ຂໍໃຫ້ຢຸດພຽງເທົ່ານີ້ເດີ້! ຂ່າວດີ 7 ມື້ລຽນຕິດ ລາວບໍ່ພົບຜູ້ຕິດເຊື້ອເພີ່ມ

ຂໍໃຫ້ຢຸດພຽງເທົ່ານີ້ເດີ້! ຂ່າວດີ 7 ມື້ລຽນຕິດ ລາວບໍ່ພົບຜູ້ຕິດເຊື້ອເພີ່ມ

19th April 2020 0 By Admin

ສປປ ລາວ ບໍ່ພົບກໍລະນີຜູ້ຕິດເຊື້ອໄວຣັດໂຄວິດ-19 ເພີ່ມຂຶ້ນ ເປັນເວລາ 7 ວັນຕິດຕໍ່ກັນ, ເຊິ່ງຕົວເລກຜູ້ຕິດເຊື້ອສະສົມທັງໝົດຜ່ານມາ 19 ຄົນ, ໃນນັ້ນ ກໍລະນີ ທີ 12 ແລະ 14 ແມ່ນປິ່ນປົວຫາຍດີ ແລະ ອອກໂຮງໝໍແລ້ວ, ສ່ວນຜູ້ຕິດເຊື້ອ ທີ່ຍັງສືບຕໍ່ປິ່ນປົວຢູ່ໂຮງໝໍ 17 ຄົນນັ້ນ, ປັດຈຸບັນ ອາການແມ່ນຄົງຕົວຂັ້ນເບົາບາງ ແລະ ຍັງຕິດຕາມການກວດຫາເຊື້ອເພື່ອຢັ້ງຢືນ.

ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ໄດ້ໃຫ້ຮູ້ໃນໂອກາດຖະແຫລງຂ່າວ ວັນທີ 19 ເມສາ 2020 ນີ້ວ່າ: ໃນວັນທີ 18 ເມສາ 2020 ວ່າ: ໃນວັນທີ 18 ເມສາ 2020, ໄດ້ເກັບຕົວຢ່າງມາກວດທັງໝົດ 15 ຄົນ, ໃນນັ້ນມີຜູ້ສຳຜັດໃກ້ຊິດ ກັບຜູ້ຕິດເຊື້ອ 01 ຄົນ, ກໍລະນີມີອາການສົງໄສ 14 ຄົນ (ໃນນີ້ມີແຮງງານລາວທີ່ກັບມາແຕ່ໄທ 0 ຄົນ).

ສຳລັບຈຳນວນ 15 ຄົນ ທີ່ມາກວດນັ້ນ ມີ ນະຄອນຫຼວງວຽງຈັນ 11 ຄົນ; ຫຼວງພະບາງ 01 ຄົນ; ໄຊສົມບູນ 01 ຄົນ; ອັດຕະປຶ 01 ຄົນ ແລະ ໄຊຍະບູລີ 01 ຄົນ ເຊິ່ງຜົນກວດທັງໝົດ 15 ກໍລະນີ ບໍ່ພົບເຊື້ອ ໝາຍຄວາມວ່າໃນວັນທີ 18 ເມສາ 2020 ບໍ່ມີກໍລະນີໃໝ່.

ນັບແຕ່ເດືອນມັງກອນ ຮອດ ວັນທີ 18 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1,333 ຄົນ, ກວດພົບເຊື້ອທັງໝົດ 19 ຄົນ (07 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ) ແລະ ຈໍານວນຜູ້ສໍາຜັດໃກ້ຊິດທັງໝົດ ທີ່ໄດ້ຕິດຕາມ ແຕ່ວັນທີ 09 ມີນາ – 18 ເມສາ 2020 ມີ ທັງໝົດ 313 ຄົນ, ໝົດກໍານົດຕິດຕາມ ທັງໝົດ 291 ຄົນ, ຍັງສືບຕໍ່ຕິດຕາມທັງໝົດ 22 ຄົນ ເຊິ່ງມີລາຍລະອຽດ ດັ່ງລຸມນີ້:

ນະຄອນຫຼວງວຽງຈັນ 21 ຄົນ (ໃນນັ້ນ 13 ຄົນ ແມ່ນຕິດຕາມຢູ່ໂຮງໝໍ 103, ຕິດຕາມຢູ່ເຮືອນ 08 ຄົນ, ໂດຍສະເລ່ຍ ຍັງອີກ 07 ມື້ ຈຶ່ງຄົບກຳນົດຕິດຕາມ 14 ວັນ) ສ່ວນແຂວງ ໄຊສົມບູນ 01 ຄົນ ຕິດຕາມຢູ່ ແຄ້ມພູຄຳ ແລະ ຄົບກຳນົດໃນການຕິດຕາມມື້ນີ້.