ຂອບໃຈເດີ້! ສີສົມບັດ ເຊົ່າສິນເຊື່ອ ມອບເຄື່ອງບໍລິໂພກໃຫ້ປະຊາຊົນ ມູນຄ່າ 200 ລ້ານກີບ

ຂອບໃຈເດີ້! ສີສົມບັດ ເຊົ່າສິນເຊື່ອ ມອບເຄື່ອງບໍລິໂພກໃຫ້ປະຊາຊົນ ມູນຄ່າ 200 ລ້ານກີບ

18th April 2020 0 By Admin

ວັນ​ທີ 18 ເມ­ສາ 2020 ທີ່​ເມືອງ​ຈັນ­ທະ​ບູ​ລີ ທ່ານ ສີ​ສົມ­ບັດ ພິ­ລາ​ວົງ ປະ­ທານ​ບໍ­ລິ­ສັດ ສີ​ສົມ­ບັດ​ເຊົ່າ​ສິນ​ເຊື່ອ ໄດ້​ນຳ​ເງິນ ແລະ ເຂົ້າ­ສານ​ຈຳ­ນວນ 5 ໂຕນ ໄປ​ມອບ​ໃຫ້​ກັບ​ອຳ­ນາດ​ການ​ປົກ­ຄອງ​ເມືອງ​ຈັນ­ທະ​ບູ​ລີ ຕາງ­ຫນ້າ​ຮັບ​ຂອງ​ທ່ານ ບຸນ​ໜາ ຜາ​ທຸມ​ມະ​ວົງ ເຈົ້າ­ເມືອງ​ຈັນ­ທະ​ບູ​ລີ ພ້ອມ​ດ້ວຍ​ຄະ­ນະ.

ທ່ານ ສີ​ສົມ­ບັດ ພິ­ລາ​ວົງ ປະ­ທານ​ບໍ­ລິ­ສັດ ສີ​ສົມ­ບັດ ເຊົ່າ​ສິນ​ເຊື່ອ ກ່າວວ່າ: ເນື່ອງ​ຈາກ​ສະ­ພາບ​ການ​ລະ­ບາດ​ຂອງ​ພະ­ຍາດ​ໂຄ​ວິດ-19 ທີ່​ກຳ­ລັງ​ແຜ່​ລະ­ບາດ ສົ່ງ​ຜົນ​ກະ­ທົບ​ໃຫ້​ຫຼາຍ​ຄອບ­ຄົວ​ພົບ​ຄວາມ​ຫຍຸ້ງ­ຍາກ​ທາງ​ດ້ານ​ເສດ­ຖະ­ກິດ. ດັ່ງ­ນັ້ນ, ທາງ​ຄອບ­ຄົວ ກໍ​ຄື​ບໍ­ລິ­ສັດ​ສີ​ສົມ­ບັດ​ເຊົ່າ​ສິນ​ເຊື່ອ ຈຶ່ງ​ຕ້ອງ­ການ​ຊ່ວຍ­ເຫຼືອ​ຄອບ­ຄົວ​ທີ່​ຂາດ­ເຂີນ ເພື່ອ​ໃຫ້​ພ້ອມ​ກັນ​ຕ້ານ​ວິ​ກິດ​ຄັ້ງ​ນີ້​ໄປ​ໃຫ້​ໄດ້ ໃນ​ມື້­ນີ້ ຈຶ່ງ​ໄດ້​ນຳ​ເຂົ້າ​ຈຳ­ນວນ 5 ໂຕນ ແລະ ເງິນ­ສົດ​ມາ​ມອບ​ໃຫ້​ແກ່​ອຳ­ນາດ​ການ​ປົກ​ເມືອງ​ຈັນ­ທະ​ບູ​ລີ ນຳ­ໄປ​ມອບ​ໃຫ້​ແກ່​ປະ­ຊາ­ຊົນ​ພາຍ​ໃນ​ເມືອງ.

ພາບປະກອບຂ່າວ

ນອກ­ຈາກ​ນີ້ ໃນ​ໄລ­ຍະ​ຜ່ານ​ມາ ຍັງ​ໄດ້​ແຈກ​ຢາຍ​ເຄື່ອງ​ອຸ­ປະ­ໂພກ-ບໍ­ລິ­ໂພກ​ໃຫ້​ປະ­ຊາ­ຊົນ ໂດຍ​ໄດ້​ນຳ​ເອົາ​ເຂົ້າ ໝີ່​ສຳ­ເລັດ​ຮູບ ແລະ ໄຂ່ ມາ​ແຈກ​ຢາຍ​ໃຫ້​ປະ­ຊາ­ຊົນ​ຈຳ­ນວນ 1.400 ຖົງ ໃນ​ນັ້ນ​ມີ​ໄຂ່​ຈຳ­ນວນ 10 ໜ່ວຍ ໝີ່ 10 ຫໍ່ ເຂົ້າ​ຈຳ­ນວນ 6 ກິ​ໂລກ​ຣາມ ລວມ​ມູນ​ຄ່າ​ການ​ຊ່ວຍ­ເຫຼືອ​ທັງ​ໝົດ 200 ກວ່າ​ລ້ານ​ກີບ.