ຊື່ນຊົມນໍ້າໃຈປູ່ທວດໄວ 99 ປີ ເປີດບໍລິຈາກສົມທົບທຶນໄດ້ 400 ກວ່າລ້ານບາດ ຊ່ວຍເຫຼືອສັງຄົມ

ຊື່ນຊົມນໍ້າໃຈປູ່ທວດໄວ 99 ປີ ເປີດບໍລິຈາກສົມທົບທຶນໄດ້ 400 ກວ່າລ້ານບາດ ຊ່ວຍເຫຼືອສັງຄົມ

19th April 2020 0 By Admin

ສື່ຕ່າງປະເທດລາຍງານ ວັນທີ 17 ເມສາ ປີ 2020 ວ່າປູ່ທວດ ທອມ ມົວຮ໌ ໄວອາຍຸ 99 ປີ ເຊິ່ງເຄີຍເປັນທະຫານຜ່ານເສິກສົງຄາມໂລກຄັ້ງທີ 2 ຊາວອັງກິດ ໄດ້ຍ່າງຄົບ 100 ຮອບ ທີ່ສວນຫຼັງບ້ານກ່ອນວັນເກີດອາຍຸຄົບຮອບ 100 ປີ (ວັນທີ 30 ເມສາ ປີ 2020) ພ້ອມກັບເປີດບໍລິຈາກສົມທົບທຶນ ເພື່ອຊ່ວຍເຫຼືອລະບົບບໍລິການສຸຂະພາບແຫ່ງຊາດຂອງສະຫາອານາຈັກ (NHS)


ເຊິ່ງປູ່ທວດ ໄດ້ທຳການຍ່າງດ້ວຍການໃຊ້ລໍ້ຍູ້ ສຳເລັດໃນວັນທີ 16 ເມສາ ທີ່ຜ່ານມາ ເຊິ່ງມີ 260,000 ຄົນ ຮ່ວມບໍລິຈາກ ໂດຍຍອດບໍລິຈາກຫຼາຍກວ່າ 12 ລ້ານປອນ ຫຼືປະມານ 487 ລ້ານບາດ. ຂະນະທີ່, ປູ່ທວດ ທອມ ກ່າວວ່າ: “ຂ້ອຍບໍ່ເຄີຍຄິດວ່າຈະໄດ້ເງິນບໍລິຈາກຫຼາຍຂະໜາດນີ້ ບໍ່ໜ້າເຊື່ອວ່າຄົນຈະມີນໍ້າໃຈມອບເງິນຈໍານວນຫຼາຍ (NHS)”.