ດີ​ໃຈ​ເດ້ … ບໍ່​ພົບ​ຜູ້​ຕິດ​ເຊື້ອ​ໂຄວິດເພີ່ມ … ​ຢຸດ​ພຽງ​ເທ​ົ້າ​ນີ້​ເດີ້ ຜູ້​ປົວ​ຢູ່​ກະ​ເຊົາ​ໄວໆ

ດີ​ໃຈ​ເດ້ … ບໍ່​ພົບ​ຜູ້​ຕິດ​ເຊື້ອ​ໂຄວິດເພີ່ມ … ​ຢຸດ​ພຽງ​ເທ​ົ້າ​ນີ້​ເດີ້ ຜູ້​ປົວ​ຢູ່​ກະ​ເຊົາ​ໄວໆ

18th April 2020 0 By Admin

ເປັນຂ່າວດີ6 ມື້ຕິດຕໍ່ກັນ, ເມື່ອ ຄະນະສະເພາະກິດລາຍງານມື້ນີ້ 18 ເມສາ 2020 ບໍ່ພົບຜູ້ຕິດເຊື້ອໂຄວິດ-19 ເພີ່ມອີກ ເຮັດໃຫ້ຍອດລວມຄົງທີ່19 ຄົນ, ປິ່ນປົວດີແລ້ວ2ຄົນ. ຢ່າງໃດກໍຕາມ ຄະນະສະເພາະກິດ ຮຽກຮ້ອງໃຫ້ທຸກໆຄົນ ເອົາໃຈໃສ່ຮ່ວມມືທີ່ສຸດ ໃນການຈັດຕັ້ງປະຕິບັດ ຄຳສັ່ງ ເລກທີ 06/ ນຍ ເພື່ອຈຳກັດເຊື້ອພະຍາດບໍ່ໃຫ້ຂະຫຍາຍກວ້າງອອກຕື່ມອີກ.

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂພະຍາດໂຄວິດ – 19 ໄດ້ຖະແຫຼງຂ່າວປະຈຳວັນທີ 18 ເມສາ 2020 ທີ່ກະຊວງສາທາລະນະສຸກ ໂດຍມີ ທ່ານ ຮສ. ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດ ພ້ອມຄະນະເຂົ້າຮ່ວມ.

ທ່ານ ຮສ. ດຣ. ພູທອນ ເມືອງປາກ ກ່າວວ່າ:ໃນວັນທີ 17 ເມສາ 2020 ໄດ້ເກັບຕົວຢ່າງມາກວດທັງໝົດ 27 ຄົນ, ໃນນີ້ ມີ ນະຄອນຫຼວງວຽງຈັນ 23 ຄົນ, ຫຼວງພະບາງ 1 ຄົນ, ສະຫວັນນະເຂດ 3 ຄົນ (ທັງ3 ຄົນແມ່ນແຮງງານລາວທີ່ກັບມາແຕ່ໄທ). ຜົນກວດທັງໝົດ 27 ກໍລະນີ ບໍ່ພົບເຊື້ອ. ໝາຍວ່າໃນວັນທີ 17 ເມສາ 2020 ບໍ່ມີກໍລະນີໃໝ່

ຈໍານວນຜູ້ສໍາຜັດໃກ້ຊິດທັງໝົດ ທີ່ໄດ້ຕິດຕາມ ແຕ່ວັນທີ 9 ມີນາ – 17 ເມສາ 2020 ມີ ທັງໝົດ 313 ຄົນ, ໝົດກໍານົດຕິດຕາມ ທັງໝົດ 263 ຄົນ, ຍັງສືບຕໍ່ຕິດຕາມທັງໝົດ 50 ຄົນ. ໃນນີ້ ຢູ່ນະຄອນຫຼວງວຽງຈັນ 24 ຄົນ (ໃນນັ້ນ 13 ຄົນ ແມ່ນຕິດຕາມຢູ່ໂຮງໝໍ 103, ຕິດຕາມຢູ່ເຮືອນ 10 ຄົນ ແລະ ອີກ 1 ຄົນ ແມ່ນຕິດຕາມຢູ່ເຮືອນສວນ (ໂດຍສະເລ່ຍຍັງອີກ 7ມື້ ຈີ່ງຄົບກຳນົດຕິດຕາມ 14 ວັນ); ແຂວງ ໄຊສົມບູນ 26 ຄົນ ທັງໝົດຕິດຕາມຢູ່ ແຄ້ມພູຄຳ (ຍັງອີກ 1 ມື້ຈະໝົດກຳນົດ).

ການຕິດຕາມປີ່ນປົວຄົນເຈັບຢູ່ໂຮງໝໍ : ປະຈຸບັນຍັງມີຜູ້ຕິດເຊື້ອນອນຢູ່ໂຮງໝໍ 17 ຄົນ, ຈຳນວນ 3 ຄົນຢູ່ໂຮງໝໍແຂວງຫຼວງພະບາງ ເຫັນວ່າມີອາການຄົງຕົວ ຂັ້ນເບົາບາງ ຍັງຕິດຕາມການກວດຫາເຊື້ອເພື່ອຢັ້ງຢືນ. ຈຳນວນ 14 ຄົນຢູ່ໂຮງໝໍມິດຕະພາບ ທັງໝົດເຫັນວ່າ ມີອາການເບົາບາງ ແລະ ຍັງຕິດຕາມການກວດຫາເຊື້ອເພື່ອຢັ້ງຢືນ.

ທ່ານ ພູທອນ ເມືອງປາກ ຍັງໄດ້ຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າ ຈົ່ງສືບຕໍ່ຮ່ວມໄມ້ຮ່ວມມືເປັນເຈົ້າການຮ່ວມກັນປະຕິບັດຄຳສັ່ງ ເລກທີ 06/ນຍ ແລະ ບັນດາຂໍ້ແນະນຳຕ່າງໆຢ່າງເຂັ້ມງວດ ເພື່ອໃຫ້ສະພາບການລະບາດຂອງພະຍາດໂຄວິດຜ່ອນຄາຍລົງ ຈີ່ງຈະສາມາດກັບມາດຳລົງຊີວິດຕາມປົກກະຕິໄດ້.