄັ້ງນີ້ ມີໜ້າກາກ ຈໍານວນ​ 1.000 ອັນ,​ ລວມມູນຄ່າເປັນເງິນທັງໝົດ 6.850.000 ກີບ​ ອຸປະກອນ​ ດັ່ງກ່າວ​ ແມ່ນຈະເກີດຂື້ນໄດ້ກໍຍ້ອນກຳລັງປະຈັນບານ ຈາກຊາວໜຸ່ມອາສາສະໝັກຕະລຸມບອນ ທົ່ວແຂວງ.

.

​ທີ່ພ້ອມພຽງກັນ ເຮັດໜ້າກາກນີ້ຂື້ນ ເພື່ອນໍາລົງໄປແຈກຢາຍ ແຕ່ລະຈຸດທີ່ມີຄວາມສ່ຽງ ຕໍ່ການຕິດເຊື້ອພະຍາດອັກເສບປອດ ໃນສູນກັນ ແລະ​ ໂຮງໝໍ​ ຕາມຈຸດຕ່າງໆ ຢູ່ພາຍໃນເທດສະບານນະຄອນປາກເຊ ແຂວງຈໍາປາສັກ​ ໃຫ້ລົດນ້ອຍຖອຍລົງໃນໄວໆນີ້.
ຂ່າວຈາກ: #ສຸລິສັກ​ ແສງດວງຈັນ