ມຽນມາ ເລີ່ມພົບເສິກແລ້ວ ຫຼັງພົບຜູ້ຕິດເຊື້ອໂຄວິດ 100 ຄົນ, ເສຍຊີວິດ 5 ຄົນໃນປະທດ

ມຽນມາ ເລີ່ມພົບເສິກແລ້ວ ຫຼັງພົບຜູ້ຕິດເຊື້ອໂຄວິດ 100 ຄົນ, ເສຍຊີວິດ 5 ຄົນໃນປະທດ

19th April 2020 0 By Admin

ໜ່ວຍງານສາທາລະນະສຸກຂອງມຽນມາ ແລະ ອົງການອານາໄມໂລກ (WHO) ຢືນຢັນຢູ່ ສາທາລະນະລັດ ສະຫະພາບ ມຽນມາ ມີຜູ້ຕິດເຊື້ອພະຍາດໂຄວິດ-19 ເພີ່ມຂຶ້ນ ແຕະຫລັກ 100 ຄົນແລ້ວ ຫລ້າສຸດເພີ່ມຂຶ້ນ 9 ຄົນ ລວມເປັນ 107 ຄົນ, ໃນນີ້ເສຍຊີວິດ 5 ຄົນ ແລະ ປິ່ນປົວດີ 5 ຄົນ.

ມຽນມາ ມີປະຊາກອນປະມານ 54 ລ້ານກວ່າຄົນ, ພົບຜູ້ຕິດເຊື້ອໂຄວິດ-19 ໃນປະເທດຄົນທຳອິດໃນວັນທີ 23 ມີນາ 2020 ພ້ອມກັບ ສປປ ລາວ, ຖືວ່າສະຖານະການຕອນນີ້ ຍັງໜ້າເປັນຫ່ວງ.

ຂະນະທີ່ ປະເທດອິນໂດເນເຊຍ ເປັນປະເທດທີ່ມີຜູ້ຕິດເຊື້ອໂຄວິດ-19 ແລະ ເສຍຊີວິດຫລາຍກວ່າໜູ່ໃນອາຊຽນ (ອັບເດດວັນທີ 19 ເມສາ 2020) ຍອດຜູ້ຕິດເຊື້ອທັງໝົດ 6,248 ຄົນ, ເສຍຊີວິດ 535 ຄົນ, ປິ່ນປົວດີ 631 ຄົນ. ສ່ວນ ສປປ ລາວ ເປັນປະເທດທີ່ມີຜູ້ຕິດເຊື້ອໂຄວິດ-19 ໜ້ອຍສຸດໃນອາຊຽນ 19 ຄົນ, ປິ່ນປົວດີ 2 ຄົນ.

Photo: thestar.com